InfoHub Logo

ál-Farabı atyndaǵy Qazaq Ulttyq ýnıversıteti Nurataı Aıgýl

Zań ǵylymdarynyń doktory, profesor, qoǵam qaıratkeri jáne qazaq tarıhy ǵylyma úles qosqan Salyq Zımanuly Zımanovtyń týǵanyna bıyl 100 jyl.

Zań salasynda ǵana emes tól tarıhtyń irgetasyn kótere bilgen Salyq Zımanov qazirgi Atyraý (Gýrev) qalasynda 1921 jyly dúnıege kelgen. Jas bolsa da Otan úshin degen uranmen Uly Otan soǵysy jyldarynda maıdan shebine attanady. Soǵys jyldary mınomet polkinde qyzmet etken, soǵystan polkovnık shenin alyp shyǵady. 1948 jylǵa qaraı ol Búkilodaqtyq Zań ınstıtýtyn támámdaı otyryp, oblystyq tergeýshi jáne aǵa tergeýshi qyzmetterinde bolady. Ǵylym jolyndaǵy belsendigin Qazaqstan Ǵylym Akademıasynda aspırant retinde jalǵastyrady. Qazaq zań ǵylymynyń «atasy» bolyp esepteletin Salyq Zımanuly ál-Farabı atyndaǵy Qazaq Ulttyq Ýnıversıtetiniń dekany qyzmetinde bolady. 1958 jyly «Obshestvennyı stroı kazahov pervoı polovıny HİH veka» atty alǵashqy eńbegin jazyp shyǵarady.

Salyq Zımanovtyń negizgi ǵylymı baǵyty zań ǵylymynyń teorıasyn, memlekettiń paıda bolýy, damýy qamtyǵan. Eńbek jolynda tynbaı qyzmette bolǵan Salyq Zımanuly Qazaqstan Respýblıkasynyń Konstıtýsıasyn jazýda óte úlken úlesi bar. Qazaq zańgerler mektebiniń negizin salýshy ári jetekshisi boldy. Onyń ǵylymı qyzmetiniń erekshe eńbegi - «Qazaqtyń ata zańdary» atty kitaptar jınaǵy edi. Jan-jaqty daryndylyqty kórsete bilgen akademık, profesordyń qalamynan shyqqan kitaptardy tek qana zańgerler ǵana emes, mádenıettanýshylar, tarıhshylar, fılosoftar óz jumystarynda áli kúnge deıin qoldanady.

Salyq Zımanuly Zımanovtyń bıylǵy mereıtoıy Qazaqstan Respýblıkasynyń Táýelsizdiginiń aıtýly datasymen tuspa tus kelip otyr. Óz kezeginde memleketimizdiń quqyqtyq-normatıvtik bazasynyń qalyptasýyna yqpal etkendigin atamaýǵa bolmaıdy.

---