InfoHub Logo

Sámen batyr qolynda myńbasy bolǵan Qyrbas el azamattary túgel qatynasqan İle ózeniniń boıyndaǵy qalmaqtarmen úlken urysqa ketken eken. At ústinde aýylǵa qaraı shaýyp, aıǵaıdy salyp, «Súıinshi! Súıinshi! Jaý qashty! Jaý qashty!» degen jigitterdiń daýystaryn estigende tolǵaǵy pisip, arqanǵa asylyp turǵan anamyz, Qońyrat eliniń qyzy Qońyrbıke ózegi bosap, ómirge bir náreste keltiripti. Muny jaqsy yrymǵa joryǵan ájeler: «jaý qashqanda týdy, batyr bolady» degen eken.

Urystan qaıtyp kele jatqanda, Qyrbastyń nemere aǵasy Babaly bıdiń úıine qonǵan Tóle bı jaryqtyqtyń ózi: «Aq jaýlyqty analardyń aýzyna da Qudaı salǵan shyǵar, olaı bolsa elin qorǵaıtyn batyr bolsyn, esimi Jaýǵashty bolsyn!» — dep atyn qoıǵan. Keıin «Jaýǵashty batyr týǵan jer» dep júrip, sol jer «Jaýǵashty» atanyp ketken. Anasy erkeletip: «Jaýǵash, Jaýǵashym!» — deıdi eken.

Jaýǵash ákesiniń jalǵyz balasy bolǵandyqtan erkeleý ósip, alǵyrlyǵyn ańǵartyp, Babaly bıdiń, ásirese kishi áıeli Bórteniń balalarymen asyq oıyndarynan at oıyndaryna deıin artyqshylyǵyn kórsetip, eregesip, tóbelesip qala beretin bolǵan.

Babalydan týǵan toǵyz ul
Jarǵa qonǵan úkideı.
Qyrbastan týǵan jalǵyz ul
ótkir qara bákideı, —

degen sózdiń aıtylýy da sondyqtan. Qalmaqtyń eldi bılep, eńsesin kótertpeı turǵan kezinde jońǵardyń noıanyn qasyndaǵy atqosshymen Jaýǵash on bes jasynda óltirip, óziniń ómirine qaýip tóngennen keıin ákesi Qyrbastyń ruqsatymen, Babaly bıdiń batasymen Qarpyq pen Malybaı dostarymen birge Arqadaǵy Abylaıǵa ketken. Qarpyqtyń sondaǵy naǵashylary arǵynnyń altaı, qarpyq atalaryna arqa súıep, mıat tutyp, sol elge barǵan.

On bes jasar jas bala
Jaýǵash bir sonda jylaıdy:
«Sen qalmaqqa qylmasam,
Kótińnen súrgi salmasam,
Arqadaǵy Abylaı hanyma barmasam,
Sóıtip bir kegim almasam!».

Oqýǵa keńes beremiz:

Jalańtós batyr

Elshibek batyr týraly

Er Jaýǵash

---