InfoHub Logo

Osy kúngi Shaıan aýdandyq partıa komıtetiniń qyzmetkeri Myrzahmet Súleımenov degen jigit 1940 jyldary Sháýildirde otyrady. Qajymuqanmen qarym-qatynasty bolady. Esiginiń aldynda kishigirim sandyqtaı bir tas jatady. On-on bes adam jabylyp, qozǵalta almaıdy. Bir kúni Qajymuqan kelip qalady. Balýan jaqyndap kele jatqannan:

— Qudaı maǵan osy tasty alyp tastaıtyn Rústemdeı bir dáýdi bermedi?! — dep Qajymuqandy yzalandyrady.

— Rústem aýylyńda júrgende neden sastyń? — dep, Qajymuqan álgi tasty eki qolymen kóterip, laqtyryp jiberedi.

Shamasy 30-40 put bolsa kerek. Muny 1945 jyly Sháýildirge barǵanymda, Qajymuqannyń aldynda Súleımenniń ózi aıtty.

Sol sózine balýan:

— Tuqymy ońbaǵyrdyń balasy, sol joly bir belim kilt ete qalyp, eki-úsh kúnge deıin aýyryp júrdi, — dep kúldi. Bul 70 jasynda istegen qaıraty.

---