InfoHub Logo

Elimizdiń qoǵamdyq — ekonomıkalyq, saıası, mádenı damýyna úles qosatyn, álemdik órkenıetke kóteriletin bilimdi de mádenıetti, densaýlyǵy myqty, parasatty azamat tárbıelep shyǵarý — mekteptiń, ustazdar qaýymynyń búgingi tańdaǵy baǵa jetpes mindeti. Bala kezimnen ustazdyqqa qyzyǵýshylyq tanytyp, óse kele armanǵa aınaldy. Jetekshimniń  biliktiligine  qyzyqqan men qazaq tili men ádebıeti mamandyǵyn tańdadym. Osy jolda óskeleń urpaqtyń damýyna úlesimdi qosý mindetim dep bilemin. Jeke tulǵany daıarlaý úshin ár oqýshynyń qabiletin tanyp, bilip, damytyp, shyńdap, jol siltep, bolashaqqa jeteleý kerek. Jeke adamdy qalyptastyrý úshin ne kerek? Ol úshin oqytýdyń mazmunyn jańartatyn jańashyl, izdenimpaz, shyǵarmashyl ustaz kerek. Jeke tulǵalyqtyń máni onyń qajettiligi men qyzyǵýshylyǵyn qanaǵattandyrýǵa, balanyń ózine tán tulǵalyq sapalary, muǵalim men oqýshy arasyndaǵy ózindik qarym-qatynasty qalyptastyrýdy ustazdyq mindetim dep bilemin.  Al, tulǵanyń qalyptasýyna qajetti basty qural – til. Búgingi tańda oqýshylardyń aýyzeki sóıleý tilin, til mádenıetin arttyrý men damytý, úshtildi qatar meńgertý, sapaly bilim berý , aldymda turǵan basty mindetterdiń biri.    Oqýshylardyń aýyzeki sóıleý tilin damytýǵa dıalogtiń mańyzy óte zor.  Dıalogtik oqytý muǵalim - oqýshy, oqýshy men oqýshy arasyndaǵy qarym-qatynasty rettep otyratyn sóılesý quraly dep bilemin. Sabaq  barysynda dıalogtik oqytýdy paıdalaný arqyly oqýshylardyń qyzyǵýshylyqtaryn arttyryp qana qoımaı, olardyń bilim deńgeıiniń ósýine, sóıleý tiliniń damýyna orasan zor úles qosatyny sózsiz. Sonyń ishinde qazaq tili sabaǵynda dıalog ár sabaqta kezdesip otyrady.  Sabaqta tıimdi ádis-tásilderdi jan-jaqty paıdalanyp, otyramyn. Shákirtterimniń til meńgerýine nemquraıly qaramaı, úshtildikti ár sabaǵymda dıalogqa qosyp qoldanýdamyn. Árbir ustazdyń basty maqsaty oqýshysynyń jetistikke jetýi. Elbasymyzdyń joldaýynda aıtylǵandaı sanaly, bilimdi urpaqty damytýda aıanbaı eńbek etý mindetimiz. «Ustazdyq etken jalyqpas, úıretýden balaǵa»-demekshi jas urpaqtyń bolashaǵy bizdiń qolymyzda. Ustaz jolynda aıanbaı eńbek etý, mindetim dep bilemin.

 

---