InfoHub Logo

Sabaqtyń maqsaty: Jurnaq pen jalǵaý
Sabaqtyń maqsaty: Oqýshylarǵa qosymshalardyń qyzmeti ártúrli bolatynyn baıqatý. Sol arqyly jurnaq pen jalǵaý týraly túsinik berý.
Sabaqta ulttyq dástúrlerdi, oıyn túrlerin paıdalana otyryp tapqyrlyq, izdenimpazdyq qasıetterin damytý, oı belsendiligin arttyrý.
Eptilikke, jyldam oılaýǵa jáne ádeptilikke tárbıeleý.
Kórnekiligi: ınteraktıvti taqta, vatman, kespe áripter, qıma qaǵazdar
Sabaq túri: qonaq kútý
Sabaqtyń tıpi: jańa sabaqty túsindirý
Ádisteri: suraq - jaýap, túsindirý
Pánaralyq baılanys: matematıka, mýzyka
Sabaq barysy: İ. Uıymdastyrý kezeńi
Kespe áripterden oqýshylarǵa adam qurastyrtý
- Óte jaqsy, balalar, endi osy adamǵa at qoıaıyqshy.
- Áripbek.
- Olaı bolsa, osy Áripbek búgin bizge qonaqqa kelipti. Biz ony qonaq etip kútý arqyly qazaq halqynyń qonaq kútý dástúrimen tanysamyz. Qonaqjaı qazaq halqy qonaqty birneshe túrge bólgen. Sonyń ishinde alystan aıtpaı kelgen qonaqty «qudaıy qonaq» deıdi. Áripbek te bizge qudaıy qonaq.
1 - rásim: Kelgen qonaq úlken ne kishi bolsyn sálem berip, amandyq - saýlyq suraý kerek:
- Assalaýmaǵaleıkým!
- Sálemetsiz be?
- Mal - jan aman ba?
Úıge berilgen 258 - jattyǵýdyń oryndalysyn tekserý, bekitý:
- Sóz neden quralady? (Sóz dybystardan quralady)
- Ol neni bildiredi? (Belgili bir uǵymdy, maǵynany bildiredi)
- Olaı bolsa, Áripbektiń boıyndaǵy áripterden sóz quraıyqshy (alma, laq, gúl, sıyr, dop, orman).
- Bular qandaı sózder? (túbir sózder)
- Túbir sózder degenimiz qandaı sózder?

İİ. Jańa sabaq. Sóz quramy týraly eske túsirý:

Sóz quramy
Túbir. Qosymsha
Qosymsha
Jurnaq -------------------------- Jalǵaý
búrkit+shi ----------------------- búrkit+pen
Jańa sóz jasaıdy -------------- Sóz ben sózdi baılanystyrady

Dáptermen jumys: Kórkem jazý árpi (jińishkelik belgisi). Kúnniń jady men taqyrypty jazdyrtý.

2 - rásim: Qolǵa sý quıý
Legen, quman sýretterin kórsetý.
As aldynda qolǵa sýdy shoryldatpaı quıý, súlgini ádeppen usyný kóbinese balalarǵa júkteledi.
260 - jattyǵý. 1. Túbir sóz ben qosymshaly sózderdi salystyryp oqý. 2. Maǵynalary ár túrli ekenin ańǵartý. 3. Sózderge suraq qoıǵyzý. Ne sebepten suraqtary ár túrli?
Alǵashqy úsh jupty aýyzsha taldatý. Sońǵy úsh jup jazbasha oryndatylady.
Sý - sýsyn (ne? ne?)
Aqyl - aqyldy (ne? qandaı?)
Taza - tazalyq (qandaı? ne?)
3 - rásim: Kórpe salý.
Kelgen qonaqqa kórsetiletin qurmettiń bir túri - kórpe salý. Osyǵan oraı «Quraq quraý» oıynyn oınatý. Berilgen túbir sózderge qosymshalar jalǵaý.
Qoı, oqý
- shy – shy - ǵa
- dan - dan - dy - shy - lyq
- dy - ǵa

