InfoHub Logo

Jońǵarlardy birlese qýǵan qyrǵyzdyń Solto rýynan shyqqan Joryqtas dos-jarandarymen ózara qatynastary kúsheıip, kórshi qonystanǵan eki el qyz alysyp, quda-jegjattyq, týysqandyq baılanystary nyǵaıady. Jaz jaılaýdy birge jaılap, toılaryn, astaryn birge ótkizetin bolady.

Qalmaqtardan qutylyp, qytaı menen qazaq ta, qyrǵyz da jeke-jeke kelisimge kelip, beıbit turmys qura bastaǵanda ózara shataqtasyp, jer daýyn jeleý etip, Talas pen ystyq kól jaqtyń qyrǵyzdary qazaqtyń malyn barymtalap, aýylyn shaýyp, basynyp, kókirekteri ósip, elge tynyshtyq kórsetpeıdi.

Jońǵarlar basyp alǵanǵa deıingi, ıaǵnı Salqam Jáńgir zamanyndaǵy, aǵaıyndaı aralasa jaılaǵan jerlerge qyrǵyzdar qazaqtardy jaqyndatpaıtyn, Sarbaǵysh rýynyń bıi Esenqul qazaqtardan İleniń basyn, úsharaldy berýdi talap etse, Talastaǵy saıaqtyń Qaba rýynan shyqqan Sadyr batyr Talastan Shymkentke deıingi taý bókterlerine qazaqtardy jo- latpaı qoıǵanymen turmaı, Talastyń aıaǵyn da Sholaqqorǵan, Sozaqqa deıin shaýyp, qazaqtardy Syrǵa qaraı syrǵytady. Osy óńirlerdegi naıman, qońyrat elderin qatty kúızeltedi. Ásirese, Jaras pen Qyrbas batyrlardyń qaıyn jurty, ıaǵnı Jaýǵash pen Malybaıdyń naǵashylary óte aýyr jaǵdaıǵa ushyraıdy.

Jaýǵash batyr Solto rýynyń bıi Jaılyǵa, onyń inisi, óziniń dosy Momoqanǵa barady. Jaıyl: «Saǵan eshkim tımese, basqalardy qaıtesiń, ózderi kelisip alady da», — dep Sadyrǵa bermeı qoıypty. Bul kezde asyp-tasyǵan Sadyr, qudasy bolsa da, kónbeıtinin bilip aıtpaǵan. Jaýǵash renjip, ne isterin bilmeı shala búlinip júrgende, Sadyrdyń sarbazdary Qaraqystaq arqyly kelip, Merkiniń batysy men Qorǵaty boıyndaǵy botbaılardy shabady. Botbaılardyń bul atalary qaıtadan İlege kóshedi. Jádik Medetbekti tórt-bes jasynda qyrǵyzdardyń alyp ketip, Talastaǵy bir baıdyń bala etip alǵany osy kezeń...

Oqýǵa keńes beremiz:

Jalańtós batyr

Elshibek batyr týraly

Er Jaýǵash

---