InfoHub Logo

Bala kúnimnen jýrnalıs bolýdy armandadym. Armanyma jetý úshin qatty asyqtym. Kúni-túni jýrnalısıka salasyn zerttep oqýmen boldym. Mine, qazir sol armanym oryndaldy. Ózim qalaǵan jýrnalısıka fakúltetine oqýǵa tústim. Taǵyda bir qýantarlyǵy ózim armandaǵan
Abylaı han atyndaǵy QazHQ jáne ÁTÝ ýnıversıtetiniń stýdenti atandym. Oqý barysynda túsingenim: eń áýeli aldyńdaǵy aq qaǵazǵa, qalamǵa adaldyq kerek eken. Ózińnen kóri el múddesi men Otannyń keleshegi bolashaǵy árqashan birinshi orynda turýy tıis. Meniń jýrnalısıka salasyndaǵy basty maqsatym:óz qyzmetimdi jemisti atqarý. Qazaq jýrnalısıkasynyń órkendeýine úles qosý. "Júrgen jeri árdaıym nurly ister, qalamyń muqalmasyn jýrnalıster!" - degendeı jańalyqtyń jarshysy bolyp, halyqtyń jaqtaýshysy bolamyn. Kez-kelgen jaǵdaıǵa asa mán berip, jeńil-jelpi qaramaı ony sońyna deıin jetkizemin. Sebebi jýrnalısterdi bosqa tórtinshi bılik ókilderi dep atamaǵan. Jýrnalısıka bir ǵana salany qamtymaıtyndyǵyn túsindim. Sol sebeptide jýrnalısterge ıaǵnı bizge jan-jaqty bilimdi bolý kerek. Bul salanyń mamany bolý úshin eń basty kerek qasıet ol-senimdilik. Óıtkeni tyńdarmandy sendirý úshin eń aldymen ózińe óziń senimdi bolýyń kerek. Bul mamandyq men úshin halyq pen qoǵam arasyndaǵy altyn kópir sekildi. Sebebi ekeýin baılanystyryp tur. Tek shyndyqty aıtatyn, tek ádildikti jaqtaıtyn adam ǵana jýrnalıs bola alady. Meniń endi qazirgi alǵa qoıǵan eń basty maqsatym jýrnalısıka mamandyǵynyń has sheberi bolý. Bul salanyń qyr-syryn ıgerý. Ashshy bolsa da, shyndyqty jaqtaıtyn, shyndyq úshin kúrese biletin, óz isimniń mamany bolý. Jýrnalıs talantty bolsa, naýqasy da qatty bolady. Aýrýynan jartylaı aıyqqan jýrnalıs – synshy. Al eger jýrnalıs osy syrqattyń sozylmaly túrine shaldyqsa, jazýshy bolǵany dep beker aıtylmaǵan. Eger qajymas qaırat talmas talap kóp izdenis bolsa belestiń eń bıigine qol jetkizemiz.

Kaljanova Jansaıa Abylaı han atyndaǵy QazHQ jáne ÁTÝ ýnıversıtetiniń 1 kýrs stýdenti

---