InfoHub Logo

Ramazan aıynda dastarhannan úzilmeıtin azyq — qurma. Paıǵambarymyz (aleıhıssállám) qurmamen aýyz ashatyn edi. Bir hadıs shárıfinde «Oraza ustaǵan adam qurmamen aýyz ashsyn! Óıtkeni qurma bereketti» degen. Qurmanyń bereketti bolýynyń sebebin aıta keteıik. Onyń aǵashy «Nahlá» dep atalady. Bul aǵashtyń jaratylýynda jınaqylyq pen ádilettik bar. Adamnyń jaratylysy da osyndaı. Paıǵambarymyz nahlá aǵashyn «Adamzattyń apasy» (ákesiniń qyz baýyry) degen. «Apalaryń bolǵan nahláni qurmetteńder! Óıtkeni bul aǵash Adam aleıhıssalamnyń topyraǵynan artylǵanynan jaratylǵan »dedi. Osy sebepten, nahlániń jemisi qurmany jegende ol adamnyń bólshegi, tini bolady.

Qurmanyń paıdalary sanaýmen bitpeıdi. Hadıs shárıfte bylaı delinedi:

«Jańadan bosanǵan áıel qurma jese, balalary tynysh bolady. Hazreti Isa týylǵanda hazreti Márıám qurma jedi. Odan jaqsyraǵy bar bolǵanda, Allahý ta'ala sony beretin edi».

Ánás bın Malık hazretteri aıtyp bergen:

Paıǵambarymyz qaıtys bolǵannan soń Ony túsimde kórdim. Aldynda bir tabaq qurma bar. «Ia, Rasýlallah! Allahý ta'ala sizge bergen nárseden maǵan da berińizshi!» dedim. Maǵan bir qurma berdi. Sonda men «Ia, Rasýlallah, syıyńyzdy arttyryńyzshy» dedim. Osylaı toǵyz qurmaǵa deıin berdi. Sosyn Bılaldyń azanynan oıanyp kettim.

Meshitke kelip tań namazyn oqydyq. Namazdan keıin Syddyqty kórdim. Arqasyn mıhrabqa qaratyp otyr, túsimde kórgen Rasýlýllahtyń aldynda turǵan qurma tabaǵy Syddyqtyń aldynda turǵan edi. Sonda men:

— Ia, Rasýlýllahtyń halıfasy! Allahý ta'alanyń sizge bergen nıǵmetterinen maǵan da berińizshi! — dedim.

Maǵan bir qurma berdi. «Arttyryńyzshy» dep toǵyz qurma aldym. Sosyn taǵy suraǵanymda:

— Ia, Ánás! Eger túnde Rasýlýllah kóbirek bergende, men de saǵan kóbirek berer edim, — dep jaýap berdi.

Oqýǵa keńes beremiz:

San túrli derttiń shıpasy — qurma

Oraza ómirdi uzartady

Oraza tutyp densaýlyqqa qaýyshyńyz

Japon ǵalymy Orazanyń paıdasyn dáleldegeni úshin Nobel syılyǵyn aldy

Múbárák Ramazan aıy óte qasıetti, mártebeli

Orazaǵa qatysty paıdaly málimetter

Jaramazan

---