InfoHub Logo

 

Ońtústik Qazaqstan oblysy

Shardara aýdany, Jaýshyqum aýyly

«Jaýshyqum» mektep-lıseıiniń

Geografıa páni muǵalimi: Tıleýbekova Sara Anarbekqyzy

                                                                  

     Qazirgi tańdaǵy elimizdiń bilim berý salasyndaǵy qoldaý taýyp jatqan jańashyl ózgerister men bastamalar orta bilim berý mekemelerine de serpilis bereri haq. Sonyń bir aıǵaǵy - búginde álemdik joǵary deńgeıde qol jetkizgen anaǵurlym tanymal jańa tehnologıalardyń jıyntyǵy bolyp sanalatyn, 7 modýlge jınaqtalyp qarastyrylǵan.

     Nazarbaev zıatkerlik mektebi men Kembrıdj ýnıversıteti qaýymdastyǵy birlesip qurǵan baǵdarlama. Bul baǵdarlamada QR-nyń orta bilim berý mekemeleriniń ustazdar qaýymyna  kiriktirilgen jańashyl ádis-tásilderdi meńgertý arqyly mektepte sabaq úderisinde qoldanysqa engizýdi, nátıjeli eńbek etip, oqýshylardyń bilim sapasynyń kóterilýine jáne qoǵamǵa óz úlesin qosa alýyna múmkindik beredi. Bul júıege memleket tarapynan da úlken qoldaý kórsetilýde. Baǵdarlamanyń basty maqsaty – oqýshylardyń qalaı oqý kerektigin úıretý. Iaǵnı óz oıyn erkin jetkize alatyn, ózindik ishki ýáji bar, yjdaqatty, yntaly, senimdi, ózindik pikirin ary qaraı damyta alatyn, kúmándi oılaryn bildire alatyn, AKT-ny jaqsy meńgerý arqyly alǵan bilimin ómirde qoldana alatyn, mádenıetti, parasatty jańalyqqa jany qumar jan bolýǵa jeteleıdi. Árıne, bul rette basym baǵyt - aldymen muǵalimniń oqýshylarmen yntymaqtastyq qarym-qatynas ornatýy negizinde oqý úderisine tartyp, balanyń ózindik qajettelikterin qanaǵattandyra alatyndaı baǵyt-baǵdar berý.

      Negizinen bul tásildiń tıimdiligi muǵalim jumysynyń jeńildeı túsýinde. Máselen, muǵalim bergen tapsyrma aıasynda oqýshylarǵa kóp oılanýǵa múmkindik beredi. İzdený ekeýara dıalog qurý arqyly oılasý, toptyq jumys júrgizý arqyly  atsalysý, salystyrý, toptar arasynda pikir almasý, talasa talqylaý úlken mánge ıe.

       Sondaı-aq, baǵdarlamanyń basym baǵyty syndarly oqytý tásiline baǵyttalǵan. Syndarly oqytý oqýshylardy tynymsyz izdenimpazdyqqa baýlıdy. Oqýshylar ózderiniń oqý kerektigine jaýapty ekendigin sezinýmen qatar, óz oılary men dáleldemelerin naqty jetkize alatyn, oıǵa júırik, tilge sheshen, oıyn kórkem beıneleı alatyn, birneshe tildi meńgergen jan-jaqty jetilgen jeke tulǵa retinde qalyptasýyna yqpal etedi.

       Oqýshylardyń oılaý qabiletin arttyrýǵa, kúmándi oılaryn bildirip, pikirin, kózqarasyn naqty dáıekter arqyly dáleledep, jańa ıdeıalarmen tolyqtyryp, óristetýge de yqpal jasaıdy. Saıyp kelgende, bul kórinister oqýshylardyń  juptyq, toptyq jumys barysyndaǵy birlesken  is-áreketteri negizinde alǵan bilimderin jan-jaqty, ıaǵnı, bilip, túsinip, qoldaný-men qatar, taldaý, jasaý arqyly tanyp bilýinen baıqalady. Bul úshin muǵalim qolaıly orta qalyptastyrýdy nazardan tys qaldyrmaý kerek.

           Baǵdarlamada kórsetilgendeı, baǵalaý-odan arǵy oqý týraly sheshimdi qabyldaý maqsatymen oqytýdyń nátıjelerin júıeli túrde jınaqtaýǵa baǵyttalǵan qyzmetti belgileý úshin qoldanylatyn termın.

           Dástúrli oqytý júıesinde oqýshy bilimin aýyzsha «3», «4», «5»  dep, jalpy baǵalaý oryn alǵan bolatyn. Al Kembrıjdik júıede oqýshynyń izdenýine, bilim alýyna yqpal jasaýda oqytý úshin baǵalaýdyń máni zor, ıaǵnı, oqýshynyń múmkindikteri men qabiletterin eskere otyryp, yntalandyrý, odan ári oqýǵa jeteleý basty maqsat bolyp tabylady.

          Qoryta aıtqanda, Kembrıdjtik júıede oqýshylardyń ózderin erkin ustaýyna, oılanýyna múmkindik jasalynyp, muǵalimniń de, oqýshynyń da is-áreketi shyǵarmashylyq sıpatta bolady, ıaǵnı qazirgi zamanda tabysty ómir súrýge daıyn belsendi azamat qalyptastyrýdy kózdeıdi.

Elbasymyz: «Elimniń erteńi bolashaǵy jastardyń qolynda. Al jastardyń aldaǵy ómiriniń jarqyndyǵy bilim alýynda»,- dep beker aıtpasa kerek-ti. Elimizdi jahanǵa tanytatyn, ekonomıkasyn sharyqtatatyn jastardy baýlyp shyǵaratyn muǵalimder qaýymy únemi izdenis ústinde bolý kerek.

---