InfoHub Logo

Dáýletkereıdiń Kóruǵly kúıiniń ańyz-áńgimesi orta Azıa halyqtarynyń arasynda keńinen taralǵan áıgili «Kóruǵly» dastanynyń oqıǵasymen tamyrlas bolǵanymen, kúıdiń shyǵý sebebi kúıshi ómiriniń bir satysymen baılanystyra aıtady.

... Birde aýyl aralas, qoı qoralas jatqan, tósekte maly, tóskeıde maly qosylǵan túrkimen aǵaıynǵa Dáýletkereı qonaqtap baryp qaıtypty deıdi. Sonda aýyldastary aldynan shyǵyp, el aǵasynyń oljasyn qyzyqtamaq nıet bildirse kerek. Buǵan oń shyraı tanytqan Dáýletkereı: «Ýa, aǵaıyn, sózime qulaq sal! — depti, — túrkimen aǵaıynnyń kóńilinde kóleńke joq eken. Mal berip edi, óledi dep almaǵan edim. Biraq qur qol
qaıtqanym joq. Osy sapardan bir belgi bolsyn dep, ólmeıtin, tozbaıtyn kúı shyǵaryp qaıttym!» depti. Sondaǵy kúıi osy «Kóruǵly» eken.

 

---