InfoHub Logo

1. Avtokólikten túspeńiz. GAI qyzmetkeriniń muny talap etýge esh qaqysy joq. Ol - Qazaqstan Respýblıkasynyń “Polısıa týraly“ zańyn sizge kóldeneń tartyp, polısıanyń zańdy talabyn oryndaý mindetińiz ekenin  eske túsirýi múmkin. Siz “zańdy“ sózine jabysyńyz. Atap aıtqanda, onyń talaby zańsyz. QR “Jol júrisi týraly“ zańyna sáıkes, júrgizýshi kólikten shyǵýǵa bolmaıdy. Qorytyndy: mashınadan shyqpaı, sál tómen túsirilgen tereze arqyly sóılesý kerek.

2. Biz jol ınspektorynyń naǵyz qyzmetker ekenine kóz jetkizýge quqyǵymyz bar(qujattardy oǵan tapsyrmas buryn). Sizdi  toqtatqan kisiniń polısıa formasyn kıip, qolyna taıaq ustaǵan  alaıaq bop shyqpasyna kim kepil? Sondyqtan, QR “Polısıa týraly“ zańyn negizge alyp, qujatyn kórsetýin talap etemiz. Múmkindik bolsa, tolyq aty-jónin, qujat nómirin bir paraqqa jazyp alýǵa tyrysyńyz. Bul qarama-qaıshylyqtarǵa kez bolǵanda, kerek bolady. Budan basqa, qujattaǵy sýrettiń ınspektormen sáıkes ekendigin tekserý qajet. Olar bizdiń kólik  júrgizý kýáligin teksergende, bizdiń betimizge úńile qaraıtyny jasyryn emes qoı?  Biz de solaı jasaımyz.

3. JPP qyzmetkerleriniń «Jol júrisi týraly» QR Zańynyń 52-b. 2-tarmaǵyna  sáıkes,  avtokólikterdi negizsiz toqtatýyna tyıym salynǵan. Eske sala keteıik, eger siz jol erejesin buzbasańyz, jol ınspektorynyń arttan qýyp kep toqtatýy nemese kóshede turyp toqtaýǵa belgi berýi zańsyz áreket bolyp sanalady.Toqtatý úshin tek myna jaǵdaılar negiz bolýy  múmkin: jol qozǵalysy erejeleriniń buzylýy, júk tasymaldaý erejeleri, sondaı-aq, arnaıy reıdtik sharalar júrgizý. Sondyqtan, “qujat tekserý jeleýi“ - bul sebep emes, jol ınspektorynyń jeke  jan qalaýy. Sońǵy ýaqyttary, jol qyzmetkerleri arasynda myna sebeptermen toqtatý jıi oryn alýda:

a) Qaýipsizdik beldigin taqpaǵansyz. 100 paıyzdyq jol erejesiniń buzylýy. Barlyǵyna únemi taǵyp júrýge keńes beremiz. Bul birinshi kezekte ózińiz ben jaqyndaryńyzdyń qaýipsizdigine baılanysty. Jyly jańa kólikterde, beldikti keýdege ilmegen jaǵdaıdaǵy , shıqyldaýyq dybystan qutylasyz. Ári, jol polısıasynyń sizdi toqtatýǵa sebebi azaıa túsedi.

b) Bitpeıtin ártúrli operasıalar. Bul kólikti toqtatý úshin, biraq , shyndyqqa kóbine janasa bermeıtin keremet syltaý. Bizdiń áreket: Senim telefonyna qońyraý shalamyz(ár qalanyń óz senim telefony bar, negizinde, ony sizdiń suraýyńyz boıynsha, ınspektor berýi qajet) jáne habarlaımyz osyndaı meken-jaıda jol saqshylary tur, arnaıy is-sharalar ótkizýde, áreketteri qanshalyqty zańdy? Ádette, jol ınspektorynyń suraqtary osy tusta dereý aıaqtalady.

v) Sizdiń kólik aıdaý mánerińiz jol saqshysynyń kúdigin týǵyzdy. Onyń oıynsha, siz arnaıy qurylǵyǵa úrleýińiz qajet eken. Jaýap beremiz: ınspektor úıinde áıeline úrleıdi, al, biz narkologıalyq ortalyqta ekspertızadan ótemiz. Jáne ol jaqqa tek polısıa kóligimen baramyz. Mynadaı qıyn daǵdarys zamanynda benzınge artyq aqsha qurtpańyz. Sondaı-aq, bosqa zaıa ketken ýaqytty prokýratýraǵa aryzda kórsetetinińizdi málimdeńiz.Kóp jaǵdaıda, suraqtar osy tusta aıaqtalady.( eger, sizdiń ishkenińiz aıqyn kórinip tursa, buǵan qatysty emes)

4. Keı kezderi, jol polısıa qyzmetkerleriniń júk bagajyn tekserýge shabyttary oıanady. Eske túsiremiz, bul talap emes, ótinish. Mundaı nárseni talap etýge zańdy quqyqtary joq.Olar tek syrttaı baqylaı alady, tolyqtaı emes. Tipti, kóliktiń esigin ashýǵa quqyly emes. Keı ýaqyttary avtomat ustanǵan jasaqtarmen arnaıy reıdtik sharalar júrgizilýi múmkin. Bul jaǵdaıda , júk bagajyn ashý talabyna kelisýge tıissiz. Biraq, arnaıy aqtarý týraly ákimshilik hattama toltyrylyp, 2 kýágerdiń qatysýyn talap etińiz.

