InfoHub Logo

Bilim berý salasy: «Shyǵarmashylyq», «Qatynas», «Tanym», «Áleýmettik orta»
Bólimi: Beıneleý, til damytý, matematıka, qorshaǵan ortamen tanystyrý.
Taqyryby: «Ormanǵa saıahat»
Maqsaty: Balalarǵa qys mezgiliniń ereksheligin túsindirý
Ormandaǵy ańdarǵa, qustarǵa qamqorlyq jasaı bilýge tárbıeleý.
Balalardyń sózdik qoryn jáne saýsaq matorıkasyn damytý.
Sabaqqa, oıynǵa degen qyzyǵýshylyǵyn arttyrý.
Kórnekilik: Orman kórinisi, úntaspa, qustar, shana, qar, qoıan.
Ádis – tásilder: Suraq – jaýap, áńgimeleý.

Sabaq barysy:
Balalar, kelgen qonaqtarmen sálemdesip alaıyq.
Biz qandaımyz, qandaımyz,
Shuǵylaly tańdaımyz,
Kúlimdegen kúndeımiz,
Renjýdi bilmeımiz.
Qýanamyn mende,
Qýanasyń sende,
Qýanaıyq dostarym,
Araılap atqan kúnge!

Balalar men senderge óleń joldaryn oqımyn. Sender qaı jyl mezgili týraly aıtylǵanyn aıtasyńdar.
Aıaz qysyp,
Órnek syzyp,
Terezeni torlady.
Qar ombyǵyp,
Bet dombyǵyp,
Baldyrǵandar oınady.
Keıde ulyp, keıde julyp,
Uıytqyp boran soǵady.
Aıtyńdarshy búldirshinder,
Bul qaı kezde bolady?
- Qys mezgili.
- Qys mezgilinde neshe aı bar?
- Úsh aı, jeltoqsan, qańtar, aqpan.
- Qysta qandaı ózgerister bolady?
- Qar jaýady, kún sýyq bolady, aıaz bolady.
- Jaraısyńdar.
Balalar, bizdiń búgingi sabaǵymyzdyń taqyryby «Ormanǵa saıahat»
- Ormanda neler tirshilik etedi?
- Qoıan, túlki, qasqyr...
Durys, endi ormannyń sýretin salmas buryn ormanǵa saıahatqa baryp, qys ereksheligin tamashalap qaıtaıyq.
- Saıahatqa shyǵýǵa daıynbyz ba?
- Iá
Olaı bolsa shanaǵa otyraıyq.
- Balalar, qar ústinde júrgende qandaı dybys estiledi?
- Qyrt – qyrt
- Aýa – raıy qandaı?
- Sýyq, boran, aıaz
- Bizge alystan bir dybystar estilip tur, ol neniń dybysy?
- Qustardyń
- Mine, ormanǵa da keldik.
Ormannan Qar hanshaıymy shyǵady da:
- Kim orman tynyshtyǵyn buzǵan?
Balalar tańyrqaı Qar hanshaıymyna qaraıdy.
Tárbıeshi: Sálemetsiz be, Qar hanshaıymy!
Biz ormannyń tynys – tirshiligin tamashalaýǵa kelip edik.
(Balalar amandasady)
Qar hanshaıymy: Sálemetsizder me, balalar! Meniń mezgilimde ormanǵa kelip qalǵan ekensińder, qys týraly ne bilesińder?

Nurbek: Lebi muzdaı yzǵarly,
Alyp keldi qys qardy.
Qysqa túnder uzardy,
Uzaq túnder qysqardy.
Aıaz súıip qarsy alǵan,
Jerdiń appaq tulǵasy.
Qystyń aıy – Qańtardan
Bastalady jyl basy.

Farıza: Appaq – appaq japalaqtap,
Qar jaýady tynbastan.
Qalyń orman qar jamylǵan,
Maýjyraıdy túngi aspan.
Mıras: Bir top bala syrǵanap,
Barady, áne jarysyp
Qaldy artynda qyr, alap,
İzderinen qar ushyp
Qyraý qatyp jaǵaǵa,
Aıaz betten óbedi.
Biri minip shanaǵa,
Biri shańǵy tebedi.
Sátte qarap turmaısyń,
Kóńildi edi qys qandaı!
Shańǵymenen zyrlaısyń,
Qanat bitip ushqandaı.

- Aǵash basyna nazar aýdaryńdarshy, neler otyr?
- Qustar
- Qandaı qustar qystap qalady?
- Qarǵa, sýyq torǵaılar, toqyldaq
- Qustarǵa baılanysty sergitý sátin bilemiz be?

Sergitý sáti:
Ormanda qarańǵy,
Bári – bári uıqyda.
Úki ǵana uıyqtamapty
Mańǵazdanyp otyr qatty
Ári - beri otyrdy da
Qarańǵyǵa qanat qaqty.
Mynaý buta túbine jaqyndańdarshy.
Munda bizden jasyrynyp qoıandar otyr eken
- júni qandaı?
- úlpildegen.
- qoıannyń túsi qandaı?
- aq
- qoıannyń neshe qulaǵy bar?
- eki
Qoıanǵa baılanysty taqpaq bilesińder me?
Aq qoıan - aý, aq qoıan
Úrkek qoıan saq qoıan
Qasha berseń qalyńǵa
«Qorqaǵym» dep at qoıam.

Sergitý sáti:
Uzyn qulaq sur qoıan,
Estip qalyp sybdyrdy.
Oıly - qyrly jerlermen,
Ytqyp - ytqyp sekirdi.
Qarap edi artyna,
Qıyǵyn sap kóziniń,
Kele jatqan tompańdap,
Kójegi eken óziniń.
Tárbıeshi: Qar hanshaıymy, biraz serýendedik, endi osy ormannan alǵan áserimizdi balabaqshaǵa baryp beıneleıik.
Balalar qoshtasyp, ormannan balabaqshaǵa qaıtyp ketedi. Balalar endi ornymyzǵa otyryp, oıyn. oınap jibereıik.
Dıdaktıkalyq oıyn: «Qaıda bardym, ne kórdim?»
Qysta baryp ormanǵa,
İshine biraz bógeldik.
Aıtyńdarshy balalar
Ormannan biz ne kórdik?
Balalar: Qar, Qar hanshaıymy, qustar, qoıan.
Jaraısyńdar balalar, endeshe aldarymyzdaǵy sýretti boıaımyz.
(Balalar sýretti úlgi boıynsha salady)
Qorytyndy: Barlyǵyńyz sabaqqa jaqsy qatystyńyzdar. Sender óte aqyldysyńdar, senderge rahmet!