InfoHub Logo

Bilim berý salasy: Tanym
Bólimi: Qarapaıym matematıkalyq túsinikterdi qalyptastyrý
Taqyryby: Kúzgi orman
Maqsaty: Balalardy sanaýǵa jattyqtyrý, geometrıalyq pishinder jaıly bilim deńgeıin anyqtaý. Ǵajaıyp saıahat arqyly balalar qıalyn shyńdaý. Qısyndy esepter shyǵara otyryp, balanyń logıkalyq oılaý qabiletin damytý, tapqyrlyǵyn arttyrý. Balalardy ádeptilikke, qamqorlyqqa tárbıeleý.
Ádis – tásilder: Saıahat, áńgimeleý, suraq – jaýap, oıyndar
Kórnekiligi: Geometrıalyq pishinder, orman kórinisi, úıshikter, lentalar, ertegi keıipkerleri, úntaspa.

Shattyq sheńberi: Biz kishkentaı balamyz,
Ósip - ónip tolamyz.
Kúnge qaraı talpynyp,
Kúnge qanat qaǵamyz.
Álemdegi barlyq adamǵa,
Tek jaqsylyq tileımiz.
- Balalar, sender serýendegendi unatasyńdar ma?
- Iá, unatamyz.
- Onda búgin biz ormanǵa saıahatqa shyǵamyz. Men senderge jyl mezgiliniń ereksheligin sıpattaıyn, sender qaı jyl mezgili ekenin tabasyńdar.
Bulttar tónip,
Jerge tógip,
Dymqyl tuman basady.
Shóp sarǵaıyp,
Óńi taıyp,
Dala sury qashady.
Oınaı almaı....
Deneń muzdap tońady.
Aıtyńdarshy bóbekterim,
Bul qaı kezde bolady?
- Kúzde bolady
- Kúz mezgiliniń aılaryn atańdarshy
- Qyrkúıek, qazan, qarasha.
Osy kezde ishke Qyzyl telpek kiredi (mýzykamen)
Qyzyl telpek: Sálemetsińder me, balalar?
Tárbıeshi: Balalar, bul kim? Qaı erteginiń keıipkeri?
Balalar: Qyzyl telpek
Qyzyl telpek: Durys aıtasyńdar, men Qyzyl telpekpin. Sizder qaıda bara jatyrsyzdar?
Tárbıeshi: Biz ormanǵa saıahatqa shyqqaly jatyrmyz.
Qyzyl telpek: Mine, keremet, maǵan serik bolatyn boldyńyzdar. Anashym súıikti ájeme bálish aparyp ber degen. Ormanda qasqyr bar deıdi, al men qasqyrdan qorqamyn.
Tárbıeshi: Balalar, endeshe biz Qyzyl telpekti ájesiniń úıine jetkizip salaıyq.
Qyzyl telpek: Alaqaı, qandaı jaqsy boldy! Ájem de qýanyp qalatyn boldy.
Tárbıeshi: Endeshe jolǵa shyǵaıyq. Ormanda aldymyzdan talaı - talaı qyzyqtar kezdeser. Balalar, qarańdarshy, munda qoıan júr. Ózi sondaı kóńilsiz.. Qoıan saǵan ne boldy?
Qoıan: Bizdi túlki úıimizden qýyp shyqty, endi turatyn jerimiz joq.
Tárbıeshi: Endi ne isteımiz, balalar?
Balalar: Qoıandarǵa úı salyp berýimiz kerek.
Tárbıeshi: Qoıan muńaıma, saǵan balalar kómektesedi. Qane balalar, qandaı pishindermen úıdi turǵyzýǵa bolady?
Balalar: Tórtburyshty alamyz
Tárbıeshi: Al tóbesin qandaı pishinmen?
Balalar: Úshburysh
Tárbıeshi: Terezesin qandaı pishinmen jasaýǵa bolady?
Balalar: Dóńgelek, tórtburysh
Tárbıeshi: Qandaı ádemi úı paıda boldy. Kele ǵoı qoıan úıińe kir.
Qoıan: Rahmet, balalar. Sender bizge kóp kómek kórsettińder.
Tárbıeshi: Qoıan, Qyzyl telpektiń ájesiniń úıin kórsetesin be?
Qoıan: Ol ormannyń shetinde.
Tárbıeshi: Balalar, qoıan qaıda mekendeıdi? Nemen qorektenedi?
Balalar: Qoıan ormanda mekendeıdi, olar shóppen, sábizben qorektenedi.
Sergitý sáti: «Sur qoıan»
Qasqyrdyń izin kóredi.
Qasqyr: Qyzyl telpek sulý qyz! Qaıda barasyń?
Qyzyl telpek: Ájeme baramyn.
Qasqyr: Men seni jibermeımin, áýeli meniń tapsyrmamdy orynda.
Qyzyl telpek: Balalar, maǵan kómektesesińder me?
Balalar: Iá, kómektesemiz
Qasqyr: Qarańdar, lentanyń uzyndyǵy ár túrli. Qaı lenta uzyn, qaısysy qysqa?
Balalar: Qyzyl lenta uzyn, jasyl lenta qysqa.
Qasqyr: Durys, jaraısyńdar. Sanamaq bilesińder me?

Sanamaq aıtý. Bir degenim – besik,
Shyqtym odan ósip.
Eki degenim – elim,
Dalam, taýym, kógim.
Úsh degenim – úmit,
Úmit artar jigit.
Tórt degenim – tózim,
Tóze bilem ózim.
Bes degenim – baqyt,
Baǵalaıtyn ýakyt.

Qasqyr: Jaraısyńdar, balalar, joldaryń bolsyn!
Tárbıeshi: Saıahatty odan ári jalǵastyraıyq.
Balalar izben júrip apanǵa kezigedi.
Tárbıeshi: Bireý jylap otyr, kim eken?
Balalar: Bul qorbańbaı aıý ǵoı
Tárbıeshi: Ne boldy saǵan qorbańbaı aıý?
Aıý: Men dostarym turǵan úıshikti syndyryp aldym, endi jańa úıshik sala almaı otyrmyn.
Tárbıeshi: Balalar aıýǵa kómekteseıik, ol úshin myna berilgen esepterdi shyǵarýymyz kerek.

1 + 2 = 3
1 + 1 = 2
3 – 2 = 1
Aıý: Jaraısyńdar, balalar! Rahmet senderge.
Dıdaktıkalyq oıyn: «Soqyr teke»
Maqsaty: balalarǵa pishinderdi qolymen sıpap, sezý arqyly anyqtaý.
Soqyr teke baq – baq,
Biz aıtamyz taqpaq.
Myqty bolsań, qanekeı,
Pishinderdi tap – tap.
Mine, balalar, ájeıdiń úıine kelip qalyppyz. Ájeı shyǵady.
Ájeı: Sálemetsińder me, balalar? Qalaısyń, Qyzyl telpegim? Senderdi kórgenime qýanyshtymyn. Meniń nemeremdi jetkizip salǵandaryńa rahmet.
Tárbıeshi: Balalar, balabaqshamyzǵa qaıtaıyq. Senderge saıahat unady ma? Ne kórdińder?
Qandaı janýarlarǵa kómektestik?
Balalardyń jaýaptary.
Tárbıeshi: Sender óte tamasha balalarsyńdar, sondyqtan men senderge ezýlerińnen kúlki ketpesin dep kúlki qýanyshyn syılaımyn.