InfoHub Logo

Dúnıede neshe túrli adamdar bolady ǵoı. Bir atadan týǵan on shaqty úı bir aýyl adamdary r-ǵa tilderi kelmeıdi, saqaý jáne keremet kúlkishi bolǵan eken. 10-15 shaqyrym turatyn aýyl azamattary jeti adam bolyp ań aýlaýǵa kóp saqaý qystaýynyń ústine kelse, qoralary, shópteri, jeri — bári órtenip ketken. Kúzdiń kúni, «bul aýyldyń adamdary qaıda» dep izdep júrse, aýyldyń shetinde bir jaman úı órtten aman qalǵan eken. Soǵan jınalyp alyp kúlkiden ishekteri qatyp, sereıip jatyr. Ańshy jigitter janyna kelip otyryp amandassa, amandasýǵa shamalary kelmeı, kúlip ólip jatyr.

— Oý, ne boldy? — dep surasa, «óıt» deıdi de, odan ári sóıleýge shamasy kelmeıdi. Kúlkileri basylatyn shyǵar dep, biraz tosyp otyryp, basylatyn bolmaǵan soń, ketip qalypty. Artynan surastyrsa, kóp saqaýdyń aýyly kúzekte otyrǵanda órt qaptap, qystaýǵa qaraı bara jatqanyn kórip, aýyl erkekteri qoldaryna sypyrtqy, qurym kıgiz alyp, órtke shaýyp, órtti óshirip júrgende órt ishinen quıyn shyǵyp, bireýi
quıynnan qorqyp qasha jónelse kerek. Soǵan kúlemiz dep, silesi qatyp kúlip jatqanda aýyly, qoralary túgel kúıip ketip, oǵan qapalanǵan olar joq, kúlkiden silesi qatyp, kúlip jatyr eken.

Taǵy bir isi: kóshemiz dep arbaǵa, túıege júgin artyp qoıyp, «endi bir nasybaı atyp alaıyq» dep otyrǵanda bir nársege kúlip, kúlki bastalsa, ol kúni olar kóshe almaı, qonyp qalady eken.

Ekinshi: jaılaýǵa baryp qonyp, bir áıel jer oshaqqa ot jaǵyp, tamaq istep júrgende kún jelteń eken. Etegine ot tıip, áıel sekirip júrse, kúıeýi esikten kórip:

— Shoshýyn quıǵıdyń, — dep silesileri qatyp jatqanda, áıel kúıip ólipti. Óshirip alýǵa kúlkiden shamasy kelmeı, kúıeýi kóriner kózge áıelinen aırylyp qalǵan eken.

---