InfoHub Logo

     Bilimdi urpaq — bolashaqqa bastar jol. Iá, bul sózdiń túpki mán-maǵynasyn ashyp, keńinen túsindirmesek te jas urpaqqa tikeleı qatysty dúnıe. Sebebi elimizdiń bıikterden kórinip joǵary órleýi osy keleshek jastardyń qolynda. Al óskeleń jas urpaqty jastaıynan oqýǵa baýlyp, olardy durys ári taza jolǵa baǵyt-baǵdar berý árbir úlken býynnyń qazirgi mindeti. «Tárbıe — tal besikten bastalady», — demekshi bolashaq urpaqtyń naǵyz bilimdi, sanaly, sondaı-aq óz eline degen súıispenshiliginiń joǵary bolýyna sebepker ol balalyq shaǵynan alǵan tárbıesine tikeleı baılanysty.                                              

     Bolashaq — jastardyń qolynda. Árbir jas býyn mektep qabyrǵasynda bilim alǵan shaǵynan bastap bul sózdi ózderine ant etip qabyldaýy kerek. Óıtkeni aldaǵy kúnderi men bolashaǵynyń jarqyn bolýyn oılap, ózine artylǵan zor úmitti sezinýi tıis. Óz bolashaǵymen qatar eliniń gúldenýi men kórkeıýi, úlken dárejege jetip órleýi jaıynda da sanaly túrde óz jaýapkershiligine alyp, bolashaǵynan úmit kúttirer azamat bolyp ósýi osy jastarǵa paryz bolmaq.

     Bolashaq memleketimiz ben jas urpaqtyń arasyndaǵy baılanys óte zor. Árbir halyqtyń joǵaryǵa órleýi men damýy ár halyqtyń óz jastaryna táýeldi ekeni anyq. Eger de búgingi jastar óz halqynyń sana-sezimimen, rýhymen, tárbıesimen óspese, onda sol eldiń kemel keleshegi bulyńǵyr bolmaq. Óıtkeni ult murasy, ult qazynasy osy jas urpaqqa mol mura bolyp amanat etilip saqtalýy tıis.

     Elbasymyz N. Á. Nazarbaev óz joldaýlarynyń birinde aıtqandaı: «Búgingi óskeleń urpaq naǵyz bilimdi, jan-jaqty damyǵan, birneshe tildi meńgergen, naǵyz óz elin súıetin, ultjandy azamat bolýy kerek». Naǵyz óz eli úshin jaralǵan, onyń gúldenýi men joǵarydan kórinýine bar yqylasymen berilgen, boıyna ǵylym men bilimdi jıǵan urpaqtyń beınesi dál osy elbasymyz atap ketkendeı qasıetterden bolýy tıis. Sebebi bul da jas urpaq úshin úlken paryz, mol jaýapkershilik bolyp sanalady.

     Qoryta aıtqanda jastar — elimizdiń naǵyz irgesi bıik bolashaǵy. Al sol jastardyń bolashaǵy óz Otanymyzdyń erteńgi taǵdyrymen tyǵyz baılanysty. Sol sebepti biz, jastar, judyryqtaı jumylyp elimizdiń árbir órkendeýi men damýy jolyndaǵy qyzmette birlese at salysqanymyz elimiz úshin de, ózimiz úshin de úlken jetistik bolmaq degim keledi.

Amangeldi Zeınep Beıbitqyzy

---