Shyn máninde, jol erejesin buzyp qolǵa tússeńiz

1. Qolma-qol aqsha bermeýge tyrysamyz. Eske salaıyq, jol saqshysyna aqsha berý arqyly, QR “jumys oryndaǵy qyzmetkerge para usyný“ zańyn buzasyz. Ekinshiden, joǵarydaǵy jazylǵan erejelerdiń bárin tárk etken bolasyz. Negizinde, aqsha usynýǵa mindetti emespiz, eger onyń dáleli joq bolsa, eshnárse isteı almaıdy. Qujattarymyzdyń durystyǵyn árdaıym qadaǵalap júremiz, júıkemizdi juqartpaımyz, ózimizdi sypaıy ustaımyz.

2. Kólikten túspeımiz, hattama toltyrylýyn kútemiz. Qol qoıýǵa óz kólikterine shaqyrǵanda, bas tartamyz. Quqyǵymyzdy saqtaımyz.

3. Hattama toltyrylyp bolǵannan soń, jaqsylap tekseremiz. Barlyq bólimder durys toltyryldy ma? Barlyǵy oryndy kórsetildi me?

4. Hattamanyń artqy jaǵyna árqashan “Hattamamen kelispeımin, eshteńeni buzbadym, dálelderimdi sotta keltiremin “dep jazamyz. Tipti, jol erejesin buzsańyz da, osylaı jazyńyz. Bul bizdiń keıingi is-áreketimizge septigin tıgizedi. Kishkene qupıany asha keteıik: Ár kelisim berilmegen hattama úshin, ınspektordyń  túsinikteme jazýyna týra keledi, al, bul óz kezeginde, ol - múldem qalamaıtyn nárse. Sondyqtan, kóptegen hattamalar ınspektor mashınasynan ary asa almaıdy.

5. Jyldamdyqty asyrǵan jaǵdaıda, radarda “bul seniń jyldamdyǵyń“ dep jazylyp turǵan joq. Muny vıdeotúsirilimsiz dáleldeý múmkin emes. Vıdeofıksasıa bar ma, joq pa?- sony anyqtańyz.

6. Bizdiń kinálilik dárejemizdi jol saqshysy emes, sot sheshetinin únemi este tutýymyz qajet. Sondyqtan jol polısıasynan qoryqpaımyz. Sonymen qatar, GAI qyzmetkeriniń jeke kóliginiń nómirin este saqtaımyz.

Sondaı-aq, kóptegen mańyzdy suraqtardyń jaýabyn tómende keltireıik:

Kólik quralyn mindetti saqtandyrý jáne kólik quralyn júrgizýge senimdi tulǵalar 

Sizge tıisti emes avtokólikti basqarýǵa senimhattyń bolýy  mindetti emes. Senim berilgen tulǵanyń málimetteri saqtandyrý polısinde kórsetilse jetkilikti.

Eger avtokólik ıesi óz avtokóligin basqara almasa (alkogóldik mas bolý, dári preparattaryn basqarý jáne t.b. saldarynan), ol avtokólikti basqarýdy saý bireýge bere alady. Árıne, senimhatsyz, biraq, ózi qasynda otyrý shartymen.

Jol polısıasynyń qyzmetkeri toqtatqanda ózimen birge qandaı qujattar bolýy qajet?

Eger sizdi jol erejesin buzylýy barysynda  toqtatqanda, ózińizben birge mynadaı qujattar bolýy kerek:

-júrgizýshi kýáligi (júrgizýshi kýáliginiń ornyna berilgen ýaqytsha kýálik jáne júrgizýshiniń jeke basyn kýálandyratyn qujat);

-kólik quralyna tirkeý qujattary(tehpasport);

-zańnamada belgilengen jaǵdaılarda kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý polısi jáne/nemese jolaýshylar aldyndaǵy tasymaldaýshynyń azamattyq-quqyqtyq jaýapkershiligin mindetti saqtandyrý boıynsha saqtandyrý polısi;

-belgilengen jaǵdaılarda tasymaldanatyn júkke jol-sapar qaǵazy jáne qujaty.

Toqtatqan kezde qansha ýaqyt ishinde ınspektordy kútýge bolady?

JQE 1.2-tarmaǵynyń negizinde «berilgen ishki ister organdarynyń (polısıanyń) qyzmetkeriniń talaby boıynsha toqtap, onyń nusqaýlaryn oryndaý», ıaǵnı júrgizýshige jol polısıasy ınspektoryn kútip, toqtatý sebebin tyńdaý, sondaı-aq, zańdy talaptaryn oryndaý qajet. 

JPP qyzmetkeri qandaı negizde nómirdi sheshýge quqyly?

QR ÁkQBK 797-babyna sáıkes toqtatý nemese sizdiń avtońyz toqtaý erejelerin buzǵanda (QR ÁkQBK 597) ýákiletti laýazymdy tulǵa memlekettik tirkeý nómirin alýǵa quqyly. Qorytyndy: kez-kelgen jerge kólikti qaldyryp ketpeńiz.

Belgilengen jyldamdyq rejımin asyrǵanda qandaı jaýapkershilik oryn alady?

Belgilengen jyldamdyq rejıminen 10 km/saǵatqa deıin asyrýǵa ruqsat berilgen, odan joǵary asyrǵanda myna mólsherde aıyppul kózdelgen:

- 10-20 km/saǵattan arasynda , aıyppul 10 AEK mólsherinde;

- 20-40 km/saǵattan asyrǵanda,15 AEK mólsherindegi aıyppul (qaıta buzǵan jaǵdaıda 1 jyl ishinde – 40 AEK);

- 40 km/saǵ. artyq – 30 AEK (1 jyl ishinde qaıta buzǵan jaǵdaıda – 40 AEK).

Barshańyzǵa sátti saparlar tileımiz. Jolda abaı bolyńyz.

---