InfoHub Logo

Serýenniń taqyryby: «Kúzgi aǵashtardy baqylaý»
Maqsaty: kúzgi tabıǵat qubylystarymen tanystyra otyryp, kúzgi aǵashtarǵa nazarlaryna aýdarý. Kúzgi aǵashtardyń ereksheligimen tanystyrý. Tabıǵatqa degen súıispenshilikterin arttyrý. Kúzgi tabıǵattyń sulýlyǵy men ásemdigin kóre bilýge tárbıeleý.
Qural jabdyqtar: oıynǵa qajetti atrıbýttar, eńbekke qajetti qural - jabdyqtar

Barysy:
İ. Uıymdastyrý bólimi
Kúz
Altyn kúz birde shýaq, birde salqyn
Jer men kók jaltyraǵan sap – sary altyn
Aǵashta japyraqtar syldyrlaıdy
Tógilgen altyn teńge sansyz jatqan
Sary altyn batsaıydaı dala bıdaı
Úıilgen maıa – maıa qyzyl bıdaı
Qyrmanda qyzyl altyn, qyzyl marjan
Jınaıdy jaratylys bergen syıdaı

- balalar biz serýenge qaıda shyqtyq?
- Qazir jyldyń qaı mezgili eken?
- Kúz mezgilinde qansha aı bar?
- Búgin aýa raıy qandaı eken?

İİ. Negizgi bólim:
1. Kúzgi aǵashtardy baqylaý
Durys aıtasyńdar! Búgin balalar biz serýende kúzgi aǵashtardy baqylaımyz. Balalar qarańdarshy kúzgi aǵashtar qandaı túske boıalǵan?
- sary túske boıalǵan.
- Jaraısyńdar! Al olar nege sary túske boıalǵan dep oılaısyńdar?
- Sebebi qazir kúz mezgili. Sondyqtan japyraqtar sarǵaıǵan.
(balalar aǵashtardyń janyna baryp, olardy baqylaıdy, japyraqtaryna, dińine nazar aýdarady)
Durys aıtasyńdar qarańdarshy aǵashtardyń bári sap - sary altyn túske boıalyp, jerge sary kilem tóselipti. Kúzgi tabıǵat qandaı ásem, sulý, tamasha edi. Osyndaı ásem tabıǵatty biz aıalap kútip, qamqorlyq kórsetýimiz kerek.
- al balalar sender aǵashtardy qarap baqyladyńdar. Aıtyńdarshy aǵashtardyń japyraǵy tek sary túske bólengen be?
- Joq
- Taǵy qandaı tústi japyraqtardy kezdestińder?
- Jasyl, sarǵylt, altyn tústes japyraqtardy.
- Jaraısyńdar balalar! Endi osy aǵashtardyń jerge túsken sary japyraqtaryn tergileriń keledi me?
- Ia
- Endeshe qazir bárimiz kúzgi sary japyraqtardy tereıik. Top kirgen soń ol japyraqtardan balapan jasaımyz. Japyraqtardy tergende sap – sary tústisin, ádemisin teremiz. Jaraı ma balalar?
- Jaraıdy.
Balalar kúzgi sary japyraqtardy terýge kirisedi.

2. Tabıǵattaǵy eńbek
- Balalar sender japyraqtaryńdy terip boldyńdar ma?
- ózderińe qajetti japyraqtardy terdińder me?
- Endeshe balalar biz qazir myna kúzgi aǵashtardan túsken qalǵan japyraqtardy jınap tazalap tastaıyq. Bizdiń aýla tazalaýshy táteıge bergen kómegimiz bolsyn. Aǵashtarda bizge rahmetin aıtsyn. Kelisesińder me?
- Kelisemiz.
- Endeshe men qazir qural japyraqtardy taratyp beremin.
Endeshe balalar qazir qyz balalar myna sypyrǵyshtarmen myna japyraqtardy tazalap, bir jerge jınasy, al ul balalar sol jınalǵan japyraqtardy arbamen tasyp áketsin.
(balalar tárbıeshiniń nusqaýy boıynsha jerdi japyraqtardan tazarta bastaıdy. ár bala ózine berilgen ispen shuǵyldanady)
- jaraısyńdar balalar! Sender búgin úlken is atqardyńdar. Senderge myna kúzgi aǵashtar, aýla tazalaýshy apaı úlken rahmetin bildiredi.

3. Qımyldy oıyn: «Qoıanǵa sábiz ber»
Eki qoıan oryndyqta otyrady. 3m qashyqtyqta turǵan eki balanyń kózin oramalmen baılap, qoldaryna sábiz ustatady. Balalar sábizdi qoıannyń aýzyna aparyp salý kerek. Kózi baılanǵan balalar qoıannyń aýzyn taba almaı kúlkili jaǵdaıǵa ushyraıdy. Oıyn qyzyqty ótedi.

İİİ. Qorytyndy bólim:
Jaraısyńdar balalar!
- sonymen balalar búgin serýende neni baqyladyq?
- Aǵashtar qandaı túske boıalypty?
- Serýende taǵy nemen aınalystyq?
- Jaraısyńdar. Búgin barlyǵyń serýende ózderińdi tártipti ustap, jaqsy eńbek ettińder.