InfoHub Logo

Lýna-9 — Aı betine jumsaq qonǵan álemdegi tuńǵysh ǵarysh kemesi.

Ol Aıǵa Avtomatty aı stansıasyn (AAS) jetkizdi. AAS alǵash ret Aı betiniń telepanoramasyn túsirip, ony Jerge translásıalady.

Lýna-9 stansıasynyń uzyndyǵy 2,7 metr, al Avtomatty aı stansıasynyń dıametri 58 santımetr boldy. AAS eki jaǵynan ony qorǵaıtyn amortızatorlyq balondar ornatylǵan edi, tórt antenasy qonǵannan keıin avtomatty túrde ashylatyn. AAS akýmýlátormen, temperatýrany retteý júıesimen, radıolyq, baǵdarlamalyq jáne ǵylymı qurylǵylarymen jabdyqtalǵan edi.

Buǵan deıin Aı betine jumsaq qonýǵa baǵyttalǵan Keńes Odaǵynyń 12 ǵarysh kemesi sátsiz ushyrylǵan bolatyn. Lýna baǵdarlamasyn júzege asyrýdy bastaǵan OKB-1 keıingi jumystaryn Lavochkın atyndaǵy konstrýktorlyq búroǵa tapsyrdy. Jańa búro negizinen amortızatorlardyń sapasyn jáne qosylýyn retteıtin ózgeristerdi engizip, baǵdarlamany jalǵastyrdy.

1966 jyldyń 31 qańtarynda saǵat 14:41:37 (UTC+3) Lýna-9 Baıqońyrdan ushyryldy.

3 aqpanda saǵat 21:44:52 (UTC+3) apparat Aıǵa qondy. Bul tarıhı oqıǵa Daýyldar muhıtynda, Kavalerı krateriniń soltústik-shyǵysynda oryn aldy.

AAS-pen 8 saǵattan artyq jalǵasqan 7 baılanys seansy ótkizildi. Ol Aı betiniń panoramalyq sýretterin túsirip, ony Jerge jiberdi. Ár panoramasynyń jetýine 100 mınýttaı ýaqyt ketetin.

Ushyrý aıy jáne kúni: 1966 jyl, 31 qańtar, Baıqońyr qalasy.

---