InfoHub Logo

Sabaqtyń taqyryby: Júrektiń qurylysy. Júreksheler men qarynshalardyń róli. Júrek qaqpaqshalary. Júrek jumysynyń kezeńderi. Qan tamyrlary: arterıalar, kapıllárlar, venalar. Venalyq qaqpaqshalar.
Maqsaty: Bilimdilik: Oqýshylarǵa aǵzadaǵy qan aınalymynyń mańyzyn, júrektiń qurylysy jáne qantamyrlar týraly bilimdi meńgertý, ǵylymı kózqarastaryn qalyptastyrý
Damytýshylyq: Oqýshylardyń alǵan bilimderin jadynda saqtaý qabiletin damytyp jetildirý, zeıin qoıyp tyńdaýǵa úıretý, óz betterinshe izdenýin qalyptastyrý. Sabaqqa belsendilikteri men qyzyǵýshylyqtaryn arttyrý.
Tárbıelik: Oqýshylar arasynda uıymshyldyqty jáne syılastyqty oıatý.
Tulǵalyq izgilik qasıetterge baýlý jáne uqyptylyqqa, salaýatty ómirge tárbıeleý
Kórnekilikter: Júrektiń, qantamyrlardyń bólimderi kórsetilgen sýretter, júrektiń maketi, elektrondyq oqýlyq, flıpchart. Sabaqtyń túri: Jańa materıaldy meńgerý.
Sabaqtyń ádisi: S. T. O. damyta oqytý.

Sabaq barysy:
İ. Uıymdastyrý bólimi.
İİ. Úı tapsyrmasyn tekserý.
Ótilgen «Organızmderdiń ishki orasy» taraýy boıynsha tapsyrmalar beriledi.
Tikeleı suraqtar:
1. Organızmniń ishki ortasyn neler quraıdy?
2. Qan qandaı ulpaǵa jatady?
3. Qan neden turady?
4. Erıtrosıtterdiń tirshilik uzaqtyǵy qansha?
5. Leıkosıtterdiń qyzmeti
6."Fagosıtoz" qubylysyn ashqan kim?
7. Trombosıtter qaıda túziledi, buzylady jáne qyzmeti qandaı?
8. Qannyń uıýyna neler qatysady?
9. Donor, resıpıent dep neni aıtamyz?
10. Agglútınasıa dep neni aıtamyz?
11. Antıdeneler adam aǵzasynda qandaı qyzmet atqarady?
12. Imýnıtet degenimiz ne? Onyń túrlerine sıpattama berińder.

İİİ. Jańa taqyrypty túsindirý.
1. Qyzyǵýshylyqty oıatý: «Oı shaqyrý».
Jandy motor synbaıdy,
Kúni - túni tynbaıdy.
Keıde onyń júrisin,
Dárigerler tyńdaı (Júrek)

2. Taram - taram bir ǵalam,
Aıqysh - uıqysh shyrǵalań.
Tolǵan aǵys toqtasa,
Joǵalady birge adam. (Qantamyrlar)
Adamnyń denesinde eń mańyzdy ról atqaratyn ne? Oılanyp kóreıik.
(Adamnyń sýretinen júrek kórsetiledi)
- Júrek – qan tamyrlary týraly ne bilemiz?

Muǵalim tolyqtyra otyryp, oqýshylar óz oılaryn aıtady.

İİ. Maǵynany taný.
Oqýshylar óz betimen izdene jumys isteýi úshin tapsyrma beriledi.
Oryndalatyn tapsyrmalar:
1. Júrektiń qurylysyn zertteńiz
2. Júrek jumysynyń kezeńderin sıpatta.
3. Arterıalar men venalardyń qurylysyn salystyrý
4. Kapıllárlar qantamyrlarynyń qurylysy men atqaratyn qyzmeti
Ýaqyt beriledi. Ýaqyt bolǵasyn oqýshylar tapsyrma boıynsha jaýap beredi.
Muǵalim ár tapsyrmaǵa qosymsha elektrondyq oqýlyqtan málimetter beredi.

İİİ. Tolǵanys.
Oqýshylarǵa ótilgen taqyryp boıynsha mynadaı tapsyrmalar beriledi:
1. Sýret boıynsha qurylysyn anyqta

2. Bıologıalyq dıktant
1. Júrek tutas qalqa arqyly oń jáne sol jaq bólikke bólinedi.
2. Oń jaq júrekshe men oń jaq qarynshanyń arasynda úsh jaqtaýly, al sol jaq bóliginde qos jaqtaýly qaqpaqsha ornalasqan.
3. Sol jaq qarynsha men qolqa, oń jaq qarynsha men ókpe arterıasy arasynda jarty aı tárizdi qaqpaqshalar bolady.
4. Jaqtaýly qaqpaqshalar arqyly qan júrekshelerden qarynshalarǵa qaraı ótedi.
5. Vena tamyrlarynyń ereksheligi ishinde qaqpaqshalary bolady.
6. Arterıa júrekten qashyqtaǵan saıyn tarmaqtalyp arterıolalarǵa odan ári kapıllárǵa aınalady.
7. Kapıllárlardyń venalyq ushy birigip venýla túzedi.