InfoHub Logo

Jyl mezgilderi
Bilim berý salasy: Áleýmettik orta
Uıymdastyrylǵan oqý is - áreketi: Qorshaǵan ortamen tanystyrý
Bilimdilik mindeti: Jyl mezgilderi týraly uǵymdaryn keńeıtý; Jyl mezgilderin bir - birinen ajyrata bilý.
Damytýshylyq mindeti: Balalardyń aqyl - oıyn, oılaý qabiletterin, sóıleý mánerin, este saqtaý qabiletin sýret boıynsha damytý.
Tárbıelik mindeti: Tabıǵat sulýlyǵyn sezine otyryp, ony qorǵaýǵa, oǵan qamqor bolýǵa tárbıeleý. Qorshaǵan ortaǵa degen súıispenshilik sezimderin oıatý.
Kórnekilikter: Tabıǵat jaıly sýretter.
Ádis - tásilder: sózdik, kórnekilik, oıyn, suraq – jaýap.
Qostildilik komponenti: qys - zıma - winter, kóktem - vesna - spring, jaz - leto – summer, kúz - osen - autumn;

Oqý is - áreket kezeńi
Pedagogtyń is - áreketi
Motıvasıalyq - qozǵaýshylyq
Pedagog aldymen kelgen qonaqtarmen amandasyp alýyn suraıdy.
Shattyq sheńberi:
Bilgir qazaq balasy,
Sálem sózdiń anasy,
Qonaqqa kelip otyrǵan,
Apaılarǵa qarashy.
Bárińizge izetpen,
Bizder sálem beremiz
Sálemetsizder me apaılar!

Balalar qýana amandasady.

Uıymdastyrýshylyq - izdenistik
- Endeshe balalar óz oryndaryńa baryp otyra qoıyńdar.
- Balalar búgingi kóńil kúıleriń qandaı?
- Onda balalar, biz sendermen «tamasha» oıynyn oınaıyq.
Oıynnyń sharty: Men senderge jaqsy sóz aıtqanda, sender jaqsy, tamasha dep judyryqtaryńdy túıip bas barmaqtaryńdy kóterip bir - birine kórsetesińder. Kelistik pe?
-«Balaýsa» balabaqshasy qandaı?
(Tamasha)
-«Kúnshýaq» tobynyń balalary qandaı?
(Tamasha)
-«Qys mezgili qandaı?» (Tamasha)
-«Qar jaýǵan qandaı?» (Tamasha)
-«Búgin kelgen qonaqtar qandaı?» (Tamasha)
- Keremet balalar, endi aıta qoıyńdarshy. Jyldyń neshe mezgili bar? (Tórt mezgili)
- Durys aıtasyńdar. Qandaı?
(Qys, kóktem, jaz, kúz).
Tárbıeshi balalarmen jyl mezgilderi beınelengen sýret boıynsha jumys jasaıdy.

Ǵajaıyp sát:
Osy sátte qystyń áýeni oınap balalarǵa qonaqqa Jyl mezgilderiniń hanshaıymy keledi.
Hanshaıym balalarmen amandasady.
- Balalar, balabaqshada «Jyl mezgilderi» týraly áńgimelesip jatqandaryn estip ádeıi keldim, jyl mezgilderi týraly sýretterimdi ala keldim. Senderdiń qanshalyqty meni jaqsy kórip ajyrata alatyndaryńdy bilgim keldi.
- Káne kim aıtyp beredi eken men týraly?
(Balalardyń jaýaby.)

- Balalar qarańdarshy, Jyl mezgilderiniń hanshaıymy appaq bolyp kıinip alypty, nelikten dep oılaısyńdar?
(Óıtkeni qazir qys mezgili, sondyqtan da hanshaıym appaq bolyp kıinip alǵan.)
- Óte durys aıtasyńdar!
- Al, balalar, hanshaıymnyń ákelgen sýretterin sóıletemiz be?
- Hanshaıym, onda sen jaqsylap jaıǵasyp otyr, balalardyń jyl mezgilderi týraly, olardy bir - birinen
qalaı ajyrata alatyndaryn kórip, baıqap otyr.
Sýret boıynsha áńgime bastamas buryn tárbıeshi ár jyl mezgilderi jaıly jumbaq jasyrady.

Aıaz qysyp, órnek syzyp,
Terezeńdi torlaıdy,
Bóbekterim aıtyńdarshy
Bul qaı kezde bolady? (Qys mezgilinde.)

Kúnniń kózi kúlimdep
Jylǵalardan sý aqty,
Qustar kókte samǵaıdy,
Bul qaı kezde bolady? (Kóktem mezgilinde)

Órik, alma,
Jıdek, júzim,
Dúkenderge túsedi.
Bóbekterim aıtyńdarshy
Bul qaı kezde bolady? (Jaz mezgilinde)

Astyq pisip,
Oraq túsip,
Qyrmandarǵa túsedi,
Bóbekterim aıtyńdarshy,
Bul qaı kezde bolady? (Kúz mezgilinde)

- Jaqsy balalar sender jyl mezgilin ajyrata alady ekensińder.

Sergitý sáti:
Jańbyr jaýdy tyrs - tyrs,
Boran soqty gý - gý,
Jel turdy ylı - ylı,
Naızaǵaı oınady tars - turs.

- Endi balalar hanshaıymnyń tapsyrmasyna kiriseıik.
Balalar ózderine berilgen jyl mezgilderi týraly sýretterge qarap áńgime qurastyrady.

Hanshaıym:
- Balalar, senderge kóp rahmet, men senderdiń jyl mezgilderin bir - birinen ajyrata alatyndaryńa qýanyp otyrmyn. Sýret boıynsha da men týraly áńgime qurastyra alatyndaryńa da kózim jetti. Men osy sýretterdi senderge syılaımyn, únemi osy sıaqty sýrettermen áńgime qurastyryp, tilderińdi jattyqtyryp júrińder! Endi men sendermen qýana qoshtasamyn. Kelesi kezdeskenshe saý bola qoıyńdar.

Refleksıalyq - túzetýshilik
- Balalar búgingi bizdiń sabaǵymyz ǵajaıyp boldy.
- Senderge kim qonaqqa keldi?
(Jyl mezgilderiniń hanshaıymy)
- Senderge ne syılady? (Ádemi sýretter)
- Búgingi sabaq unady ma? (Iá)
Tárbıeshi sabaqqa jaqsy qatysqandarǵa maqtaýlar aıtady.

Kútiletin nátıje:
Biledi: Jyl mezgilderiniń erekshelikterin;
Igeredi: sýretke qarap, 2 - 3 sóılem quraı bilý daǵdylaryn;
Meńgeredi: Sýret arqyly ár jyl mezgilderin ajyrata bilýdi;

Shyǵys Qazaqstan oblysy, Katonqaraǵaı aýdany,
Solonovka aýyly, «Balaýsa» balabaqshasy
«Kúnshýaq» tobynyń tárbıeshisi
Mamıeva Saltanat Kojaevna