Kúnine úsh qurma jeýdiń densaýlyqqa paıdasy
Qurmanyń densaýlyqqa paıdasy zor. As qorytý, júrek-tamyr júıesin jáne mı jumysyn jaqsartady. Bul jaıynda medısına ǵylymdarynyń doktory jáne dıetolog Sıntıa Sass «Health» portalyna bergen suhbatynda aıta ketedi.
Mamannyń pikiri boıynsha, qurmanyń quramynda kóptegen dárýmen (kalsıı, temir, magnıı, kalıı, myrysh, marganes) jáne tabıǵı antıoksıdanttar bar. Olar qabynýǵa qarsy qasıetke ıe jáne juqpaly aýrýlarmen kúresýge kómektesedi.
Kúnine 3 qurma jegen paıdaly. Asqazan-ishek joldarynyń qalypty jumys isteýine zor sebep bolady, — deıdi Sıntıa Sass.
Kóptegen halyqtarda qurma qasıetti taǵam sanalady. Joǵaryda maman aıta ketkendeı, bul jemistiń eki-úsh danasynyń ózi aǵzaǵa óte paıdaly. Kúnine úsh qurma jep qana aǵzany qajetti mıkroelementtermen qamtamasyz etýge bolady. Dárigerler tipti tátti ári zıandy kámpıtterdi qurmamen almastyrýǵa keńes beredi.
Qurma — adamnyń asqa degen tábetin jaqsartyp, jumysqa degen qabiletin jaqsartady. Júrek aýrýy túrleriniń aldyn alady, holesterındi, qandaǵy qantty retteıdi. Sonymen qatar Alsgeımer aýrýy bar adamdar úshin paıdaly.
Qurma kózdiń kórý qabiletin jaqsartady (tipti sábizden de paıdaly). Sebebi quramynda A dárýmeniniń mólsheri kóp. Eger ózińizdi sergek ári qýatty sezingińiz kelse, qurma jep turyńyz. Bar bolǵany úsh qurma jeseńiz, bir kúnge jeterlik energıa alasyz.
Oqýǵa keńes beremiz:
San túrli derttiń shıpasy — qurma
You Might Also Like
-
Jazda aýylyna demalysqa kelgen Shoqan Saqqulaq sheshendi qonaqqa shaqyryp, birneshe kún onyń taǵylymdy áńgimelerin tyńdaıdy. Dıdarlasý kezinde jas Shoqan qonaqqa tosynnan suraqtar qoıyp:
-
Dintaný elimizde jańa ashylǵan mamandyq. Bul mamandyqtyń bilim berý baǵdarlamasy joǵary bilim berýdiń jalpyǵa mindetti memlekettik standartyna saı negizdelgen.
