InfoHub Logo

Qazir qysqa kóılek kıip, shoppıngke baryp, shash sánin jańartyp, manıkúr jasap, osy kóktemge jeńil júrispen kirip kelsem ǵoı shirkin, tek osy qazirginiń bári emes! Al, is júzinde halyq óz úıiniń tórt qabyrǵasynda karantınniń barlyq sharttaryn ustana otyryp, ózin-ózi oqshaýlaýǵa jáne ýaqytty ótkizýge májbúr.

Álemde órship otyrǵan koronavırýspen baılanysty pandemıa álemniń kóptegen memleketter sharalardy qatańdatýǵa jáne vırýstyń massaǵa taralýyna jol bermeý úshin adamdardy úıde otyrýǵa májbúrleıdi. Adamdarda qaıda jumsaryn bilmeıtin kóp bos ýaqyt paıda boldy.

Qozǵalysta bolýǵa, jumysqa barýǵa, óz isterimen júgirýge úırenip qalǵan adam úshin mundaı úı qamaý túrmemen teń. Úırenshikti tártip ózgeredi jáne bos ýaqyt paıda bolady, bul ýaqytty zerigý men jabyrqaýdan esińnen adaspaý úshin bir nársege jumsaý kerek.

Búgin men sizdermen karantınde isteýge bolatyn top 20 ıdeıamen bólisemin jáne usynam.

Eger kenetten karantın qaıtadan sozylsa, bárin qaıtadan bastaımyz.

Birinshi kún: shkafty retke keltiremiz

Terezeniń arǵy jaǵynda kóktem, sondyqtan qysqy kıimdi shkaftyń joǵarǵy sórelerine óz merzimin kútýge jiberetin ýaqyt keldi degen sóz. Aıaq kıimdi de solaı retteýge bolady. Qysqy aıaq kıimderdi jýyp, keptirip jáne kelesi qysqa deıin qorapqa salý. Budan keıingi kezekte qoıma. Ol jerde baıaǵyda qoqysqa jiberilýi tıis eski-qusqylar saqtalǵan bolar? Oryndy  kerek emes zattardan bosatyńyz, jaqsy energıaǵa jol berińiz.

Ekinshi kún: aýqymdy tazalyq sharasy

Tazalyq - densaýlyq kepili jáne barlyq vırýstarda óledi. Sondyqtan sizde bos ýaqyt bar kezde, óz úıińizdiń tazalaǵymen aınalysyńyz. Perdelerdi jýyp, edenderdi jýyp, qol jetpeıtin jerlerdegi shań qabattaryn súrtińiz. Mine, kún de ótti.

Úshinshi kún: sport

Karantınge baılanysty barlyq sport keshenderi men jattyǵý zaldary jabylyp jatyr. Óziń qalypta ustaýǵa jáne zalǵa únemi barýdy úırengen adamdarǵa ońaı bolmaı tur. Qalaıda tyǵyryqtan shyǵý kerek. Sonda másele nede? Pres, sozylý, otyryp turý jáne keýdeni jerden kóterý jattyǵýlaryn úıde de ońaı oryndaýǵa bolady. Onyń ústine, úı jaǵdaıynda oryndaıtyn vıdeo-sabaqtar men onlaın-sabaqtardy ınternette kóp tabýǵa bolady.

Tórtinshi kún: oqý

Eger siz oqyǵandy unatsańyz, biraq sizdiń júktemeńizge baılanysty buryn ýaqyt jetpegen bolsa, qazir sizde ýaqyt jetkilikti. Tutas kúndi úzbeı óz áýestigińizge arnaı alasyz. Romandar, detektıvter, motıvasıalyq ádebıet - óz qalaǵanyńyzdy tańdańyz.

Besinshi kún: bilim alý eshqashan kesh emes

Múmkin siz uzaq ýaqyt shet tilderin úırenýdi armandaǵan shyǵarsyz? Sizge qazir aǵylshyn tilin beıne-sabaqtar boıynsha úırenýdi bastaý úshin tamasha múmkindik bar. Internette tegin servısterdi tabýǵa bolady jáne karantın kezinde shet tiliniń qyr syryn meńgerýge bolady. Ómirde múmkin kerek bolyp qalar?

Shet tilin úırenýge arnalǵan onlaın servıster tizimi:

SkyEng - kásibı pedagogtardan aǵylshyn tili sabaqtaryn usynady.

Cambly - bul jerde sheteldik pedagogtarmen sóılese otyryp, aǵylshyn tilin meńgerýge bolady.

