Joǵary bilim berý júıesinde eleýli qarjylyq buzýshylyqtar anyqtaldy
Esep komıteti júrgizgen aýdıt kezinde QR Bilim jáne ǵylym mınıstrliginen 1,8 mlrd. teńgege qarjylyq buzýshylyqtar tapty. Bul týraly búgin Respýblıkalyq búdjettiń atqarylýyn baqylaý jónindegi esep komıtetiniń múshesi Sovhozbek Qulmaǵanbetov málim etti.
«Aýdıt kezinde 1 mıllıard 845 mıllıon teńgeniń qarjylyq buzýshylyqtary anyqtaldy. Baqylaý kezinde 918 mıllıon teńge qaıtaryldy. Olardyń ishinde 815 mıllıon teńgesi eki joǵary oqý orynnyń balansynda turǵan jer ýchaskelerin qaıta baǵalaý kezinde qalpyna keltirilgen. Býhgalterlik esep kezinde atqarylǵan jumystardy qaıta qaraý barysynda 102 mıllıon teńge qalpyna keltirildi. Sonymen qatar memlekettiń paıdasyna 252,8 mıllıon teńge óndirilip alyndy», - dep atap ótti S.Qulmaǵanbetov 2016 jyldyń birinshi jartyjyldyǵynda QR Bilim jáne ǵylym mınıstrliginde jasalǵan aýdıttiń qorytyndylaryn jarıa etý kezinde.
Onyń sózine qaraǵanda, aýdıt barysynda 12 mıllıard 510 mıllıon teńgege 119 prosedýralyq buzýshylyqtar qalpyna keltirilgen. Tıimdi emes paıdalanylǵan qarajattyń kólemi 7 mıllıard 49 mıllıon teńgeni qurady.
You Might Also Like
-
Baǵana ǵana osy kafedradan kirip-shyǵyp júrgen bir oqytýshyny kórgen edi. Buǵan túsi sýyqtaý kóringen. Myna qaǵazda osy oqytýshynyń sabaǵy bolmaı-aq qoısa eken dep tiledi. Kafedranyń esigin qaǵyp, ...
-
Qazaqstanda 1500-den astam aýylda jalpy bilim berý mektepteri joq. Bul týraly QR BǴM Balalardyń quqyqtaryn qorǵaý komıteti tóraǵasynyń mindetin atqarýshy Mánshúk Ábdikárim habarlady.
