InfoHub Logo

(Muǵalimderdiń «Naýryz shapaǵaty» óner festıvali haqynda)

Muǵalimder bilimge asqaq kenelgen,
Shákirt keýde sol arqyly elengen.
Bı bılese, án salsa olar – ónerpaz,
Tulaboıyn kende etpegen ónerden.

(«Muǵalimder» óleńinen)

Syr óńirinde bastaý alǵanyna da 20 jyl tolǵan «Naýryz shapaǵaty» óner festıvali týraly respýblıkalyq «Halyq» gazetiniń osydan eki jyl burynǵy 2015 jyl, 19 naýryzdaǵy sanynda Aral aýdandyq máslıhatynyń depýtaty Nurbaı Júsip oblystyq bilim jáne ǵylym qyzmetkerleri kásipodaq komıtetiniń tóraıymy, oblystyq máslıhat depýtaty Raıkúl Mansurqyzy Baınazarova jóninde jazǵan «Kıeli salaǵa úles qosqan aıaýly jan» atty óziniń maqalasynda bylaı deıdi:

«...Raıkúl Mansurqyzy el Táýel­sizdiginiń alǵashqy qıyn kezeńinde de rýhanıat salasyn órkendetýdi myqtap qolǵa aldy. Ol ózi ustaz retinde, uly ustaz Ábý Nasyr ál-Farabıdiń «Tárbıesiz berilgen bilim adamzatqa apat ákeledi» degen ulaǵatty sózin áste esten shyǵarmady. 1995 jyldan bastap bilim qyzmetkerleri arasynda óner daryn­dylaryn izdep taýyp, olarǵa ónerlerin shyńdaýǵa baryn­sha kómek kórsetý maqsatynda 2 jylda bir ret «Naýryz shapaǵaty» festıvalin úzbeı uıymdastyryp keledi...»

Táńirim týǵan jerge bergen edi,
Eli de ónerine sengen edi.
1922 – Qazalyda
Ómirge Roza ánshi kelgen edi.
Ánmenen óńi kirip ajarynyń,
Tek qana qyzy bolmady Qazalynyń.
Jaıylyp shartarapqa ánshi esimi,
Aınaldy maqtanyna qazaǵynyń.

Ótkenge oı nazaryn salamyz ba,
Jeteıik osylaı shyn baǵamyzǵa.
Qazaqtyń teatry 26-da
Ashyldy Qyzylordadaı qalamyzda.
Osylaı mádenıetim tasqan edi,
Artyna óshpes izin tastap edi.
Drama teatrym óz jumysyn
«Eńlik-Kebekpenen» bastap edi.

Eki jylda bir ret ótkiziletin ustazdardyń «Naýryz shapaǵaty» óner saıysynyń 2000 jylǵy III festıvaliniń aqpan aıyndaǵy aýmaqtyq týryna №25 Qojabaqy mektebi sol jylǵy «Mádenıetti qoldaý jylyna» oraı jasalǵan «Syr uqqan óner qustyń qanatynan, elim bar án men jyrdan jaratylǵan» baǵdarlamasymen qatysqan edi. Joǵarydaǵy óleń joldary osy baǵdarlama aıasyna «Shejire syr shertedi» degen taqyryppen engizilgen bolatyn.

1998 jyl. Bilim qyzmetkerleriniń II «Naýryz shapaǵaty» óner festıvaliniń aýmaqtyq týryna Qojabaqy mektebiniń ustazdary «Men qazaqpyn taraǵan Kók túrikten» baǵdarlamasymen qatysty.

Taǵy da Nurbaı Júsiptiń joǵarydaǵy maqalasyna kezek bereıik:

«...Festıválge qatysýshylar án, bı, kórkem sóz oqý, vokaldy toptar, ansámblder, orkestr, qolóner sheberleri, t.b óner janrlarynda óz sheberlikterin tanytyp, saıysqa túsedi.

