InfoHub Logo

Taqyryby: Kel, Jańa jyl!

Maqsaty:
Jańa jyl merekesi týraly taqpaqtardy meńgerý, barys jáne jatys septikteriniń jasalýyn qaıtalaý, sóıleý daǵdysyn qalyptastyrý, este saqtaý, saýatty jazýǵa daǵdylaný.
Kútiletin nátıje:
Balalar óleń shyǵara alady, barys jáne jatys septikterin ajyrata alady, sózdik qorlary molaıady, yntymaqtastyq atmosferasy qalyptasady, erkin sóıleıdi, ıdeıa aıtady, qorytyndy jasaıdy.
Sabaqtyń túri: ashyq sabaq.
Sabaqtyń ádis – tásili: IKT, suraq – jaýap, aýdarma, sózjumbaq, ystyq oryndyq, INSERT, blob aǵashy.
Qoldanylǵan modýlder: AKT, STO, jas erekshelikterine saı tapsyrmalar, daryndy oqýshylar, oqytý men oqýdaǵy jańa tásilder, kóshbasshylyq, baǵalaý
Sabaqtyń kórnekiligi: sýretter, úlisterme qaǵazdar, kórsetilim.
Pánaralyq baılanys: orys tili, beıneleý óneri.
Sabaq barysy.

I. Uıymdastyrý kezeńi.
A) amandasý
Á) yntymaqtastyq atmosferasyn qalyptastyrý úshin oqýshylar bir - birine jaqsy tilekter aıtady. Mysaly: Men saǵan baqyt tileımin.
B) kezekshimen suhbat

II. Úı jumysyn tekserý. Ystyq oryndyq ádisi arqyly Jańa jyl týraly taqpaqtardy suraý.

İİİ. Jańa sabaq
1) Sózjumbaq sheshemiz:
1. Shyrshanyń túsi
2. Bizdiń elordamyz
3. Aıý – ol ne?
4. Qysta ne jaýady?
5. Qystyń birinshi aıy
6. Qazir qaı jyl mezgili?
7. «Snegovık» sóziniń aýdarmasy
- Balalar, sózjumbaqta qandaı negizgi sóz jasyrynyp tur eken? Endeshe búgingi sabaǵymyzdyń taqyryby ne jaıly bolmaq? Durys, búgingi taqyrybymyzdyń aty - Jańa jyl jáne gramatıkalyq taqyrybymyz – barys jáne jatys septikteri. 2) Asosıasıa. Toptastyrý.
Balalar, Jańa jyl sózin estigende qandaı sózder oılaryna keledi? Jańa jylda biz ne isteımiz? (án aıtamyz, bı bıleımiz, syılyq syılaımyz, tilek aıtamyz)

3) Gramatıkalyq taqyrypty qaıtalaý.

4) Kespe qaǵazben jumys. Juppen oryndaý.
1 - tapsyrma. Tómendegi sózderge barys, jatys septikteriniń jalǵaýlaryn jalǵap jazyńdar.
Aıaz Ata, qys, qar, erteńgilik, Jańa jyl, mereke, mezgil, áshekeı, án, dastarqan, aqqala, shyrsha. (ınteraktıvti taqtada durys jaýapty qarap tekseredi)

5) Sózdik jumys.
toılady – prazdnovalı
qýanyshty – radostnyı
syqyrlaıdy – skrıpıt
qyzyǵyna toımaımyz – ne naradýemsá
erteńgilik – ýtrennık
baqytty bol – býd schastlıv

6) Aýyzsha tapsyrma. 2 - tapsyrma, 106 - bet.
Dıalogty tolyqtyryp, ózara sóılesińder.

7) Oqýlyqpen jumys. 3 - tapsyrma.
Mátinnen barys jáne jatys septiginde turǵan sózderdi kóshirip jazyp, olarǵa suraqtar qoıyńdar.
Mysaly: mektepte – J. s. qaıda?
merekesine – B. s. nesine?

8) Oqýshylarǵa óleń qurastyrý úshin daıyn uıqastar beriledi, 3 mınýttyń ishinde óleń shyǵarý kerek.
.......................... salqyndaıdy,
.......................... syqyrlaıdy,
............................ appaq bop
........................... jyltyraıdy.

.......................... oınaımyz,
.......................... tońbaımyz,
........................... shattanyp
........................... toımaımyz.