Duolingo - túrli tilderdi úırenýge múmkindik beretin mobıldi qosymsha.

Altynshy kún: vızýalızasıalaımyz

Karantın aıaqtalǵanda birinshi kúni siz ne isteısiz? Shoppıng, qurbylarymen kofe, sulýlyq salony, múmkin saıahatqa barasyz ba? Bul kúndi oılastyryńyz jáne ony qıalyńyzǵa salyńyz. Al ol tez arada oryndalýy úshin aldaǵy ýaqytqa tilek taqtasyn jasańyz, onda barlyq "qalaýlaryńyzdy" jınańyz jáne belgilengen josparlardy júzege asyrýǵa senimdi túrde jol tartyńyz.

Jetinshi kún: kompúterdi tazalaımyz

Onda qurylǵy jadyn toltyratyn qanshama saqtalǵan faıldar, foto, qujattar bar. Qazir sizde barlyq faıldardy óz oryndaryna rettep, qajetsizderin tazalaý úshin ýaqyt bar.

Segizinshi kún: relaks

Qalasań da qalamasań da ár jerden kúndelikti estıtin jańalyqtar kóleminen ózińdi nashar sezinesiń.Al bul oryn almaýy úshin demalýdy, bosańsynýdy úırenińiz. Mundaıda medıtasıa sizge kómektesedi. Bul ár adamnyń psıhıkalyq densaýlyǵy úshin óte paıdaly.

Toǵyzynshy kún: ózińizge arnalǵan kún

Mine, barlyq isterdi ysyryp, ózińizge, betińizge, terige, tyrnaqqa, shashqa ýaqyt bólińiz. Osy kezeńde ósip ketip úlgergen manıkúr, pedıkúrdi jasap, betke, shashqa maska paıdalanyńyz. Bul tamasha relaks kúnin kóbikti vanada, bokaldaǵy sýysyn ( nemese siz ne unatasyz? )) birge aıaqtańyz.

Onynshy kún: qolóner

Jasyryn talanttardy ashatyn ýaqyt keldi. Nemese jańalaryn úırenýge bolady. Bul eshqashan kesh emes. Kenetten siz toqýdy meńgerip ketersiz, jáne bul tipti sizge aqsha ákelýi múmkin.

On birinshi kún: baılanysta

Kópten beri baılanysta bolmaǵan eski tanystaryńyzdy eske túsirińiz. Qońyraý shalyp jáne olar qalaı ómir súrip jatqanyn anyqtaýǵa tıimdi ýaqyt. Óz otbasyńyzdyń qart múshelerin eske túsirińiz: olar da karantınde jabyrqap otyr ǵoı. Qarttardyń kóńil-kúıin qońyraý soǵyp kóteretin ýaqyt kelgen sıaqty?

On ekinshi kún: aspazdyq

Múmkin sizde daryndy aspaz jasyrynyp jatyr ma? Jáne týǵan-týystaryńyz da sizdiń aspazdyq shedevrlerińizdiń dámin tatýǵa qýanady. Úıdegilerdi óz qolyńyzben jasalǵan dámdi taǵamdar jáne nan ónimderimen erkeletińiz.

On úshinshi kún: ústel oıyndary keshi

"Monopolıa", "Krokodıl", "Erýdıt", Loto, Djanga, Uno oıyndary sizdiń karantındegi keshterińizdi qyzyqty ótkizýge kómektesedi. Bul bir ústel basynda búkil otbasymen jınalyp, ýaqytty kóńildi ótkizýge múmkindik. Eger siz kenetten karantınge daıyndalmaǵan bolsańyz? Úıde ústel oıyndary joq bolsa, onda siz óz qolyńyzben olardy ońaı jasaı alasyz. Eń bolmasa, karta oınaýǵa bolady.

On tórtinshi kún: fılmder kóremiz

Buryn fılmdi úzdiksiz kórý úshin sizge kúnine keminde bir jarym-eki saǵat ýaqyt bólýge týra keler edi. Endi sizde ýaqyt kóp boldy! Nege sizge alys jáshikke salynǵan fılmderdi qaıta qaramasqa? Mysaly, sońǵy onjyldyqta "Oskarǵa" usynylǵan nemese ıe bolǵan fılmder.

