InfoHub Logo

Ońtústik Qazaqstan oblystyq bilim basqarmasyna qarasty memlekettik mekemesi Oblys ortalyǵynyń Kóksaı-2 shaǵyn aýdanynda  J.Nurlybaev kóshesinde ornalasqan. Qadaǵalaýsyz, qaraýsyz qalǵan, áleýmettik jaǵdaıy tómen otbasynyń balalaryna atalǵan ortalyq, ýaqytsha beıimdep, tárbıelep, barynsha jan-jaqty qamqorlyǵyna alyp jaǵdaı jasaýda.

09.02.2018 jyly saǵ 10-00de Ońtústik Qazaqstan oblysy Bilim basqarmasynyń «Kámeletke tolmaǵandardy beıimdeý ortalyǵynda» ortalyq tárbıeshi D.Tilegenova, pedagog-psıholog A.Esjanova jáne Halyqaralyq pedagogıkalyq ýnıversıtetiniń tájirıbe jınaqtaýshy tórtinshi kýrs stýdenti A.Ábdiqadyrdyń birlese uıymdastyryp ótkizgen «Kóshbasshy bolýǵa umtylaıyq» taqyrybyndaǵy saıys sabaqtary óz deńgeıinde tárbıeli, qyzyqty bolyp ótildi.

Maqsaty: Balanyń oı-órisin jan-jaqty damyta otyryp, adamgershilikke, meıirimdilikke, ımandylyqqa, óz Otanyn, jerin, elin súıýge, halqymyzdy salt dástúrin qasterlep, qurmetteýge úıretý, tárbıeleý.

Aldymen, saıys qorytyndysyn jarıalaý úshin alqabıler saılanyp alyndy

Kórnekilikteri: Naqyl sózder, sharalar, fotosýrettermen bezendirilgen. Saıys barysynda vıdıorolık ornymen paıdalanyp balalar boılaryna patrıottyq sezimderdi jınaqtap, kóp maǵlumat alarlyqtaı áser alyndy. Qazaq eliniń jyl maqtanyshtary týraly túsiniktemeler oqylyp, fotosýretter kórsetilip suraq-jaýap júrgizildi. 

Ortalyqtyń mýzykalyq jetekshisi B.Ýteevtiń súıemeldeýimen án-kúı, bı bılep, taqpaqtar aıtyldy. Tájirıbe jınaqtaýshy stýdent, keleshek pedagog-psıholog A.Ábdiqadyrdyń tárbıelenýshilermen júrgizgen psıhologıalyq oıyndary uıymdastyryldy.

1. Shar jarý oıyny.

Maqsaty: Balanyń oı qabiletin damytý

2. Qubyrdan sý aǵyzý

Maqsaty: Balalardy aýyzbirshilikke tatýlyqqa alyp keledi.

Saıys barysynda balalar topqa bólinip óz múmkindikterin kórsetti. Qazaq eliniń salt-dástúrin bilý, túsúný, uǵyný maqsatynda: Qyz uzatý, betashar, besikke salý,tusaý kesý,sıaqty dástúrler aıtylyp, kórsetildi. Sonymen qatar óleń aıtý saıysynda tárbıelenýshi Aqmaral Mýstafaevanyń «Ótken ómir» atty arnaý óleńi, (anasyna arnap jazǵan) úlkenge de, kishige de oı salatyndaı áser qaldyrdy. Osy qyz balanyń óleń shýmaqtaryn usynyp otyrmyn.

«Ótken ómir»

Jan ana ańsap júrmin kúnde ózińdi,
Balam degen bal tátti jyr sózińdi.
Armannyń qıalymen kelem ana,
Qaıta kórsem eken dep ózińizdi.

Men tirińde bilmeppin, qadirińdi,
Jylyna bir kóremiz qabirińdi.
Qaıta Allam ortaǵa tóger me edi?
Analyq aq júrekti jaryǵyńdy.

Pendelikke salynyp, aq tańdaımyz,
Anany bizder taýyp jatqandaımyz.
Bir sózine on aýyz til qaıyryp,
Aq sútiniń aldynda aqtalmaımyz.

Eı, adamzat qadirle anań bolsa,
Zor baqyt birge júrip aman bolsa.
Anadan bar jylýlyq tabylady,
Ókinip, qınalǵannan janyń tońsa.

Anandaı bola almaıdy, ózge eshkim,
Anasyz ómir synyn bastan keshtim.
Anadaı ardaqty adam tabam deme,
Anadan eshbir jan joq, asqan eshkim.

Jylatpa,syzat salma, júregine,
Qarsy turma, eki etpe tilegende.
Anańdy aıalap ót, jylatpaǵyn,
Máńgi jumaq kilti bar júreginde.

Urssa ursar, jaman bolsyn demeıdi eken,
Ótken ómir amal ne, kelmeıdi eken.
Anańdy alyp, ushyp, saǵynǵanda,
Júrek  tolqyp, jan kúıdi kerneıdi eken.

Ana degen báıterek, qasıetti,
Barshaǵa em bolatyn ósıeti.
Jer basyp júrgen búkil adamzattyń,
Múmkin emes Anaǵa bas ımeýi.

Ana dagen bulaǵyń aǵyp jatqan,
Ana degen alaý ot janyp jatqan.
Balam aman bolsyn dep kúni-túni,
Aq sút berip, álpeshtep baǵyp jatqan.

Oılanańdar! Kúnige oıǵa alyńdar,
Aq sútimen ómirge  boıladyńdar.
Ana degen ómirdiń aqylshysy,
Ananyń aqylyna toıǵan kim bar?

Qadirle aıalap ót anań bolsa,
Ómirdiń jylýy joq anań solsa.
Ótse de dúnıeden máńgilikke,
Umytpa, quran oqyt janyń bolsa.

Aqmarldyn talabyna nur jaýsyn dep tilek bildirdik.

«Kámeletke tolmaǵandardy beıimdeý ortalyǵynyń» basshysy Qanseıit Bımen Jumahanulyna sóz berildi. Ol balalardyń ónerleriniń tamashalyǵyn atap aıtyp, tilekterin jáne jyly lebizin bildirdi. Qorytyndylaı kele, saıys deńgeıine qaraı, top basshylyry marapattalyp, maqtaý qaǵazdary berildi. Saıys sońynda balalarǵa tátti tort berildi. Balalar óz rızashylyqtaryn bildirip rahmetterin aıtty.  

Chehovtyń aıtqanyndaı «Adam barlyq jaǵynan da: túri de, kıimi de, jany da, oıy da sulý bolý kerek» - degen. Osyndaı saıystar, is-sharalardyń arqasynda bolashaq jastardyń keleshegi jarqyn bolady dep senemin.

OQO Bilim basqarmasynyń
«Kámeletke tolmaǵandardy beıimdeý ortalyǵy» KMM-niń
tárbıeshisi Mýsaeva Gýlfaıraz Adılhanqyzy

---