InfoHub Logo

Aınala typ - tynysh. Bezendirilgen ádemi shyrsha. Shyrsha túbinde aıý uıyqtap jatady. Zalǵa Aqqala ándetip kiredi.

Aqqala:
Qar jaýǵanda top bala,
Soqty kelip aqqala.
Murnym – sábiz, úp - úshkir.
Kózim – kómir, qap - qara.
Kóne shelek basymda,
Sypyrǵyshym qolymda.
Men osyndaı aqqala.
Sálemetsińder me, balalar? Qandaı ádemisińder? Qandaı súıkimdisińder? Balalar, jańa jyl merekesine daıynsyńdar ma? Endeshe barlyǵymyz ornymyzdan turyp, sheńber quryp «Aqshaqar» ánin aıtaıyq!
Án «Aqshaqar»

- Shyrshamyz qandaı ásem? (aqqala shyrshany aınalyp júrip, shalynyp qalady) Al, mynaý jatqan ne? (jatqan aıýdy taıaqpen túrtedi).
Aıý: - Bul kim meniń mazamdy alǵan? Meni nege oıattyńdar? Qysta kún sýytqanda men uıyqtaǵandy jaqsy kórem. Sender nege jınalyp alǵansyńdar? Nege ádemi kıinip alǵansyńdar? Búgin qandaı meıram?

Aqqala:
Dalamyzǵa, qalamyzǵa,
Jańa jyl kirip keledi.
Qartyńyzǵa, balańyzǵa,
Jalyndy sálem beredi.
Jańa jyldy biz toılap,
Shattanamyz bárimiz.
Óleń de ázir, án de ázir,
Oıyn da ázir - bári ázir.
Kel, aıýjan, bizderge,
Merekeni toılatyp,
Bı bıleıik, án salyp.

Aıý:
Jańa jyldyń aldynda
Toıdy eske alaıyn.
Uıqymdy ashyp sergidim,
Uıyqtamaımyn men búgin!
Jyldy qarsy alaıyq,
Bı bılep, án salaıyq.
Aqqala: - Balalar, endeshe aıýǵa «Qonjyq» ánin aıtyp bereıik.
Án «Qonjyq»
Ortaǵa Qyzyl telpek júgirip kiredi.
Qyzyl telpek: - Kómektesińdershi? Qutqaryńdarshy?
Aqqala: - Qyzyl telpek, saǵan ne boldy?
Qyzyl telpek: - Men senderdi jańa jyl merekesimen quttyqtaýǵa kele jatyr edim, qasqyr jolyǵyp, sodan qashyp kelemin. Kómektesesińder me, maǵan?
Aqqala: - Balalar, Qyzyl telpekke kómektesemiz be?
(zalǵa alqynyp qasqyr kiredi)
Aqqala: - Aý, sálemetsiń be, serim, qaıdan júrsiń, alqynyp? Jańa jylyn qutty bolsyn!
Qasqyr: - Qutty bolsa, qutty bolsyn, áıteýir etti bolsyn.
Aqqala: - Qaseke, birdemeden aıyrylǵandaı kózińiz alaq - julaq etedi ǵoı?
Qasqyr: - Álginde ǵana Qyzyl telpekten aıyrylyp qaldym.
Aıý: - Qyzyl telpek senen qoryqqan ǵoı.
Aqqala: - Qaseke, búgin meıram, búgin toı.
Qýlyq - sumdyqty qoı.
Odanda merekeni bizben birge toıla.
Qasqyr: - Onda meniń kóńil - kúıimdi kóterińder.
Aqqala: - Balalar, biz Qyzyl telpekke kómektesip bı bılep bereıik.
Bı «Qýanamyz biz qalaı?»
Qasqyr: - Balalar, ne degen ásem áýen, kóńildi bı, tipti mende bılep ketippin. Biraq, men sendermen oınaǵym keledi. Jeńseńder Qyzyl telpekti bosatamyn, jeńilseńder, ormanǵa alyp ketemin.
Aqqala: - Balalar, qasqyrmen birge oınaımyz ba?