InfoHub Logo

Táýelsizdik—álemdegi eń qudiretti sóz. Sebebi bul táýelsizdikke jetkender de, jetpegender de bar. Atadan balaǵa mıras bolǵan keń dalany saqtap qalý ońaıǵa tıgen joq. Ozyq oıly aǵalarymyz ben batyr da bilimdi jastarymyzdyń arqasynda táýelsizdikke qol jetkizdik. Sol 1991 jyldan beri táýelsizdiktiń besiginde terbelip kele jatqanymyzǵa 30 jyl boldy. Osy az ǵana ýaqyt ishinde jeke memleket bolyp, rámizderimiz ben mádenıetimizdi qalyptastyryp, dinimiz ben tilimizdi jáne salt-dástúrimizdi jańǵyrtyp, álemge tanytyp, demokratıalyq, zaıyrly jáne quqyqtyq memleket boldyq.

Osylaısha damyp, órkendep jatqanymyz jaıly aıtyp, bilimi men batyldyǵy jarasqan elimizdiń tuńǵysh Prezıdenti—N.Á.Nazarbaevtyń memleketke sińirgen eńbekterin aıtpaı ketý úlken qatelik degim keledi. Elimizdiń bıligin qolyna alǵannan bastap, osy sátke deıingi qanshama joldaýlary men strategıalyq josparlarynyń arqasynda damyǵan 50 eldiń qatyrynan da kórindik. «Biz eldigimizdi baıandy etip qana qoımaı, Qazaqstandy álem moıyndaǵan memleketke aınaldyra bildik. Ultymyzdyń saǵyn syndyryp, baǵyn taıdyrǵan kúrdeli kezeńder artta qalyp, elimizdiń jańa tarıhy – memlekettigimizdiń jańa dáýiri bastaldy. Táýelsizdik – bizdiń jolymyzdyń bastaýy ǵana»—dep tuńǵysh Prezıdentimiz aıta ketkendeı bul táýelsizdik jyldary bizdiń eldiń endi táı-táı basyp alǵa jyljýy, aldaǵy ýaqytta qazirgi Prezıdentimiz—Q.J.Toqaevpen birge damyǵan 30 eldiń qatyrynan kórinemiz degen oıdamyn. 

Biz osy kúnge deıin tek salt-dástúrimiz ben mádenıetimizdi ǵana jańǵyrtyp qoımaı óner men sportta da oıyp turyp ornymyzdy qaldyrdyq. Mysaly, 2016-2017 jyldary Qazaqstan barlyǵy 239-altyn, 223-kúmis, 298-qola medal jınaǵan. Bul kórsetkish degen osy 30 jyl táýelsizdiktiń arqasynda erkindikte ósken jastarymyzdyń el úmitin aqtap, ary qaraı damytýǵa qaýqary jetedi degendi bildiredi. 

«Ata-babanyń asyl armanyn oryndap, osydan 30 jyl buryn táýelsizdiktiń irgesin qaladyq jáne alǵa qaraı egemendigimizdi saqtap, damýymyz — bizdiń, ıaǵnı, jastardyń qolynda» — degim keledi.

Abylaı han atyndaǵy QazHQ jáne ÁTÝ ýnıversıtetiniń 1-kýrs stýdenti Kúnbolat Arman

---