InfoHub Logo

Mendelsonnyń «Svadebnyı marshy» sekildi bul kúnderi qazaqtyń úılený toılarynyń gımnine aınalyp ketken «Jar-jar» áni qashan, qalaı shyqty deısizder ǵoı. Ol bylaı: «Jar-jar» áni 1959 jyly dúnıege kelgen. Ol kezde men Almatydaǵy Abaı atyndaǵy pedagogıkalyq ınstıtýttyń sońǵy kýrsynda oqyp júrgen edim. Almatyda Jambyl oblysynyń Talas aýdanynan ár túrli joǵary oqý oryndarynda birneshe bala oqıtynbyz. Solardyń ishinde Sosıalısik Eńbek Eri jylqyshy Baıqoshqar atanyń balasy Berden degen jigitimiz Sábıra degen qyzǵa úılenetin boldy da, maǵan «Jar-jar» ánin jańasha jazý tapsyryldy. Men túnde oılanyp otyryp, «Jar-jar» ánin jańasha jazdym da, ony túımeli mashınkamen on shaqty dana etip basyp, sol keshte 3-4 jigit qosylyp aıtyp shyqtyq. Árıne, halyq ánin toıda oryndaýǵa yńǵaıly etip ózimshe óńdedim. Toı sońynda án mátini jazylǵan paraqtardy jigitter qaltalaryna salyp alyp ketken. Sodan kelesi bir úılený toıyna barǵanymda men jazǵan «Jar-jar» aldymnan shyqty. Men oǵan qýanbasam, renjigen joqpyn. Sóıte-sóıte sol án stýdentter arasynda, keıinnen búkil elge taralyp ketti. Biraq, ony meniń jazǵanymdy kópshilik bile bermeı, halyq áni delinip júrdi. Sodan keıin men shaqyrý bıletterinde, túrli án jınaqtarynda meniń avtorlyǵymmen basylyp júrgenin kórsetip, QR Ádilet mınıstrligine hat jazyp, avtorlyq quqyǵymnyń qorǵalýyn ótindim. Osyǵan oraı QR Ádilet mınıstrliginiń Zıatkerlik menshik quqyǵy jónindegi komıteti 2003 jyldyń 7 qazanynda №10733 Zıatkerlik menshik obektisiniń tirkeý KÝÁLİGİN berdi.

Baıqap otyrsańyz, búkil Qazaqstan boıynsha betashar retinde úılený toılary «Jar-jar» ániniń aıtylýymen ashylyp, kúnine myńdaǵan jastar jańa otbasyn qurýda.

Al, «Jar-jar» ánimen úılengen Berden men Sábıranyń alǵashqy perzenti Saltanat Baıqoshqarova 1960 jyldyń 1 aqpanynda dúnıege keldi. Ol qazir Qazaqstan Adam reprodýksıasy qaýymdastyǵynyń prezıdenti, medısına ǵylymdarnyń doktory. Almaty qalasynda turady. Bala kóterýi kesheýildegen júzdegen áıelderdi jasandy uryqtandyrý arqyly elimizde qazaq sanynyń arta túsýine eleýli úles qosyp keledi.

«Jar-jar» ániniń osyndaı syry bar.

«Jar-jar» áni

---