InfoHub Logo

Ustaz bolý – júrektiń batyrlyǵy,

Ustaz bolý - sezimniń aqyndyǵy.

Ustaz bolý – minezdiń kún shýaǵy,

Ustaz bolý – adamnyń asyldyǵy.

Ǵafý Qaıyrbekov

Naǵyz ustaz bolý – ekiniń biri ıgerip kete beretin sharýa emes. Bala janynyń baǵbany  atanǵan ustaz bilim – biligin sheberlikpen urpaqqa uǵyndyryp, sol jolda eńbektenedi.

Árbir adam – sheshilmegen jumbaq, taýsylmaıtyn syr, shabytty jyr, sarqylmaıtyn  teńiz ispetti. Sebebi, bes saýsaq birdeı emes sıaqty, árbir azamattyń óz tulǵa boıyna laıyqty jaqsylyǵy barshylyq. Sondaı keremet jaqsylyqtardy boıyna jınaǵan bilikti maman,  ustazdardyń ustazy, bedeldi muǵalim –Tobyqov Máýlen aǵaıym.

Shákirttiń júrek kiltin taýyp, qarym – qabiletin ashý, ultynyń salt – dástúrin, tilin qurmetteýge baýlý, ónerge degen qushtarlyǵyn oıatý – ustazdyń basty maqsaty. Osy baǵyttaǵy isi ilgeri bassa, onyń alǵa qoıǵan muratynyń oryndalǵany. Jyldar boıy ulttyq múddeni kózdep, súıikti mamandyǵymen el keleshegi úshin adal ter tógip, jemisin de kórip kele jatqan jan. Ulaǵatty ustazyn úlgi tutyp, pedagogtik jolǵa túsken shákirtteri de qanshama?!

Tobyqov Máýlenniń ónegeli ustaz bolýynyń, ata – ana men oqýshylar yqylasyna bólenýiniń tamyry tereńde jatqan syńaıly. «Jaman oqýshy joq, jaman muǵalim bar» degen qaǵıdany ómirlik ustanymyna aınaldyrǵan Tobyqov Máýlen ustazymnyń eńbek joly úlgi alarlyq tutastaı bir ómir mektebi deýge turarlyq. Óıtkeni bul kisiniń boıynan danalyqtyń beınesin kórýge bolady.

Aıaýly da, qurmetti Tobyqov Máýlen! Sizge ózimniń sheksiz alǵysymdy aıta kelip, jyl ótken saıyn bıikteı beretin adal júrekti ustaz ekenińizdi, myna óleń shýmaqtarymen jetkizgim keledi:

Siz darasyz búgingi úlken kishiden,

Shákirtińiz kórinsin úlgi isimen.

Baqytty bop, uzaq ǵumyr keshińiz,

Jeńisterge jetip bilim kúshimen!

Nurgerim MAQSUTULY

---