InfoHub Logo

Sabaqtyń taqyryby: Kúı tartýdaǵy oqýshynyń alǵashqy qadamy

Sabaqtyń maqsaty:
Bilimdiligi: Oqýshyǵa kúı týraly túsinik berý. Mýzykalyq qabiletin arttyrý.
Damytýshylyǵy: Oqýshynyń mýzykalyq bilimin, este saqtaý, oılaý qabiletin damytý.
Tárbıeliligi: Mýzykany túsinýge baýlý, ulttyq ónerdi qasterleýge, qurmetteýge tárbıeleý.
Sabaqtyń kórnekiligi: Taqyrypqa saı plakat.

Sabaqtyń barysy:
İ. Uıymdastyrý kezeńi: Oqýshynyń sabaqqa ázirligin tekserý, nazaryn sabaqqa aýdarý.
İİ. Úı tapsyrmasyn tekserý: «Ten - ten» V. Kalınnıkov.
«Erkem - aı» halyq áni.
«Alma aǵashtyń aıasynda»T. Kamaldınov

İİİ. Sergitý sáti: (trenıń - jattyǵý)
Osy óleń joldaryn aıtyp túrli dene jattyǵýlaryn jasaımyz.
Qanat qaǵyp jalma - jan,
Talpynǵandaı ushýǵa.
Iilip kelip qol sozam,
Aıaǵymnyń ushyna.
Baıan bolyp tartylyp,
Barabansha soǵamyz.
Dombyramen án aıtyp,
Qamajaıǵa bıleımiz.

İV. Jańa sabaq: «Kúı tartýdaǵy oqýshynyń alǵashqy qadamy».

Kúı - dombyrada jáne basqa da halyq aspaptarynda oryndalatyn mýzykalyq shyǵarma. Kúı óziniń qurylymdyq ózgesheligine baılanys - ty bas, negizgi, orta býyndar men kishi jáne úlken saǵa dep atalatyn birneshe bólimderden turady. Osyǵan oraı dombyra moıny da sondaı bólshekterge bólinedi.
Kúıler - taqyryby men mazmunyna qaraı ańyz kúıler, tarıhı kúıler, lırıkalyq kúıler, halyq kúıleri bolyp jikteledi. Búgin biz halyq kúıi «Keńesti» úırenemiz. Halyq kúıleri urpaqtan - urpaqqa jetkenimen, shyǵarǵan kisilerdiń aty - jóni umyt bolýynan halyq kúıi dep atalǵan.
Kúıdi oryndap kórsetý.

«Keńes» kúıi S - dur tonaldiliginde jazylǵan. Ólshemi 2/4. Kúı bas, negizgi, ortańǵy, býyndar men kishi saǵada oryndalady.
Damytý:«Keńes» kúıin nota boıynsha taldaý. Taktmen jumys jasaý.
Bekitý:
- Kúı degenimiz ne?
- «Keńes» kúıiniń avtory kim?
- Halyq kúıi degenimiz ne?

Qorytyndylaý: Mine búgin biz dombyrada kúı tartyp úırendik. Dombyra tartý óneri atadan balaǵa ǵasyrlar boıy rýhanı dástúr bolyp kele jatqan mýzykalyq muramyz. Sondyqtan ónerdi, mýzykany qasterleı bilýimiz kerek.
Úıge tapsyrma: «Keńes» kúıin saǵaǵa deıin nota boıynsha júrgizip
oınaý.
Baǵalaý.