InfoHub Logo

Ashyq tárbıe saǵaty (4 - synyp)
Sabaqtyń taqyryby: Jeltoqsanda janǵan alaý
Sabaqtyń maqsaty:
Bilimdilik: Oqýshylarǵa jeltoqsan oqıǵasy jóninde áńgimeleı otyryp, onyń qurbandaryn eske túsirý, oıyn túrleri arqyly İ jarty jyldyqta alǵan bilimderin tolyqtyrý;
Damytýshylyq: Oqýshylardyń dúnıetanymyn, erkin sóıleý daǵdylaryn jetildirý
Tárbıelik: Otandy súıýge, elimizdiń rámizderin qasterleýge, týǵan eline, jerine
degen súıispenshilikterin arttyrýǵa, sanalylyqqa tárbıeleý.
Kórnekiligi: jeltoqsan oqıǵasynan sýretter, «Sáýleli juldyz» atty kitap, upaılar, býkletter.
Ádisi: suraq - jaýap, oıyn
Túri: bilimdi júıeleý

Sabaq barysy: İ. Uıymdastyrý kezeńi.
Sabaq kirispe sózden bastalady: Qymbatty balalar, bizdiń búgingi sabaǵymyz oıyn túrinde ótedi. Bul oıynnyń sharty mynadaı: oıynǵa synybymyzdaǵy jaqsy oqıtyn 8 oqýshy qatysady. Myna aldymyzda turǵan «Sáýleli juldyz» atty kitap. Onyń ár betinde tapsyrmalar berilgen, sol tapsyrmalardy durys oryndap eń kóp upaı jınaǵan oqýshy synybymyzdyń «Sáýleli juldyzy» atanady.

İİ. Negizgi bólim. Muǵalimniń sózi: Bolmasań da uqsap baq,
Bir ǵalymdy kórseńiz.
Ondaı bolmaq qaıda dep
Aıtpa ǵylym súıseńiz.
Sizge ǵylym kim berer,
Janbaı jatyp sónseńiz?
Dúnıe de ózi, mal da ózi
Ǵylymǵa kóńil bólseńiz,- dep Abaı atamyz aıtqandaı, balalar, sizderge sáttilik tileımin.
İ bólim. «Báıge».
8 oqýshy betshede turǵan 4 sannyń bireýin tańdaıdy. Eki - ekiden.
1 - zat esim
2 - úı janýarlary
3 - san esim
4 - jabaıy ańdar
Sol tańdaǵany boıynsha taqyrypqa baılanysty sózder taýyp, olardyń qazaqsha - orysshasyn aıtady. Mysaly: dop - mách, sıyr - korova, úsh - trı, qasqyr - volk, t. b.
Endi bul oqýshylar oılanǵansha basqa oqýshylarǵa suraq qoıaıyq:
- Balalar, sender qandaı ultsyńdar? (qazaq)
- Al, qazaq ekendikterińdi qalaı dáleldeısińder?
- Iá, balalar, ony dáleldeıtin qazaq tilimiz, dinimiz, salt - dástúrimiz, tarıhymyz, táýelsiz Qazaqstan memleketimiz bar eken. Al, osy táýelsizdikti biz qalaı aldyq?
Oqýshylar ózderi biletin jeltoqsan oqıǵasy jáne onyń qurbandary týraly aıtady.
- Jaraısyńdar balalar. Bul kúnderi Qazaqstan óziniń eń basty meıramy - Táýelsizdik kúnin atap ótýde.
1991 jyly 16 jeltoqsanda álemniń saıası kartasynda jańa memleket - Qazaqstan Respýblıkasy paıda boldy. Budan 21 jyl buryn qazaq jerinde atqan táýelsizdik tańy - Altaı men Atyraýdyń arasyn alyp jatqan dalanyń myna darhan tósin qanymen, terimen sýarǵan ata - babalarymyzdyń qasıetti kúresiniń zańdy jemisi, naqty nátıjesi deımiz.

İİ bólim. «Kókpar»
8 oqýshy teris qaratylyp qoıylǵan sandardyń ishinen qalaǵanyn tańdaıdy. Sandardyń artynda pánder jazylǵan.
Qazaq tili ( 10 upaı)
Qurmalas sóılem dep qandaı sóılemdi aıtamyz? (Eki nemese odan da kóp jaı sóılemnen quralǵan sóılemdi qurmalas sóılem deımiz: Men aıaldamaǵa kelsem, Aıan kútip tur eken. Qurmalas sóılem quramyndaǵy jaı sóılemderdiń arasynda jazýda kóbinese útir, qos núkte qoıylady).
Ana tili (10 upaı)
«Aqyrǵy ret kesh aldynda kúni boıy jylaýmen áli bitken Qasym jetimektiń barlyq sorlylyǵyna boıusynǵan pishinmen Isanyń úıin jaǵalap kele jatyr edi»,- degen joldar kimniń shyǵarmasynan alynǵan jáne shyǵarmanyń taqyryby qandaı? (Muhtar Áýezov «Jetim»)
Matematıka (10 upaı)
Teńdeý degenimiz ne? (Quramynda belgisizi bar teńdik)

