InfoHub Logo

Qazaqstanda tuńǵysh ret mektep oqýshylaryna arnalyp ótkizilgen respýblıkalyq «iTest: Úzdik nátıje» baıqaýy qýantatyn nátıjelermen aıaqtalǵany týraly sizdermen asyǵa bóliskimiz kelip otyr!

Nurtilek Beısenbaı: «Búgin óte qýanyshty sezimde turmyn!»

Barlyq 11-synyp oqýshylaryna biregeı múmkindik beretin baıqaýdy elimizdegi úzdik joǵary oqý oryndarynyń biri – Almaty Management University-diń (AlmaU) qoldaýymen Bilim Media Group kompanıasy uıymdastyrdy. 

Elimizdiń 14 oblysynan 5754 oqýshy baıqaýǵa qatysýǵa nıet bildirdi. Barlyq qatysýshylar ishinen oq boıy oza shapqan 30 qatysýshy baıqaý erejelerine sáıkes úzdikter qataryna kirgen bolatyn.

Kamıla Syzdykova: «Men jyl boıy daıyndaldym. Senimdi aqtaǵanyma qýanyshtymyn!»

Oflaın kezeń qalaı ótti?

12 shilde kúni saǵat 08:00-den bastap AlmaU ǵımaratyna «iTest: Úzdik nátıje» baıqaýynyń qatysýshylary jınala bastady. Elimizdiń ár óńirinen úkilegen úmitterin arqalaı kelgen oqýshylar men olardyń ata-analarynyń kózderinen erekshe qobaljý baıqaldy.

Barlyq erejeler men emtıhan tapsyrý reti túsindirilgennen keıin qatysýshylar emtıhan tapsyrý zalyna ótti. Emtıhan tapsyrýǵa bas-aıaǵy 3 saǵat ýaqyt berilgen edi. Qatysýshylar UBT-nyń profıldi pánderi boıynsha jáne IQ test túrindegi  barlyǵy 90 suraqtan turatyn test tapsyrdy. Emtıhannyń ádil ótkenin uıymdastyrýshylar da, qatysýshalar da aıtyp otyr.

Damır Sadyrbek: “Ata-anam óte qýanyshty! Meniń jeńisim - bárimiz úshin tosyn syı!”

Dál osy kúni saǵat 17:00-de «iTest: Úzdik nátıje» baıqaýynyń nátıjeleri anyqtalyp, saltanatty marapattaý rásimi ótti. Baıqaýdyń oflaın kezeńinde úzdik nátıje kórsetken 10 qatysýshy AlmaU usynǵan kez kelgen mamandyq boıynsha 100% jeńildigi bar oqý grantyn jeńip aldy. Aıta keteıik, Almaty qalasynda ótken oflaın kezeńge kelgen qatysýshylardyń barlyǵyna sertıfıkattar, túrli syılyqtar men smartfondar tabys etildi.

Beıbit Shatyrbaı: “Ata-anam áli bilmeıdi, úıge baryp súıinshi suraımyn!”

Oflaın kezeńniń barlyq qatysýshylarynyń emtıhan nátıjesi tómendegideı:

* tizimdegi alǵashqy 10 qatysýshy Baıqaý jeńimpazy atandy. Osy tizimdegi qandaı da bir qatysýshy oqý grantynan bas tartatyn bolsa, sol grant tizimdegi reti boıynsha kelesi turǵan qatysýshyǵa ótedi.

Jeńimpazdardy quttyqtaı otyryp, barlyq qatysýshylarǵa alǵysymyzdy bildiremiz!

Tolyǵyraq: bilimland.kz

---