Festıváldyń ótilý jumys tásilinde aýdandyq ádil qazylar alqasy aýmaqtyq týrlarǵa qatysyp, aýdandyq týrǵa laıyqty ónerpazdardy tańdap, konserttik baǵdarlama daıyndaıdy. Aýdandyq týrǵa oblystyq deńgeıdegi ádil qazylar alqasy kelip, oblystyq týrǵa úzdik nomerlerdi tańdaıdy. Oblystyq qorytyndy konsertke qatysýshylar oblystyq «Naýryz shapaǵ­aty» festıvaliniń laý­reaty ataǵyna ıe bolady.

Qorytyndy konsert naýryz aıynyń aıaǵynda Qyzylorda qalasynda N.Bekejanov atyndaǵy teatrda ótedi...»

Joǵaryda aıtylǵandaı, 1998 jylǵy II festıváldyń aýmaqtyq týrynda kelesi týrǵa ónerpaz tańdaýǵa kelgen qazylar alqasy №25 mekteptiń konserttik ujymyn aýdandyq festıválǵa qatysýǵa sheshim shyǵardy.

Aýdandyq festıvál barysynda konserttik ujymnyń kórkemdik jetekshisine jáne 1998 jyl «Halyq birligi men ulttyq tarıh jyly» bolǵandyqtan, óner men tarıhty ushtastyryp jasaǵan №25 mekteptiń «Men qazaqpyn taraǵan Kók túrikten» baǵdarlamasynyń avtoryna, osy joldardyń avtory, atalǵan senarı-baǵdarlamasy úshin bilim qyzmetkerleri aýdandyq «Naýryz shapaǵaty» óner festıvaliniń laýreaty ataǵy berilip, dıplom jáne baǵaly syılyqpen marapattaldy jáne mektepke aýdandyq festıváldyń III orny berilip, baǵaly syılyqpen marapattaldy.

Taǵy da óner men mádenıetke baılanysty jazylǵan 2000 jylǵy III festıváldaǵy «Shejire syr shertedi» óleńinen úzindi:

Ol jyldar óner qyrǵa órlep edi,
Bul topty ózgege kim teńgeredi.
1967 – «Dosmuqasan»
Qurylyp, óner jolǵa kelgen edi.
Minekı, osy toptyń baǵy mynda –
Baq synady jańasha jol aǵymynda.
Qazaqtyń mýzykalyq fólkloryn
Jańǵyrtty estrada janrynda.

Súıgen jan shyn sezimge jazaly ma,
Ǵashyqtyq salǵan edi azabyna.
1970-te «Qazaqfılm»
Usyndy «Qyz Jibekti» qazaǵyna.
Qazaǵy á degennen eleń etti,
Jany men rýhyna kerek etti.
Osyndaı óshpes fılm jasap ketken
Qojyqov Sultan qandaı keremet-ti.

Perzenti ónerimen súıer eldi,
Ol-daǵy talantyna súıengen-di.
1977 – Roza qyz
Bas júlde «Altyn Orfeı» ıemdendi.
Bul jeńis sezingenge baldaı tátti,
«Álıa» áni shet aspanda samǵaı qapty.
Qarshadaı qazaq qyzyna Bolgar eli
Súısinip, qolyn soǵyp tańdaı qaqty.

«Ustazdyqtyń asqaqtap tunyq baǵy, ónerden keldi búgin syr uqqaly» atty baǵdarlamamen qatysqan 2002 jylǵy IV festıváldyń aýmaqtyq týrynda qazylar alqasy №25 mektepten aýdandyq festıválǵa barýǵa 1999 jyly jazylǵan, mekteptiń 50 jasqa tolýyna jáne 50-túlekterin ushyrý qurmetine baılanysty dúnıege kelgen «Qojabaqy mektebiniń válsi» (óleńin jazǵan – Ǵ.Qojahmet, áni – K.Ótep) ánin aıtqan ustaz qyzdardan quralǵan topty iriktep aldy.

---