InfoHub Logo

«EL BOLǴYŃ KELSE, BESİGİŃDİ TÚZE» sanaly urpaq tárbılep buzylmastaı qamal turǵyz. Eli dep júregi jalyndaǵan jasóspirimderimiz kóp bolǵaı... Eldiń irgetasy berik bolý úshin eń aldymen bir tý astyna jınalyp, ózara yntymaqtyǵymyz senimdi túrde nyq bolýy kerek. Sonda ǵana  «EL TÁÝELSİZDİGİ TUǴYRLY BOLMAQ» bul barshamyz úshin qaıyrly is bolady.

Táýelsizdik, turaqtylyq, beıbit zaman demekshi, osyndaı baqytqa jetý úshin qanshama qazaq baýyrlarymyz janyn qurban etti. Táýelsizdikke jetý qanshalyqty qıyn bolǵanymen, qazirde sol táýelsizdikti saqtap qalý tipten qıyn ekenine kúnnen-kúnge barshamyz kóz jetkizýdemiz. Tereńine boılaı túsindirer bolsam, ádette bizder táýelsiz elde turamyz, beıbitshilik zamanynda ómir súrýdemiz dep aýyzben aıtatyn edik... Biraq júrekpen sezinbeıtinbiz. El basyna kún týǵanda elimizdiń, jerimizdiń qanshalyqty bizder úshin qymbat ekenin júregimizben sezingendeımiz. Meniń neni meńzegenimdi túsingen bolarsyń Oqyrman.

Ótkenge zer salar bolsaq, sonaý ótken ǵasyrlarǵa emes keshegi ótken bulyńǵyr kúnge oralaıyq. Halyqtyń ishindegi muń-muqtajy, eldegi oryn alǵan qymbatshylyq. Ashynǵan halyqtyń beıbit sherýge attanaýy, bári osydan bastaý aldy. Halyqtyń jaǵdaıy jaqsaryp, barlyǵy ońynan sheshilgen bolatyn. Áıtse de, el arasyna iritki salǵandar jaıbaraqat júrgenimen, qannen qapersiz jatqan qarapaıym halyq japa shekti. Elimizge tutqıyldan túrli baǵyttaǵy dinı aǵymnyń ókilderi shabýyl jasady. Bul elimiz úshin kútpegen keleńsizdik jaǵdaı boldy. Zerteý nátıjeleri kóz qýantarlyqtaı bolyp turǵan joq, ıaǵnı bul terrorıster elimizdi jan-jaqty zerttep, osaý tusymyzdy tabý úshin birneshe jyldyń júzin sarp etken. Árıne, elimiz úshin de qarapaıym halyq úshin de óte aýyr boldy. Sebebi  qala turǵyndaryn aıaýsyz óltirip, memlekettik qyzmetkerlerge oq jaýdyryp, tipten alǵanda  denesimen basyn bólek kesken, árbir óńirdegi qalalar qyzyl qanǵa boıaldy. Sondaı-aq qıraǵan qala, tonalǵan saýda úıleri qaraýsyz qalǵan úıler, túri sýyq adamdar beınesi bári-bári halyqtyń j úregine qaıaý túsirgeni anyq. Bul jaıly oılasam kózime eriksiz jas keledi... Menińshe, bulardyń bar kózdegeni elimizdiń táýelsizdiginen, tynyshtyǵynan, eń basty maqsaty qazaqqa tán qundylyǵymyzdan aıyrýdy kózdegen. Bundaı el ishine ozbyrlyq kórsetken qandy qylmyskerlerdi aıaýsyz azaptaý kerek. Óıtkeni jazyqsyzdan-jazyqsyz qanshama azamattar qaza tapty. Bylaı aıtqanda «Qanǵa qan, janǵa jan»olarda azapty óltirgenin qalaı ekenin sezinýi kerek. Taǵy bir aıtatyn jaıt, halyqqyn satqan azamattar da óz jazalaryn alýy tıis. Qıyn kezeńde kemesin  tastaǵan kapıtandardy da kózimiz kórdi. Kimniń-kim ekenin el basyna kún týǵanda bildik. Ózekti órtegen ókinishtiń biri sol. . . .

Jańa zamannyń jańa qaharmandary. Elin, jerin qorǵaýda aıanbaı eńbek etip óz janyn qurban etken barsha azamattardyń ata-anasyna, baýyrlaryna, jarlaryna qaıǵyra kóńil aıtamyz... El basyna qaýip-qater tóngen shaqta qurban bolǵan bozdaqtardyń el esinde máńgi saqtalary aıdan anyq. ELİN SÚIGEN ERLER...

Jumyla kótergen júk jeńil degendeı bizder bul qıyndyqtan da basymyzdy tik kóterip aldyǵa qaraı nyq qadam jasadyq. Bul jolda memleketimizdiń Prezıdenti Qasym Jomart Kemeluly Toqaevtyń eńbegi óte zor... Sebebi halyqtyń, elimizdiń  múddesin barynsha qorǵap, árbir saladaǵy qyzmetkerlerge tapsyrmalar júktep, bárin qalpyna keltirýde. Osy oraıda atsalysqan barlyq qyzmetkerlerge, otandastarǵa alǵysym sheksiz! Endi elimizdi jańa qadamdar, jańa reformalar kútýde. Osy oraıda damyǵan elderdiń qataryna qosylarymyzǵa men senemin.

Jylymyzdyń basy ashshy bastalǵanymen, árbir jylymyz «Qoı ústine, boztorǵaı jumyrtqalaǵan»jyl bolǵaı. Táýelsizdigimiz tuǵyrly, kók týymyz máńgi kókte qalyqtap jelbirep turǵaı. Aspanymyz ashyq, kúnimiz nurly, jerimiz shuraıly, halyqymyz keńpeıildi bolsyn. Qyzdarymyz qylyqty, erlerimiz namysty bolǵaı. Barlyǵymyz bir tý astyna jınalyp, táýelsiz elde  baqytty ómir súreıik. Elimizdi shynaıy patrıot jandar basqarsyn, bul meniń ǵana emes búkil halyqtyń armany hám múddesi. Kúshimiz birlikte. . . . . .

---