InfoHub Logo

Ekeýi de únsiz qaldy. Kempir aldyndaǵy jartylaı ortalanǵan tabaqqa, al qarama-qarsy oryndyqtaǵy tútikken, sary shash áıel kesesine qarady.

— Solaı de, endi ne istemeksiń?

— Bilmeımin. Sizden basqa baratyn jerim, kómek kúter adamym joq. Kempir basyn kóterip onyń ar jaǵyndaǵy núktege qadalǵan.

Áıel qanshama oıly, tipti eger múmkin bolsa, qaıǵyly keıipke enbek bolyp ernin jymqyrsa da, kóziniń bir sátke de tynshymaıtyn  qarashyqtary kóńildi jyltyldaıdy.

— Sen aqymaq áıelsiń. Aqymaqtyǵyń qudaıdyń aldyna barǵanda Seni aqtap shyǵady da, tozaqqa men túsemin.

— Endi qaıtemin. Qudaı ózi almaıdy, túrmege de túspeıdi. Ábden ákki qý. Óltiretin boldy. Kórgen kúnimdi ıtke de bermesin. Ne isteımin endi...

Kózderinde essiz ushqyn paıda boldy.

— Jaraıdy. Aqshań túgel me?

— Iá, mine, mine. Kempir ornynan turyp, ydys-aıaq tolǵan shkaf tartpasynan búktelgen qaǵaz alyp shyqty.

— Má, kúnáharsorly. Ystyq tamaqqa qosyp ber. Bir aptadan soń janazasyn shyǵarasyń. Jymyńdy bildirme.

— Árıne, árıne, —dedi áıel oraýdy sómkesine salyp jatyp.

— Raqmet, ájetaı, raqmet.

— Jaraıdy, bar.

Estiler-estilmes daýyspen áldenelerdi kúbirlegen kempir onyń artynan esikti jaýyp aldy da as úıge qaıta bettegen. Stoldyń ústinde jatqan aqshany alyp, sodan keıin baryp shamdy sóndirdi.

---