InfoHub Logo

Kekilik — taýyqtárizdiler otrády qyrǵaýyl tuqymdasyna jatatyn ádemi kus. Negizgi mekeni— taý-tasty jerler. Qazaqstanda Jetisý (Jońǵar)  Alataýynda, Tán-SHanniń soltústiginde İle jáne Soltústik Alataýda, Karataýda. Saýyr men Tarbaǵataıda, Ústirtte jáne Manǵystaý túbeginde kezdesedi. Dene turqy 35 sm, salmaǵy 370-770 g. Jabyn qaýyrsyny birkelki rendi, aqshyl tústi alqymy qara jolaqpen kómkerilgen, eki qaptalynda aq jáne qońyrkaı rendi kóldeneń jolaqtary bar. Tumsyǵy, kóziniń aınalasy qyzyl, aıaqtary qyzǵylt tústi bolady. Aıaǵynyń bulshyq eti jaqsy damyǵan, sondyqtan shıraq qozǵalyp, tirshiliginiń kópshiligin jerde ótkizedi. Buta men aǵashtarǵa qonaqtaýy sırek baıqalady. Kekilikter uıalaǵan kezde toptasyp ushyp, kóbinese "ke-ke-lek, ke-ke-lek" dep dybystaıtyn bolǵandyqtan, qustyń atalýy osyǵan baılanysty qoıylǵan.

Kekilik — otyryqshy qus. Orman óspegen taý tastardyń arasyna qarapaıym uıa jasaıdy, onda kóbinese 7-22 jumyrtqa bolady. Qazaqstandyq ornıtolog Iýrıı Grachev kekilik analyǵynyń eki jerge uıa jasap, jumyrtqalaıtynyn dáleldedi. Mundaı jaǵdaıda bir uıadaǵy jumyrtqany analyǵy, ekinshi uıadaǵy jumyrtqany atalyǵy basatyny anyqtaldy. Osylaısha kekilikter qatal qysta shyǵynǵa ushyraǵan balapandarynyń ornyn toltyrady. Kekilikter  ósimdik  óskinderi jáne tuqymdarymen, jándiktermen qorektenedi. Kekiliktiń eti dámdi, arnaıy ruqsatpen aýlanady.

Oqýǵa keńes beremiz:

Itelgi

Kókek

Kepter

Qustar qanshalyqty aqyldy?

Qalaqaılyq (biztumsyq shóje)

Qustar áleminiń bıtbokseri - Lıraquıryq(Vıdeo)

---