InfoHub Logo

Tárbıe saǵaty
Taqyryby: Kóshe erejesin bilesiń be?
Maqsaty: Jol erejeleri týraly biletin bilimderin odan ári damytý. Jol erejelerin bilý arqyly, olardy adamgershilikke, ustamdylyqqa, ádeptilikke tárbıeleý;
Kórnekiligi: kóshe sýreti, jol belgileri, baǵdarsham.
Qurylymy:
Qurmetti oqýshylar, qurmetti ustazdar! Bárimiz unatatyn, bilgimiz keletin, qyr - syry mol kóshede júrý tártibine baılanysty «Kóshe erejesin bilesiń be?» atty tárbıe saǵatymyzdy bastaımyz.
- Endeshe, balalar taqtada ilýli turǵan sýretke nazar aýdaraıyq.
- Munda ne beınelengen?
- Kóshede ne tur?
- Baǵdarsham bizge ne úshin kerek?
Endeshe, baǵdarsham bizdiń senimdi, ári qaıyrymdy dosymyz. Oǵan bizdiń bárimiz baǵynýymyz kerek.
- Qane, kim maǵan baǵdarsham týraly taqpaq aıtady?
1 - oqýshy: Baǵdarsham senimdi
Súıetin serigiń
Súıseń súıgen jerińdi
Syılamaıdy seni kim?
2 - oqýshy: Jansa kózi jasyl,
Jolyń aıdaı ashyq
Júre bergiń batyl
Keregi joq sasyp.
3 - oqýshy: Sary kózi jansa,
Sen mynany ańǵar
Turyp qalmaı onsha
Qozǵalýǵa qamdal
4 - oqýshy: Qyzyl kózi jansa,
Meıli kólik joqta
Qatyp qalǵyn janǵansha

Qybyr etpe toqta.
5 - oqýshy: Baǵdarsham tiline
Baǵynbaýǵa bolmaıdy.
Tas qyp baılap túbine
Jazalaıdy ondaıdy.
6 - oqýshy: Oń jaq jasyl janǵanda
« Ońǵa buryl» degeni
Sol jaq jasyl janǵanda
«Solǵa buryl» degeni
7 - oqýshy: Jasyl sáýle janǵanda
Jol ashyq dep bile ber.
Jasqanba da aldanba
Jaırań qaǵyp, júre ber.
Kelesi sizderdiń tamashalaıtyn ánderińiz: «Jol jyry»
- Balalar kóshede baǵdarshamsyz qalaı júrýge bolady?
- Kóshede baǵdarshamnan basqa ne turady?
- Jol belgileriniń qandaı túrlerin bilesińder?
- Jol belgilerin neshe topqa bólýge bolady?

Jol belgileri týraly kim maǵan taqpaq aıtyp beredi?
8 - oqýshy: Kóshelerdiń býlvardyń
Ý - da shý shetinen
Ótkeısiń tratýardyń
Tek qana oń jaq shetimen.

9 - oqýshy: Beıbastyq bolma bekerge
Kezdeser aldan kóp qoı syn
Qıylystan árbir óterde
Aıdalaǵa qarama
10 - oqýshy: Úlken boldym desem de
Eshkim maǵan senbeıdi.
Jalǵyz júrme kóshede
Kishkentaısyń sen deıdi.
11 - oqýshy: Úlkenmin ǵoı mine men
Oıynshyqtardy jınaımyn.
Mashınama miner em
Kabınasyna syımaımyn.
Endeshe, sol jol belgilerine toqtalaıyq.

12 - oqýshy: Turamyn kósheniń qıylysyn turaqtap,
Qashpaımyn múdirip, eshqandaı suraqtan.
Belgisi joldardyń tórt toptan turady.
Jarqyrap kóriner túnde de jyraqtan.

Saqtandyrý belgisi:
Qyp - qyzyl úshburysh
Eskertý belgisi men bolam.
Qaýipten saq bol dep
Sát sapar joldaǵan.
Aman - saý júredi jaıaý da, kólik te,
Men bergen belgini saqtaǵan, qoldaǵan.

Tyıym salý belgisi:
Qyzylmen boıalǵan sheńberim aýmaqty
Tıymshyl belgimin, qatalmyn, salmaqty.
Men turǵan jerlerde haqyń joq júrýge,
Qaýip bar, baǵdarla, kóz salyp jan - jaqqa.

Mindetteý belgisi:
Belgimin kórseter jyldamdyq, baǵytty,
Mindetti burylys, áıtpese qaýipti.
Barlyǵyn anyqtap turamyn jolynda
Abaı bol, shartymdy mindetti orynda.

Nusqaý belgisi:
Baratyn jerińniń baǵytyn, turaǵyn,
Ún - túnsiz jol siltep, jol nusqap turamyn
Kúndiz de, túnde de ot bolyp janady
Kók túske boıalǵan, tórtburysh shyraǵym.
- Balalar, belgiler týraly jaqsy biledi ekensińder. Osy sender qandaı transport túrlerin bilesińder?

Transport túrlerine baılanysty jumbaqtar shesheıik.
Tórt aıaǵy domalaq,
Adamsyz ol júrmeıdi.
(kólik)
Ózi tym kúshti
Aıaǵy tisti
Lezde tyndyrar
Qyrýar isti.
(traktor)
Shabysqa táýlik boıy tóze alady,
Bir tulpar, jańylmaıtyn jorǵasy bar.
Júk emes janýarǵa júz adamnyń
Doǵasyn symǵa súırep, jolǵa shyǵar.
(tramvaı)
Joq ózinde bas ta, aýyz da, qulaq ta,
Baqyraıǵan úsh kózi bar biraqta.
( baǵdarsham)

Sóıleýdi ol bilmeıdi
Biraq «toqta», «júr» deıdi.
( baǵdarsham)

Endigi kezekti kóriniske kezek bereıik.
Shýaqty ómirimiz kúndeı kúlip
Júrekte búrshik atyp, gúldeıdi úmit
Armanǵa sapar tartý múmkin emes
Jol júrý erejesin bilmeı turyp.

Qaı kóshege, qaı qalaǵa barsańyz da
Qaı aqyl ólshemine salsańyz da
Jol júrý erejesi – qatal tártip
Ol - ortaq! Úlken – kishi bárimizge.

Bárimiz birge «Kim jyldam» oıynyn oınaıyq.
Sharty: Kórsetilgen belgilerdiń atyn ataýlaryń kerek.
Maqsaty: Jol belgilerin qanshalyqty meńgergendikterin tekserý.

Ata - analaryńyz sizderdiń aman bolýlaryńyzdy, árqashan tártipti bolýlaryńyzdy qalaıdy. Sondyqtan «Árqashan kún sónbesin» ánin aıtaıyq.
Balalar, osy tárbıe saǵatynan sender jolda, kóshede qalaı júrý kerek ekendigin úırendi dep senemin. Endi kóshede, jol qıylystarynda jolda júrý erejesin qatań saqtańyzdar!
Sonymen, tárbıe saǵatymyz aıaqtaldy.