InfoHub Logo

05.06-16.06.2017 j. aralyǵynda Qaraǵandy qalasyndaǵy Pedagogıkalyq sheberlik ortalyǵy uıymdastyrǵan « Bıologıa» jáne «Jaratylystaný» pánderi boıynsha pedagog qyzmetkerlerdiń biliktiligin arttyrý kýrsynyń bilim berý baǵdarlamasy» atty eki aptalyq kýrsta tolyq nusqasyn meńgerýdiń sáti tústi. Biliktilikti arttyrý kýrsynyń maqsaty muǵalimderdi oqytýdyń jańa ádis-tásilderin engizý arqyly Qazaqstannyń orta bilim berý mazmunyn jańartý baǵdarlamasymen tanystyrý bolyp tabyldy. Kýrs barysynda qoldaý kórsetýge arnalǵan oqý materıaldarymen qamtyldy. Oqý barysynda muǵalimder baǵdarlamanyń bólimderimen tanysyp, oqý qaǵıdattary men tabysty muǵalimge ádis-tásilder men daǵdylar jan-jaqty zerdelendi. 
Kýrs barysynda muǵalimderdiń bıologıa jáne jaratylystaný pánderi boıynsha baǵdarlamanyń jańartylǵan mazmunyn bilýi qamtamasyz etildi. Sonymen qatar muǵalimder bıologıa páni boıynsha jańartylǵan baǵdarlamaǵa sáıkes tıimdi pedagogıkalyq tásilder men oqý materıaldaryn qoldanýdyń joldaryn, pán boıynsha jańartylǵan baǵdarlamadaǵy oqý maqsattaryna qol jetkizý úshin krıterıaldy baǵalaý júıesin qoldanýdy meńgerdi.
Bilimniń barlyq salasyndaǵy aqparattardyń úlken legi, qazirgi qoǵamnyń jyldam kásibı qaıta baǵdarlaýdy, biliktilikti joǵarylatýdy, adamnyń ómir jolynyń kez kelgen bóliginde ózin-ózi damyta alýy múmkindikterin qamtıtyn ıkemdi, beıimdelgen bilim berý júıesine qajettiligi «ómir boıǵy bilim» qaǵıdatyna negizdelgen zamanaýı bilim berý paradıgmasyna aýysýǵa alyp keldi. Elbasy N.Á. Nazarbaevtyń 2010 jylǵy Qazaqstan halqyna joldaýynda «zamanaýı bilim berý júıesi men ushqyr, aýqymdy, jańasha oılaıtyn zamanaýı menejerlersiz biz ınovasıalyq ekonomıka jasaı almaımyz» degen edi. Sondyqtan qazirgi ýaqytta daıyn bilimderdi ıgerý men jalpylaý maqsat emes, al adamnyń ıntellektýaldy damýynyń kómekshi quraly bolyp tabylady. Al qajetti aqparattardy óz betinshe tabý, máselelerdi anyqtaý jáne olardy sheshý joldaryn izdeý, alynǵan bilimderdi syn turǵysynan taldaı bilý jáne olardy jańa tapsyrmalardy oryndaýda qoldaný jańartylǵan bilim mazmunynyń nátıjesi. 
Negizinen jańartylǵan bilim júıesi quzyrettilikke jáne sapaǵa baǵyttalǵan baǵdarlama. Jańartylǵan bilim berýdiń mańyzdylyǵy – oqýshy tulǵasynyń úılesimdi qolaıly bilim berý ortasyn qura otyryp syn turǵysynan oılaý, zertteý jumystaryn júrgizý, tájirıbe jasaý, AQT –ny qoldaný, kommýnıkatıvti qarym-qatynasqa túsý, jeke, juppen, topta jumys jasaı bilý, fýnksıonaldy saýattylyqty, shyǵarmashylyqty qoldana bilýdi jáne ony tıimdi júzege asyrý úshin qajetti tıimdi oqytý ádis-tásilderdi kýrs barysynda túsinik berildi. Jańartylǵan bilim berý baǵdarlamasynyń ereksheligi spıráldi qaǵıdatpen berilýi. Oǵan oqý maqsattary zerdeleı otyryp tapsyrmalardy yqsham sabaqtardy qurastyrý.
Sabaq kezinde tyńdaýshylarmen birge  bilim mazmunyn jańartýda kásibı quzyrettiligi men qyzmetin nátıjeli qalyptastyrýdaǵy kókeıkesti suraqtardy talqylap, refleksıa jasap, toptaǵy pikirtalas pen keri baılanysty júzege asyryldy. Jańartylǵan bilim berý baǵdarlamasynyń mazmunyna oraı, muǵalimderdiń bilimderi jetildirilip, keńeıtildi. Jańa bilim mazmunynyń baǵdarlamasyn ıgerý arqyly oqýda nátıjege jetýde tıimdi ádisterdi qoldana otyryp, oqý materıaldaryn izdestirýdiń erekshelikterine nazar aýdarý qajettiligi talqylandy.
Qoryta kele, jańartylǵan bilim berý mazmuny boıynsha muǵalimder bıologıa páninde baǵdarlamanyń negizgi ıdeıalaryn túsine otyryp, baǵdarlamanyń maqsaty men mindetterin, qurylymyn men mazmunyn bildi jáne ony yqshamsabaqtar daıyndaý barysynda meńgerdi. Sondaı-aq, muǵalimder bıologıa páni boıynsha jańartylǵan baǵdarlamaǵa sáıkes pedagogıkalyq tásilderdi qoldanýdyń tıimdi ádis-tásilin úırene otyryp, qundylyqtar men daǵdylardy qalyptastyrý joldaryn úırendi jáne oqý materıaldaryn durys qoldana bilýge daǵdylandy. Sondaı-aq baǵdarlamanyń máni, oqýshynyń fýnksıonaldy saýattylyǵyn qalyptastyrý. Oqýshy mektepte alǵan bilimdi ómirinde qajetke asyra bilýi kerek. Sondyqtan bul baǵdarlamanyń túpnegizi «ómirmen baılanys» uǵymyna qurastyrylǵan. Ustazdarǵa úlken jaýapkershilik mindetteldi. 

Balapanova Kýndyz Serıkovna, 
 Qaraǵandy qalasyndaǵy Pedagogıkalyq sheberlik ortalyǵynyń treneri 

Paıdalanǵan ádebıet:
1.    Trenerge arnalǵan nusqaýlyq
2.    Muǵalimge arnalǵan nusqaýlyq
 

---