InfoHub Logo

Jasyl qurbaqa — Qazakstanda keń taralǵan qosmekendi. Dala, shól, shóleıtterdi mekendeıdi. Baqadan aıyrmashylyǵy ýaqytynyń kóbin sýdan tys jerde ótkizedi, sýǵa tek kóbeıý kezinde, ıaǵnı ýyldyryǵyn shashatyn kezde barady. Denesiniń uzyndyǵy 7-14 sm. Terisi kedir-budyrly, ústi sur nemese surjasyl tústi. Ymyrt pen túnde belsendi ushyp júrgen jándikterdi, ásirese qatty qanattylardy uzyn tilimen ustap qorektenedi. Kemirgishter ininde, tas astynda jáne basqa da baspanalarda qazan-qarashadan naýryzǵa deıin qystaıdy. Kúıleý kezinde atalyǵy án salady, qus daýysyna uqsas uzaq qubylǵan dybys shyǵarady. Analyǵy mamyr-maýsymda tospa sýlarda 12 myń ýyldyryq shashady. Shyqqan ıtshabaqtary balyqtar ǵana emes, basqa da janýarlar úshin qorek. Sondyqtan ıtshabaqtardyń shamalysy ǵana kishkene qurbaqalarǵa aınalady, biraq sonyń ózi, ásirese shóldegi qurǵap jatqan shalshyqtarda kóp bolady. Qurbaqa — óte paıdaly janýarlardyń biri.

---