InfoHub Logo

1948 jyly maı aıynyń aıaq kezinde Qaraǵandy qalasynda Kırov jáne Stalın atyndaǵy kómir treseriniń tańdaýly kenshileriniń máslıhaty ótti. Máslıhatqa úkimet adamdary qatysty. Kırov klýbynyń keń zalyna kilem, kórpe tóseldi. Qonaqtarǵa qazaqsha qonaqasy berildi. Oǵan İlıas, Qaıyp aqyndar da qatysty. Áńgime qyza kele Qaıyp aqyn óleńdetip sóıledi. Ol — jınalysqa qatysyp otyrǵan qurmetti shahter, Sosıalısik Eńbek Eri No18 «bıs» shahtasynyń ataqty navalotboıshıgi Sáken Shomanovqa qarap bylaı dedi:

— Sáken, tur Otanyna tartý tartyp,
Ózine ústemeli mindet artyp,
«Berik sert — Sákeń serti» bergen kópke
Kómirdi shyǵarýǵa taǵy da artyq.
Atqaryp talaı qıyn isti bastan,
Qıalap tas qamaldy attap asqan.
Sóz berdim batyr shahter Shomanovqa
Erligi aqyndarǵa bolǵan dastan.

Shomanov óziniń shahtada 20 jyldan artqan eńbek etip kele jatqanyn tanystyra kelip, únemi stahanovshy bolyp kele jatqanyn aıtty. Bıyldyń ózinde osy ótken bes aıdyń ishinde on aılyq normany oryndaǵandyǵyn jáne 15-20 jas jumysshylarǵa óz tájirıbesin úıretetindigin aıtty. «Shahter kúnine deıin zor tabyspen baramyz» dep sózin aıaqtady.

Osy máslıhatqa qatysyp otyrǵan Sákeńniń syılas adamdarynyń biri İlıas Sákeńniń sózin óleńmenen jalǵastyra sóıledi.

— Áı, Sáken-aı! Bir sózben aıtqanda bylaı demeıtin be? — dep.

— Bul kúnde shalqyp jatqan kóńlim kóldeı,
Tasıdy, qımyldasam, kómir seldeı.
Júlde alǵan serikterim jebegende,
Shyǵamyn shyrqap alǵa báıge bermeı! — dep óleńdetip qoıa berdi.

 

---