InfoHub Logo

Orys tili páninen jatqa jazý sabaǵy júrip jatqan.

Kárim sońǵy sózdi jazyp bolyp, qaıta oqyp shyqty. «Morkov» dep ishinen áldeneshe aıtty, durys jazylǵandyǵyna sene almaı otyr. Kórshi balanyń dápterine qarap edi, «márkov» dep jazypty. Solaı bir túzep qoıdy da, «Qaıken qalaı jazdy eken?» — dep, moınyn sozyp, aldyńǵy balanyń dápterine úńildi. Ol «márkóv» dep jazypty.«Áı, osynyń jazǵany durys bolar» dep oılaǵan Kárim «o» árpin «ó»-ge túzetip, muǵalimge dápterin tapsyrdy. Kelesi kúni muǵalim:

— Óz kúshine, óz bilimine senbeı, jurtqa jaltaqtaǵan Kárim bir sózden úsh qate jiberipti, sondyqtan ekilik aldy, —  dep habarlady balalarǵa.

Oqýshylar dý kúldi. Sodan bastap Kárim jurttyń dápterine qaramaıtyn boldy.

---