InfoHub Logo

Eljandylyq tárbıesiniń qazirgi qoǵam jaǵdaıyndaǵy baǵyttary

Eljandy bolý – elimizdiń azamatynyń asa mańyzdy adamgershilik qasıeti. Eljandylyqtyń máni otanǵa degen tereń jáne sanaly súıispenshilik, oǵan berilgendik, onyń tabystary men jetistikterin maqtan etý, ony burynǵydan da kórikti, qudiretti etýge umtylý. Otanǵa degen súıispenshilik adamdardy eńbek jáne jaýyngerlik erlikterge shabyttandyrady, olardyń ómirine qoǵamdyq mańyz beredi jáne rýhanı baıytady.

Ulttyq patrıotızm men eljandylyq týraly bizdiń kórnekti jazýshylarymyz ben ǵulamalarymyz ózderiniń kórnekti oı – pikirlerin qaldyryp otyrǵan. Osy rette aty ańyzǵa aınalǵan B. Momyshuly: «patrıotızm – Otanǵa degen súıispenshilik. Jeke adamnyń aman - saýlyǵy, qoǵamdyq, memlekettik táýeldi ekendi seziný, memleketti nyǵaıtý degenimiz - jeke adamdy kúsheıtý ekenin moıyndaý; qysqasy aıtqanda, patrıotızm degenimiz – memleket degen uǵym, ony jeke adam barlyq jaǵynan ótkeni men búgingi kúnimen jáne bolashaǵymen qarym - qatynasyn biriktiredi», - dep tereń jáne jan - jaqty anyqtama bergen. B. Momushulynyń anyqtamasy boıynsha ulttyq eljandylyq mynalardan turady.

- óz halqyna súıispenshilik;
- óz halqymen qan jaǵynan baılanysyn seziný;
- turyp jatqan terıtorıasy, ana tili, turmys – tirshiligi, tarıhı dástúri, psıhologıalyq erekshelikterin saqtap, damytýǵa, ony óz urpaqtaryna ótkizip berýge beıimdilik.
Osydan bastap eljandylyqqa tárbıeleýdi otbasynan bastaý problemasy kelip shyǵady. Jazýshy Á. Nurshaıyqov: «bala kúnnen batyrlar týraly ertegiler, ańyzdar tyńdap, erlikti madaqtaıtyn taqpaqtar jattap, epostyq shyǵarmalardy etene qabyldamaǵan adamdardyń boıynda bes kisiniń kúshi bolsa da patrıot bola almaıdy», - dep eljandylyq tárbıesin berýdegi otbasynyń mańyzyna toqtalyp ótken. «Tárbıeniń kúshimen shyndalǵan patrıotızm, qynaptan sýyrǵan qylyshtaı jarq etip, Otandy basqynshy jaýdan qorǵaý saǵatynda óz qýatyn kórsetedi», - deıdi jazýshy