InfoHub Logo

Esse jáne óleń-jyr baıqaýynyń osymen 15 aptasy óz máresine jetti. Aıta keteıik, saıys 2020 jyldyń 25 aqpanyna deıin jalǵasyn tappaq.

Qasıetti jáne uly mereke Táýelsizdik kúni qarsańynda apta jeńimpazyn osy taqyryp aıasynda anyqtaýdy jón sanadyq. Sebebi táýelsizdiktiń elimiz ben jerimiz úshin, árbir Qazaqstan azamaty úshin mańyzdylyǵynda eshkimniń de talasy bolmas.

Osy kúnge deıin táýelsizdik taqyrybynda joldanǵan óleń joldary men esseler kóptep kelip tústi. Munda atap ótetin másele — bul týyndylar tek osy mereke qarsańynda ǵana emes, baıqaý bastalǵaly beri jarıalanyp keledi. Bul degenimiz — baıqaý qatysýshylarynyń, daryndy jastarymyzdyń táýelsizdik syndy baǵa jetpes qundylyǵyn júreginde saqtap, qadirlegenin bildiredi. Kózi ashyq, kókiregi oıaý, Otanyn shyn súıetin ul-qyzdardyń shyǵarmalary qashan da kóńil qýantpaı qoımasy anyq.

Sonymen 15 apta qorytyndysy boıynsha jeńimpaz bolyp Juldyzaı Jaqsylyq tanyldy.

Táýelsizdik taqyrybynda úzdik dep tanylǵan týyndyny nazarlaryńyzǵa usynamyz:

Táýelsizdik tuǵyrym

Men súıemin jerim menen elimdi,
Júregimnen jyr arnasy tógildi.
Jyldar boıy azattyqqa shóldegen,
Halqym meniń ne qasiret kórmegen.

Orys patsha uzaq jyldar bıledi.
Qarapaıym halyqqa «bılik» degen tımedi,
Qazaǵymnyń jalyn júrek jastary,
Jeltoqsanda qosyldy bir bastary.

Shyqty mine teńdik izdep alańǵa,
Qazaq atyn tanytty ǵoı ǵalamǵa.
Qazaq elin qyryp-joıyp taptady,
Jaýlarymyz qumyrsqadaaı qaptady.

Qazaq atyn máńgilikke saqtady,
Jaýǵa shyǵyp el senimin aqtady,
Qazaǵymnyń Qaırat syndy uldary,
Názik júrek Sábıradaı qyzdary.

Ata-baba mura etken baıtaq mynaý jerimiz,
Qıynshylyq kórse-daǵy tótep berdi elimiz.
San ǵasyrlar tógilgen qan zaıa bolyp ketpedi.
Uly halyq tilegen soń ajal oǵy jetpedi.

Biraq, biraq ýaqyt bárin degenimen jasady,
Kolbın túsip, ornyn onyń Nazarbaev basady.
Qazaqstan Prezıdenti tuńǵysh bolyp saılandy,
Táýelsizdik jolynda el kóńili jaılandy.

Maǵjan synda azamattar jazyqsyz,
Abaqtyda ash jatty ǵoı azaqsyz.
Qalǵan máńgi kókirekte saqtalyp,
Arystardyń aty shyqty aqtalyp.

Abaılardyń jalyn jyryn jattadyq,
Ulylardy halyq bolyp aqtadyq.
Ahmet penen Álıhandy tanyp biz.
Kókirekte máńgi baqı saqtadyq.

Bıik usta táýelsizdik jalaýyn,
Birlik, dostyq, beıbitshilik – qalaýym.
Erkin jurtpyn, baıqalmaıdy keńdigim,
Jasa,jasa azattyǵym, teńdigim!

(Avtordyń orfografıasy men pýnktýasıasy saqtalǵan)

Jeńimpazdy quttyqtaımyz!

Syılyqty alý úshin bilimland.kz saıtymen baılanysýyńyzdy suraımyz!

Eskertý! Qurmetti qatysýshylar, óleń engizý barysynda, ilmekter órisine bilim2019 ilmegin (qatesiz, tyrnaqshasyz, probelsiz) mindetti túrde qosyńyzdar (keri jaǵdaıda saıysqa qatyspady dep esepteledi.)! İlmek útir arqyly qoıylady. Mysaly: bilim2019, týǵan jer, el, ... dep. Odan bólek, avtory degen uıashyqty bos qaldyryp, avtory ózim degendi de (jazýdyń ústine basý kerek) basyńyzdar.

Esse engizý barysynda saıys2019 degen bólimdi tańdaýdy umytyp ketpeńizder.(keri jaǵdaıda saıysqa qatyspady dep esepteledi.) Avtory degen uıashyqty bos qaldyryńyzdar.

Barlyq talaptarmen Qalamgerler saıysy siltemesi arqyly ótip, tolyǵyraq tanysýǵa keńes beremiz.

---