InfoHub Logo

Jaratylystyń bizge syılaǵan sezimderiniń biri-mahabbat. Adam ómirinde oıda joqta paıda bolyp, kenetten jan-dúnıeńdi túsiniksiz kúıge engizedi. Ózge álemge tap bolǵandaı ózgeshe sezimde bolasyń. Bir jannan ózgeni baıqamaı, kózińdi shel basady. Mahabbat sezimin sezinip, ǵashyq jandardyń kózi baılaýly bolady. Minsiz adam bolmaıtyny barlyǵymyzǵa málim. Al, seniń súıiktińde bir min joqtaı kórinedi. Iá, qazir eki jannyń arasyndaǵy mahabbatty baıandamaqshymyn. Ǵashyq adam óz-ózine uksamaı ketýi qalypty jaǵdaı. Adam jarymen kezdeskende, mıdyń júıke tizbekteri basylady. Sondyqtan, qabyldanǵan sheshim qate bolýy múmkin. Tórt mınýt-adammen qarym-qatynas bola alatynyn túsinýge jetkilikti. Sonymen qatar, jaqynyńdy qushaqtaý arqyly tabıǵı aýrýdy basýǵa bolady. Ǵashyq bolý kezinde adamnyń gormonynyń deńgeıi joǵarylaıdy, sol sebepti qyzǵanysh sezimi paıda bola bastaıdy. Jalpy, mahabbat jaıly úzdiksiz aıta berýge bolady. «Dúnıede mahabbat bolmasa, tabıǵaty sarań kisi burynǵysynan da sarań, al jaratylysy qatty adam odan da qatýlana túser edi», -demekshi, júrekterdi jumsartyp, adamdardy meıirimdi etetin osy –mahabbat. Aqyn-jazýshylardyń shyǵarmalary men án-jyrlardan tabylatyn tylsym sezimdi sezinip kórý bir baqyt. Mahabbat ótkinshi bir sezim emes. Shyn mahabbat syılastyq, súıispenshilik, adaldyqtan turady. Mahabbat -álemdegi eń shynaıy ári názik sezim. Qozy Kórpesh Baıan sulý, Qyz Jibek pen Tólegen, Eńlik Kebek arasyndaǵy mahabbatty aıta ketken jón bolar. Naǵyz mahabbattyń úlgileri. Mahabbattyń shynaıylyǵyn bilý úshin júregińniń únine úńilgen jón bolar. Adam balasynyń júregi eshqashan aldamaıdy.

Nuǵyman Aıdana

---