InfoHub Logo

Biz árqashan Dúnıeniń kiltin bilimnen izdegen, izdenimpaz, bilimge jany qushtar halyqpyz. Árkez joǵary orynǵa izdený, tanyp bilýdi qoıamyz. Oqý bilim bulaǵy, bilim ómir shyraǵy degen maqaldyń ózi ata-babalarymyzdyń birinshi orynǵa adamǵa tek oqý qajettigin aıtyp ketkenine dálel. Sol sebebten de bizdiń elimiz áli kúnge tálim alý, úırený, bilimge umtylýdy birinshi orynǵa qoıady. Osy ýaqytqa deıin bul qasıetter biz úshin adam balasynyń eń joǵary qundylyqtarymen para par. Maqalanyń bastalýynan baıqaǵandaryńyzdaı búgingi taqyryp bilim alý jaıynda bolmaq. Árıne bilim dese eń birinshi esimizge mektep túseri sózsiz, sebebi osy altyn uıamyzdan eń birinshi tálim alyp, bilim jolyna qadam bastyq. Alaıda mektepti támamdaǵan oqýshylar úshin óz bilimderin shyńdaý jolynda kolejdiń úlesi qandaı bolmaq?

Kolej arnaıy mamandyq boıynsha oqytatyn oqý oryndary. Jáne jasóspirimderdiń úlken ómirge qadam basýynyń alǵashqy satysy. Jáne arnaıy osy jáıtqa baılanysty №17 Jambyl koleji Komýnaldyq memlekettik kásiporynyna málimet jınaqtaý úshin baryp, qaıtqan bolatynmyn. Kolej jaǵdaıy kóńil toltyrarlyq, syrt kózge mektep qabyrǵasy sekildi kórinetin bul oqý ornynyń da aýyl turǵandary úshin alatyn orny erekshe. Bas kezinde aýrýhana retinde soǵyla bastaǵan bul ǵımarat, ýaqyt óte kele bilim ordasyna aınaldy. Alaıda bul ǵımarat áýel bastan kolej retinde emes keshki mektep retinde qyzmet kórsetken bolatyn. Ýaqyt óte kele bul ǵımarat arnaıy shopan, traktorıst, júrgizýshi, aspaz sekildi mamandyq ıelerin oqytatyn oqý ornyna boldy. 1959 jyldan beri tálim berip kele jatqan bul oqý orny áli kúnge deıin jumys jasaýda. Al qazirgi ýaqytta kolej qabyrǵasynda 150 ge jýyq bilimgerler bilim alýda jáne 25 ustaz bilim berýde. Kishigirim ǵana oqý orny bolǵanymen qanat qaǵyp ushqan stýdentterdiń 81% jumyspen qamtylyp, jumys jasaýda. Árıne bul kishigirim ǵana nátıje bolýy múmkin, alaıda bul bilim ordasynyń ózinen bilim alǵan stýdentterine bergen bilimniń esh ketpegeni, keremet basshylardy oqytpasa da, halyqqa kómegimen tıgizetin qanshama maman ıeleri shyǵýda. Etken eńbek esh ketpeıdi demekshi, qanshama pedagogtardyń eńbeginiń jemisi óz stýdentteri jaqsy mamandarǵa aınalýda. Bul kolejdiń meniń otbasym úshin de mańyzy zor, sebebi bul kolejde meniń atam Dýanaev Qajmahan Myrzaıuly 1979-1996 jyldar aralyǵynda ulaǵatty ustaz bolǵan. Munymen aıtqym kelgeni sen qaı jerde bilim aldyń aýyldan ba qaladan ba mańyzdy emes. Mańyzdysy bilimdi eline óz kómegin tıgizetin maman bolý.

---