Esimde áli,
Qarasazdaǵy dıirmen.
Sý soqqan barlyq tastardy urshyq úıirgen.
Esimde bári...
Jylqybaı qarttyń úıi de,
Ózi de, dıirmeni de,
Appaq tozańǵa kıingen.
Saqaly da appaq,
Murty da appaq,
Bári appaq,
Mektepten shyǵyp, jińishkke sýdan ári attap,
Jylqybaı qartqa ketetin edi jetimder
Ózegi talyp,
Ash laqtardaı jalaqtap.
Ortan jilikteı,
Temekisin qart oraıtyn,
Oraıtyn-daǵy, bir-birlep bizdi sanaıtyn.
Sanaıtyn-daǵy, qoınynan alyp kúlshesin,
Tepe-teń bólip,
Kúrsinip, uzaq qaraıtyn.
...Sý dıirmendi,
Áketken munan kim ediń?
Aýylǵa barsam, aınalyp ornyn júremin,júremin.
Qaıteıin endi,
Osynda máńgi saqtasa,
Artynda qalgan Jylqybaı qarttyń júregi...

---