InfoHub Logo

Jańa baǵdarlama - jańalyqqa bastar týra jol

Memleketimizdiń bilim berý úderisine engen jańartylǵan bilim berý baǵdarlamasy – zaman talabyna saı, keleshek urpaqtyń suranysyn qanaǵattandyratyn tyń baǵdarlama. Elimizdegi bilim berý salasy jańa júıege kóshý barysynda ultymyzdyń bolashaǵyna tirek bolar azamattardyń bilim deńgeıi joǵary, oı-órisi damyǵan, óz oıyn erkin jetkize alatyn, týyndaǵan máselelerdi sheshe biletin jáne shynaıy ómirge beıim jańashyl urpaq tárbıeleýdi basty faktor retinde qarastyryp otyr. Sondyqtanda bolashaq urpaqty tárbıeli, tártipti, bilimdi urpaq etip tárbıeleý bizdiń qolymyzda. Osyǵan baılanysty ustazdar aldynda oqytýdyń ádis – tásilderin únemi jańartyp otyrý jáne tehnologıalardy meńgerý, ony tıimdi qoldana bilý mindetteri tur. Sonmen óz bilimimdi  jetildirý maqsatynda, jańartylǵan bilim berý baǵdarlamasy boıynsha biliktilikti arttyrý kýrsyna qatysýǵa  bel býdym.

Nazarbaev Zıatkerlik mektepteri Pedagogıkalyq sheberlik ortalyǵynyń Shymkent qalasyndaǵy fılıalynda 05.06.2017 j-16.06.2017j  kúnder aralyǵynda oqýda boldym. Oqýǵa kelgendegi maqsatym, eń birinshi jańartylǵan bilim berý baǵdarlamasymen tanysý jáne jańasha ádis-tásilderdi tájirıbe júzinde qoldanyp, bilim alý. Bul meniń ustazdyq jolymdaǵy alǵashqy biliktilikti arttyrý kýrsym bolǵandyqtan, biliktilikti arttyrý kýrsy boıynsha kóz-qarasymdy qalyptastyra otyryp, osy kúnder aralyǵynda ótken árbir sát kóptegen jańalyqqa toly boldy dep aıta alamyn. «Matematıka» páni boıynsha biliktilikti arttyrý kýrsynda 25 muǵalim biliktilikterin arttyrdy. Biz eki apta kóleminde matematıka pánin jańa mazmunda oqytý boıynsha dáris-trenıngter tyńdap, kóptegen oqý strategıalaryn, belsendi oqytýdyń ádis-tásilderin, alǵan bilimderin  tájirıbede qoldana bilýdiń egjeı-tegjeıin úırendik. Sonymen qatar bul kýrsta nátıjege baǵyttalǵan sabaqtardy josparlaýdy, bilim mazmunyn baǵalaýdyń erekshelikterine de nazar aýdardyq...

Kýrstan alǵan áserim óte kóp. Men úshin  eki apta kózdi ashyp-jumǵandaı tez ótti. Kóńil qoıyp, oı túıetin mańyzdy sátter erekshe:  shıyrshyqty oqytýdyń mazmuny, jańa baǵdarlama boıynsha ár sabaqqa qysqa merzimdi jospar qurastyrý, tórt daǵdy boıynsha (aıtylym, tyńdalym, jazylym, oqylym) oqyp úırengen trenıńter bizdiń pedagogıkalyq bilimimizdi tereńdete tústi. Bilim alýdan esh jalyqpadyq.

Eńbek jolymdy zaman talabyna saı jańasha bastaýǵa, naǵyz pedagog retinde tanylýyma birden–bir jol ashty dep oılaımyn. Men óz is – tájirıbeme ózgerister engize otyryp, oqýshylarymdy jańa qyrynan tanydym. Bolashaqta barlyq úırengenderimdi únemi jetildirip, árbir sabaqtarymda qoldanamyn dep nyq aıtamyn. Osyǵan oraı muǵalimderdi baǵdarlamanyń barlyq qyr-syrymen tereń tanystyryp, sapaly bilim bergen trenerimiz Bekahmetova Madına Sýltanahmetqyzyna alǵysymyz sheksiz. Madına Sýltanahmetqyzy óte bilimdi, óz isiniń sheberi, óte eńbekqor, sonymen qatar talapshyl ustaz maman ekendigin kórsete bildi. Ustaz eńbegi ólsheýsiz, árdaıym eńbegińiz jemisti bolyp,  bilimdi urpaq, sapaly mamandardy tárbıeleı berińiz demekpiz.

Qazaqstan Respýblıkasynda bilim mazmunyn jańartý baǵdarlamasyna sáıkes  Nazarbaev Zıatkerlik mektepteri Pedagogıkalyq sheberlik ortalyǵynyń Shymkent qalasyndaǵy fılıaly,  oqytýshy-trenerleri oblys pedagogterine úzdiksiz bilim berip, bilimdegi jańalyqtardy aıshyqtap berýde bar kúsh-jigerlerin salýda.

OQO, Qazyǵurt aýdany,  «Komsomol»(A) j.o.m-niń
matematıka páni muǵalimi: Súttibaeva Gúlnur Anarqulqyzy

---