On besinshi kún: krosvordtyq

 Karantın kezinde zerigip ólmeý úshin jáne mıyńyzdy jumys isteýge májbúr etý úshin basqatyrǵyshtardy, krosvordtardy nemese sýdokany sheshińiz. Sonymen qatar, siz krosvord sheshe otyryp, kóptegen jańa nárselerdi, uǵymdar men termınderdi anyqtaısyz.

On altynshy kún: talanttaryńyzdy ashamyz

Múmkin siz balalyq shaǵyńyzda ádemi sýret salǵan shyǵarsyz, biraq sodan keıin shyǵarmashylyǵyńyzdy tastadyńyz ba? Endi bárin eske túsiretin, jiberip alǵanǵa qol jetkizetin kez keldi. Al, eger sizde sýretpen múldem bolmasa, onda sýretti nómirler boıynsha salýǵa bolady. Bul sizdiń qazir onsyz da osal psıhıkańyzǵa tynyshtandyryp áser etedi.

On jetinshi kún: bı-mýzykalyq

Al eger ár tańdy sizdiń súıikti mýzykadan jáne onyń áýenine bıden bastasańyz qalaı? Vanada tis tazalaǵansha, as úıde tamaq daıyndaǵansha, siz sıaqty 4 qabyrǵalarda otyrýdan jalyqqan balamen birge bıleńiz. Budan da jaqsysy án aıtyńyz, onsha shyqpasa da, óz qalaýyńyzdy oryndańyz.

On segizinshi kún: ózimizdi damytamyz

 Oqý eshqashan kesh emes. Mine, qazir sizde onlaın-marafon ótip nemese onlaın-vebınarlardy tyńdaı otyryp, óz mamandyǵyńyzda jetildirý múmkindigi bar. Múmkin siz qyzmet túrin ózgertip, úıde otyryp jumys isteı bastaǵyńyz kele me? Onda ЅMMshilerdiń onlaın kýrstarynan ótýge, al aryqtaǵyńyz kelse, nemese taǵam daıyndaýdy úırengińiz kelse, meık-ap durys jasaı alý, sýret salyp úırengińiz kele me? Osynyń bárin siz úıden shyqpaı-aq oqı alasyz.

On toǵyzynshy kún: serıaldyq

Fılm - bul uzaqtyǵy bir saǵattan astam oqıǵa, al serıal kem degende 5-10 maýsym. Karantın uzarǵanyn eskere otyryp, keregis osy. Klasıkaǵa qalaı qaraısyz – "Úlken jarylys teorıasy", "Dostar","Men sizdiń anańyzdy qalaı jolyqtyrdym". Jabyrqaýdy umytyp, qarapaıym sújetti serıalmen teledıdardyń aldynda jaı ǵana relakstanyńyz. Eger kerisinshe, kóp oılaný men shıelenisterdi qalasańyz, onda sizge ıdeıalar - "Sherlok", "Qara aına", "Maǵan ótirik aıtpa", "Qupıa materıaldar". Bastapqyǵa jetkilikti. Karantın máńgilikke sozylmaıdy!

Jıyrmasynshy kún: bizdiń júrekterimiz ózgeristerdi talap etedi

Múmkin siz uzaq ýaqyt úıde nemese páterde qandaı da bir usaq jóndeýdi keıinge qaldyrdyńyz, jáne materıaldar burynnan satyp alynǵan bolsa da, óz ıdeıalaryńyzdy júzege asyrýǵa ýaqyt tappadyńyz ba? Onda oılanatyn nesi bar? Jumysqa kirisińiz! Bos ýaqytyńyzdy da jumsaısyz, nátıjesine de qýanasyz. Qashan, eger qazir bolmasa. Al eger jóndeý aldyn ala josparlanbaǵan bolsa, onda jatyn bólmedegi jıhazdy jyljytyp, kóńildi ómir súrý úshin bir nárselerdiń ornyn aýystyrǵan jón bolar?)

Bul top - 20 ıdeıalar karantın kezinde bos ýaqytyńyzdy boıaýǵa jáne túrlendirýge kómektesedi. Eń bastysy, usynymdardy ustańyz, qolyńyzdy jýyńyz, jańalyqtardy az kórińiz, úreılenbeńiz, saý uıqy ustańyz, kúızeliske ushyramańyz, ımýnıtetti kóterińiz jáne saý bolyńyz! Ýaıymdamańyz,Biz bul indetti  jeńemiz!

Aqparat siz úshin qyzyqty jáne paıdaly boldy dep úmittenemiz. Ony dostaryńyzben áleýmettik jelilerde bólisińiz.

---