InfoHub Logo

Kishkentaı kezimnen sýynan nár alyp, tabıǵatynan qýat alyp, darynymnyń bastaýyna jol ashqan - aýylym! Qanshama alyp, dara tulǵalar aýyldan túlep ushqan. Bıik shyńǵa jeteleıtin sara joldyń biri aýyldan bastalady ma dep oılaımyn. Sebebi, týǵan jerdiń tabıǵatynan, aqqan móldir bulaǵynan, tipti ushqan qusynan shabyt alatyn asqan jerdi kórmedim-aý, sirá?

Tarıhqa úńilsek… Aýyl ataýyn aqsaqaldardyń aıtýy boıynsha, jan-jaǵyn tórt taý qorshap, kúrmelip turǵandyqtan “Kúrmeti” dep atap ketken desedi. Bizdiń aýyl Kúngeı Alataý jotasynyń shyǵys bóliginde ornalasqan, ol Qyrǵyzstannyń shekarasymen shektesedi. Bıiktigi 3552 m. Aýylymnyń tabıǵatyn sózben aıtyp jetkizý múmkin emes. Shyǵys betkeıinde Kólsaı kóli, batysynda Taldy, Órikti, Qudyrǵy, Besmoınaq t.b kórikti mekender bar. Qasqatórdiń baýraıynda demalýshylar jıi baratyn Tasbaz, Jamansary, Qyzemshek,Botaly, Eki asha taýlary ornalasqan.

Bolashaqtaǵy paryzdarymnyń biri-aýylymdy kórkeıtip, óz úlesimdi qosý dep bilemin. Sebebi, Kúrmeti-týǵan jerim, rýhanıatymnyń jan azyǵy, darynymnyń bastaýy men ulttyq qundylyqtarymyzdyń altyn besigi. Osyndaı mekende óskenime árqashan maqtanamyn!

 Ál-Farabı atyndaǵy Qazaq ulttyq ýnıversıtetiniń "Qazaq tili men ádebıeti" mamandyǵynyń 1-kýrs stýdenti Ilásova Aıym, Qazaqstan tarıhy kafedrasynyń dosenti Djoldybaeva Ý.M

---