4 - rásim: Dastarhan jaıý.
Qazaq halqy sońǵy bir úzim nanyn da qonaqqa dep saqtaǵan jomart el.
- Qandaı ulttyq taǵamdardyń túrlerin bilesińder? (baýyrsaq, qazy - qarta, jal - jaıa, qurt, balqaımaq, qymyz)
- Úıirilgen qyshqyl sary qymyz neden jasalady? (bıe sútinen)
- Endeshe, balalar, ájelerimizdiń jomarttyǵyn tanytyp Áripbektiń aldyna barymyzdy qoıaıyq.
261 - jattyǵý aýyzsha oryndatylady.
1. Túbir sózderdi, qosymshaly sózderdi salystyryp oqý.
2. Túbir sóz ben qosymshaly sóz maǵynalarynyń ózgermegenin ańǵartý.
Mektep - mektebiń, áke - ákesi, dápter - dápterler, shana - shanamen, úı - úıge, qala - qaladan

5 - rásim: Qonaq káde
Qonaqtyń kóńilin kóterý úshin, «aýyldyń alty aýyzyn» aıtyp, óner kórsetken. Óleń qurastyrý.
Úntaspadan jiberilgen kúı áýenine bıletý.
«Sóz oıla» oıynyn oınaıyq. (262 - jattyǵý) Áripbek sózdi jaqsy kóretindikten sózderden jańa sóz jasaý
1. Bı, qobyz, kóp, saýyq. -------- – shy, - shi, - shyl, - shil
2. İs, oryn, talap, kól. ---------- – dyq, - ker, - shik
3. Qys, arba, tún, jaz. ----------- – gi, - ly,- qy, - ǵy
Jurnaq jalǵanǵan sózderdi qatystyryp úsh qatarǵa úsh sóılem qurap jazdyrý.
1. Bıshi, qobyzshy qyzdar bizde qonaqta.
2. Maqsat oryndyq satyp ákeldi.
3. Qysqy demalysta ájemniń aýlyna bardym.
4.

6 - rásim: Qonaqasy
Ájalerimiz qudaıy qonaqty qudaıyńdaı syılap, qystaı súrlegen etin asyp, qazan kótergen. Biz de osy kádege baılanysty «Kim tapqyr?» oıynyn oınaıyq. Áripbek bizge mynadaı oqıǵany baıandaıdy: «Men bir kúni saıabaqta serýendep júrip aǵashtardyń arasynda jatqan ózgeshe bir sandyqtyń ústinen tústim. Onyń sıqyrly sandyq ekenin túsindim. Sandyqty ashyp qalǵanda men tamasha bir nárse kórdim...»
Endi balalar, Áripbek sıqyrly sandyqtan ne kórgenin tabaıyq. Ol úshin bir oqýshy shyǵyp sandyqtaǵy zatty sıpattap aıtady. Al, qalǵan oqýshylar sony tabady. Mysaly: Kúnniń jadyn bildiredi, ári aıdy,
Ustazǵa ol kerek nárse árdaıym (kúntizbe)

7 - rásim: Qonaqtan buıymtaı suraý. Sabaqty qorytyndylaý.
Qonaq keterde úı ıeleri odan buıym qyzmet, ıaǵnı ne qalaıtynyn suraıdy. Áripbek qonaǵymyz bizden osy sabaqta ne bilgenimizdi suraıdy. Test tapsyrmalary:
Túbir sóz -------------- Jurnaq ------------ Jalǵaý
a) bizdiń -------------- a) ónerli ----------- a) óleń
á) dala ---------------- á) ákemdi ---------- á) balasy
b) saqshy ------------- b) dos --------------- b) tazalyq

Baǵalaý. Úıge tapsyrma: 263 - jattyǵý