InfoHub Logo

Jazda aýylyna demalysqa kelgen Shoqan Saqqulaq sheshendi qonaqqa shaqyryp, birneshe kún onyń taǵylymdy áńgimelerin tyńdaıdy. Dıdarlasý kezinde jas Shoqan qonaqqa tosynnan suraqtar qoıyp:

— Aqsaqal, bireý joldan adassa, kimnen aqyl suraıdy? — deıdi.

— Shyraǵym, kóneden suraıdy.

— Kóne adassa kimnen suraıdy?

— Kóne adassa kórgendiden suraıdy.

— Kórgendi adassa, kimnen suraıdy?

— Kórgendi adassa, kópten suraıdy.

— Kóp adassa, kimnen suraıdy?

— Kóp adassa, kóp oqyǵannan suraıdy.

— Kóp oqyǵan adassa, kimnen suraıdy?

— Kóp oqyǵan nege adassyn! Álginde ǵana Satybaldynyń Jamanqulyna kúdiktenip, onyń Úmbetaly jyraý týraly dastanyn óziń de mennen surap anyqtap alǵan joqpysyń? — deıdi sheshen. Sodan soń:

— Asyly, aqyl — adamdy azdyrmaıtyn em.

Bilim — taýsylmaıtyn ken.

Adamnyń basshysy — aqyl.

Jetekshisi — talap.

Sholǵynshysy — oı.

Joldasy — kesip.

Qorǵany — sabyr.

Qorǵaýshysy — minez.

Bilip týǵan bala ekensiń,

Týmysyńnan dana ekensiń, — deıdi Shoqanǵa rıza bolǵan sheshen.

---