InfoHub Logo

Jat jerde qansha turaqtasań da, ózińniń týyp ósken jerine eshbir jer jetpeıdi ǵoı, shirkin! Kindik qanyń tamǵan jerdiń árbir aýasy, shóbi de, samal jeli de, taýlary men jemis berer aǵashy, bári-bári janyńa ystyq lep berip turady.

Meniń týyp-ósken jerim - Shymkent qalasy. Qazirgi tańda, Shymqalamyz úshinshi megapolıs bolyp sanalyp, kúnnen kúnge jaıqalyp, qulpyryp kele jatyr. Halqy qonaqjaı, kelgen kisini jaıdary júzben qarsy alady. Qalanyń ásemdigin men qatar, bul jerde qazaqılyqtyń ıisi anqyp turady. Oǵan dálel, qaladaǵy oıyn-saýyq oryndary men mýzeı jáne taǵy kórneki oryndar. Qalamyzdyń aýasy keń, sýy móldir, topyraǵy qunarly. Sebebi, Shymkentte túrli gúldiń túrleri men jemister, kókenister ósedi. Ol elimizdiń ár óńirine jedeltilip jatady. Halqymyz syrttan adam kelse, asynan dám aýyz tıgizip, qalanyń ásemdigin tamashalatady. Bul qalada elimizdiń iri qaıratkerleri, aqyn-jazýshylary týyp-ósken. Shymkent-qutty meken. Qalanyń syrtynda keseneler men túrli kıeli oryndar boı kóterip tur. Qalaǵa qonaq bolyp kelgender, mindetti túrde osy kıeli oryndarǵa jol týralaǵany durys dep sanaımyn.

Qalamyz zamanaýılyqtan da kem túspes. Shymkentti jastar qaýymy, tek jastar ǵana emes dámdi samsasy men erekshe káýabymen tanıdy. Qalada jastarǵa arnalǵan oıyn-saýyq keshenderi de az emes.

Osyndaı shaharda týylyp, boı jetip óskenime men qýanamyn.

Shymkentimniń maqtan tutar tustary qanshama. Kelgen adamdy ózińe baýrap alatyn-bul qala Qazaqstannyń «úshinshi qala»ataǵyn alýy da sebepsiz emes. Jat jerde bilim alyp júrip, týǵan jerge degen saǵynysh, meni sonda jeteleıdi. »Týǵan jerdeı jer bolmas, týǵan eldeı el bolmas»dep beker aıtpaǵan ǵoı. Árbir adamnyń týǵan eli ózine ystyq uıa.

Búginde qalamyz kúnnen kúnge boı kóterip, qulpyryp kele jatyr. Bilim jaǵynan da, mádenıet jaǵynan da ólkemizdiń oıyp alardaı orny bar. Osy úshinde men Shyraıly Shymkentimdi maqtan etemin!

Oryndaǵan: Ál-Farabı atyndaǵy Qazaq Ulttyq ýnıversıtetiniń 1 kýrs stýdenti Bostan Darıǵa

Jetekshisi: Qazaqstan tarıh kafedrasynyń dosenti Djoldybaeva Ý. M. 

---