InfoHub Logo

Jer shary jumbaqqa toly. Adamzatqa nyǵmet retinde berilgen bul mekender rasynda da adam aıtyp jetkizgisiz ásemdikke ıe. Eger de ciz saıahatqa shyǵa qalsańyz, bul tańǵajaıyp jerlerge mindetti túrde soǵýǵa tıicciz.

Islandıadaǵy Vatnaıekúdl muz úńgirleri. Onyń aýmaǵy 8133 sharshy shaqyrymdy quraıdy, bul búkil eldiń 8 paıyzyna teń. Muzdyń qalyńdyǵy ortasha 400 metrden asyp jyǵylady, keı jerleri 1000 metrge deıin barady.

Aqsh-taǵy otty sarqyrama "Attyń quıryǵy". Iosemıt ulttyq parkinde "At quıryǵy" ataýyna ıe bolǵan erekshe jer bar. Aqpan aıynda bul mekende qyzyq qubylys oryn alady. Saıahatshylar kádimgi sarqyramanyń otty sarqyramaǵa aınalýyna kýá bolady. Shyndyǵynda, bul tabıǵı aldaý, batyp bara jatqan kúnniń sáýlesi sarqyramaǵa erekshe tús beredi.

Aǵashtarda jaıylatyn eshkiler. Marokko. Eshkiler jartastarda tepe-teńdik ustaı alatyn akrobattyq qasıetterimen belgili. Alaıda, Marokko Koróldigindegi myna eshkilerdiń qus sekildi, aǵash ústine qonaqtap, jaıylatyny eshkimdi tańdandyrmaıdy

Maldıv aralyndaǵy aıryqsha jarqyraıtyn jaǵajaı. Tún týysymen, Maldıv arhıpelagynda erekshe qubylys oryn alady. Aspannan túsken neon jaryqtary jaǵajaıdy ertegi eline aınaldyrady. Qoıý kógildir túske shilde aıynan aqpan aıyna deıin boıalady.

Qytaıdaǵy ártústi jartastar. Chjane Dansá ártústi jartastary- tańǵajaıyp jartas túzindileri. 2009 jyly Chinese National Geography jýrnaly bul mekendi Qytaıdyń eń ásem 6 jerine qosty. Chjane qalasynan 30 shaqyrym jyraqta ornalasqan. Saıahatshylardyń súıikti oryndarynyń biri.

Japonıa ormandaryndaǵy jyltyraýyq qońyzdar. Ár jyly qıyr shyǵys elinde maýsymnan shilde aralyǵynda, toqtaýsyz jańbyr bastalady. Osy ýaqyt aralyǵy- japondar úshin súıikti mezgilderdiń biri. Sebebi, osy kezeńde jyltyraýyq qońyzdar dáýiri bastalady. Myńdaǵan kishkene jándikter sary, jasyl jáne alqyzyl túske enip, jarqyraǵan ushqyndarǵa aınalady. Olardyń bas aınaldyrar bılerin Manıva, Okaıama, Aıtı jáne Oıta qalalarynan kórýge bolady.

Kalıfornıadaǵy Kalla gúlderi. Ár kóktemde, Tynyq muhıty jaǵalaýynda jabaıy Kalla gúlderi (Calla Lily Valley) boı kóterip shyǵady. Batyp bara jatqan kúnniń nuryna shomylǵan muhıt aıasyndaǵy bul kórinis eshkimdi beı-jaı qaldyrmasy anyq.

Sý asty sarqyramanyń optıkalyq kórinisi. Mavrıkıı. Mavrıkıı - Úndi muhıtyndaǵy araldyq memleket. Afrıkanyń ońtústik-shyǵysynda 2000 shaqyrym jyraqta ornalasqan. Tóbeden qaraǵanda, erekshe sarqyrama kóptegen zertteýshilerdiń qyzyǵýshylyǵyn oıatyp júr.

Qytaıdaǵy Hýnhe-Hanı kúrish egistikteri. Iýnnan aýdanynyń ońtústik shyǵysynda qaraı bergiń keletin kúrish alqaptary ornalasqan. Kóz jaýyn alatyn túrli tústi myńdaǵan aına sekildi Aılao taýynan Qyzyl ózenge qaraı quldılaı túsedi.

Qytaıdaǵy tabıǵı ózen Lı. Aspan asty eli árqashanda óziniń erekshe tabıǵatymen sýretshilerdi ózine áli kúnge deıin tartyp júr. Basqa álemdi elestetin bul tabıǵat jańalyqtary aqyndardyń neshe túrli óleń-jyrlaryna muryndyq bolǵan. Ásemdigimen tańdaı qaqtyratyn Lı ózeni uzyndyǵy 426 shaqyrym.

Jyljymaly tastar shóli. Kalıfornıa. Ejelgi qurǵap ketken Reıstrek-Plaııa ózeni túbindegi qozǵalmaly tastar amerıkalyqtarǵa jaqsy tanys. Tastyń  ózdiginen jyljyǵanyn izderinen baıqaýǵa bolady

Hallerbos- Belgıadaǵy kók orman.

Venesýelaldaǵy aıdahar sarqyramasy.

Kóp salaly Mıchell sarqyramasy. Avstralıa

---