Dúnıetaný (5 upaı)
Aýa quramyndaǵy tirshilikke eń qajetti gaz? (ottegi)

Eńbekke baýlý ( 5 upaı)
Eń jyldam ári tez daıyndalatyn taǵam? ( býterbrod)

Án (5 upaı)
Aıtys degenimiz ne? (Eki adamnyń nemese eki toptyń bir - birine qarama - qarsy óleń joldary arqyly daýlasýy)

Beıneleý óneri (5 upaı)
Peızaj degenimiz ne? ( Tabıǵatty qaǵaz betine beıneleýdi peızaj dep ataıdy)

Osy bólimnen soń upaıdy eń az jınaǵan 4 oqýshy oıynnan shyǵady.

İİİ bólim. «Jumbaq suraq»
Kórermender saıysker oqýshylarǵa suraq qoıady, suraqqa jaýap bergen soń upaı sanyna qaraı taǵy 2 oqýshy oıynnan shyǵady.

İÚ bólim. «Doda»
Qalǵan eki oqýshy 1 mınýtta neshe suraqqa durys jaýap beredi?
1 oqýshyǵa qoıylatyn suraqtar:
1. Táýelsizdigimizge bıyl neshe jyl?
2. Qazaqtyń ulttyq aspaby. (dombyra)
3. Sáýleli juldyz izdegen adam. ( Y. Altynsarın)
4. Jeltoqsan oqıǵasyndaǵy qaısar qyz. ( Sábıra)
5. «Kitap» sózinde neshe árip bar? (5)
6. Ánuranymyzdyń sózin jazǵan kim? (J. Nájimedenov, N. Nazarbaev)
7. Qazaqtyń áıgili bıleri nesheý? (3)
8. 2013jyl qazaqsha jyl qaıyrý boıynsha qandaı jyl? (jylan)
9. Týymyzdyń túsi qandaı? (kógildir)
10. Táýelsizdik monýmentinde ne beınelengen?
11. Sóılemniń enshe túri bar?
12. «Ana» sózindegi daýyssyz dybysty ata. (n)
13. Tuńǵysh qazaq ǵaryshkeri? (T. Áýbákirov)
14. Elordamyz qaı qala? (Astana)
15. Eń tereń kól? (Baıkal)

2 oqýshyǵa qoıylatyn suraqtar:
1. Egemendigimizdi qaı jyly aldyq? (1991 jyly)
2. Adam úndes mýzykalyq aspap? (qobyz)
3. Qyrdyń jas túlegi kim? (Sh. Ýálıhanov)
4. Jeltoqsan oqıǵasyndaǵy qaısar ul? (Q. Rysqulbekov)
5. «Jýsan» sózinde neshe dybys bar? (5)
6. Ánuranymyzdyń ánin jazǵan kim? (Sh. Qaldaıaqov)
7. Abaıdyń shyn aty? (Ibrahım)
8. 2012 jyl qazaqsha jyl qaıyrý boıynsha qandaı jyl boldy? (qoıan)
9. Respýblıkamyzdyń tuńǵysh prezıdenti? (N. Nazarbaev)
10. Respýblıkamyzdyń rámizderi? (eltańba, ánuran, tý)
11. 100 jyldy ne deımiz? (ǵasyr)
12. Eń kıeli qus? (aqqý)
13. «Jol» sózindegi daýysty dybys? (o)
14. Aýa quramyndaǵy tirshilikke eń qajetti gaz? (ottegi)
15. 24 saǵat qalaı atalady? (táýlik)

Ú bólim. «Teketires»
Eki oqýshy «Jeltoqsan - maqtanysh», «Jeltoqsan - qasiret» degen eki taqyrypty tańdap alyp sol taqyryp tóńireginde óz oılaryn, pikirlerin dáleldeıdi.
Bul eki oqýshy oılanǵansha basqa oqýshylar «Qazaqstan Respýblıkasynyń memlekettik ánuranyn» hormen oryndaıdy.

Qorytyndy: oıyn sońynda upaıdy kóp jınaǵan oqýshy jeńimpaz atanyp, marapattalady. Talabyń jana bersin, bıikke shyrqa, bilimdi, adal azamat bol:
Kim bolsań da, áıteýir,
Azamattyń biri bol,
Týǵan eldiń uly bol,- dep sabaǵymyzdy aıaqtaımyz